ЧӨЛӨӨТ АГУУЛГА

Хайран гэхэд даанч хайран …


2015 оны 04 сарын 23, 11:22
fun_1

Маш дээр үед буюу 2007 онд нэг бичлэг bugdeeree.mn дээр бичиж байсан юм. Гэтэл Бүгдээрээ.мн маань ажиллахгүй болсон байгааг өнөөдөр л мэдлээ.

Яг үнэндээ өнөөдөр ажил дээрээ энэ багшаа дурсаж ярьж байгаад энэ бичлэгээ сая хайж үзсэн юм.

Иймээс бүгдээрээ.мн нэгэнт ажиллахгүй байгаа тул өөрийнхөө блог дээрээ тавихаар шийдлээ.

Жич:
Өөрийн үнэн сэтгэлээс хүндэлж явдаг хайрт багшийнхаа гэгээн дурсгалд зориулж энэхүү бичлэгээ 2007 онд нийтлэж байснаасаа огт нэг ч үг үсэг өөрчлөлгүй орууллаа.

----------------------------

Би олон сайн багш нартай учирч их зүйл заалгасан азтай хүн боловч сурч авсан нь багахан нэгэн. Энд би Өмнөговь аймгийн Сэврэй суманд байдаг уран зурагийн Цэдэн-Иш багшийн тухай бодит дурсамжийг товч хүүрнэе.

Манай эгч УБИС-ийг төгсөөд соц нийгмийн хөдөлгөөнгүй томилгоогоор Сэврэй суманд томилогдсон бөгөөд эгчдээ хань болж явж байгаа эр хүн нь би байлаа. Очоод хэнд ч дээрэлхүүлэхгүй, бас эгчээ хамгаална гэсэн шүү бодол агуулсан 7-р ангийн хөвгүүн хөдөө рүү шилжвээ.

Шинэ сургуульд ирлээ. Аймгийн төвөөс ирсэн багшийн дүү гээд л жиг жуг яриагаа миний дэргэд ярьдаг цэнзүүргүй задгай хөдөө зан нь аймгийн төвийнхөнтэй харьцуулахад содон.

Хичээл хэт амархан, хичээлийн бус цагаар хийх ажил олдохгүй, таньдаг найз цөөн тул дорхноо л уйтгартай санагдаж эхэллээ.

Шугам зургийн хичээлийн багш намхан бүдүүн биетэй анх харсан хүнд аймаар ч юм шиг, нэг харахаар инээд хүргээд байдаг хүн байлаа. Хичээл орлоо. Шугам зурагийн проекц зааж байна. Сайн ойлгодоггүй ээ. Гэхдээ тэр багш хэдхэн зураг самбар дээр зураад биднээр таалгаснаар шууд нэвт ойлгож билээ. Санаанд үлдсэнээс доор зурлаа. Та ч гэсэн таагаад үз дээ.

1-рх нь эмэгтэй хүний өндөр өсгийтэй гутлыг араас нь харсан проекц.

2-рх нь амны халбагыг иш талаас нь харсан проекц.

3-рх нь хүнийг дээрээс нь харсан проекц гэх мэтээр их зугаатай зурагууд зурснаар проекцийг ямар төвөггүй ойлгосноор зогсохгүй ихээр сонирхож эхэлсэн хэрэг.

Ингээд л эхний өдрийн хичээлээс эхлээд тэр багшийг шүтэж эхэлсэн дээ. Ингэж байтал уран зургийн дугуйланд хүүхэд сонгож авна гэхээр нь очоод шалгууллаа. Тэнцчихлээ. Дараа нь шугам зургийн дугуйланд хүүхэд шалгалаа. Бас л тэнцчихлээ. Ингээд хоёр дугуйланд хоёуланд нь явж эхлэв.

Шугам зургийн дугуйлангийн эхний өдөр даалгавар өглөө. Зурчихлаа. Цаасан дээгүүрээ шугамаа чирсээр байтал цаас ч хар халтар л юм болчихлоо. Угаасаа муухай бичигтэй болохоор шрифт бичлэгүүд г ч гэж авах юм байхгүй. Дараагийн өдөр харин биднийг хоёр бүлэгт хуваалаа. Арай гайгүй хүүхдүүдэд шинэ иж бүрэн шугам зургийн багаж гаргаж өглөө. Гайхамшигтай багаж байсан. Бүх шугам нь модон шугам байсанд гайхсан боловч жаахан зурж үзээд модон шугам соронзон орон үүсгэдэггүй, цаас халтартуулдаггүй болохыг ойлгож билээ.

Гэх мэтээр багшаараа сайн балбуулсны хүчинд сүүлд нэг мэдэхнээ ТИС-ийн начер(начертательный геометр гэж их хэцүү эд гэсэн) гэдэг хичээлээр үздэг зүйлсийг үзээд өнгөрсөн болохоо МУИС-ийн 2-р курст ойлгож билээ. Тэр үед ТИС-д байдаг найз дээрээ очоод начер гээчээ бөөнөөрөө нийлээд л зурж байхыг нь харсан чинь 7-р ангид үзэж байсан зүйлс харагдаж байна. Хөндлөнгөөс ярианд оролцсон хүн сүүлдээ шөнөжин хэдэн гарын зургийг зурж өгч билээ.

Дараа жил нь буюу 8-р ангидаа аймгийн төвд буцаж ирээд байх үед шугам зургийн олимпиад болж, би ч мэдээж оролцлоо. Хэд хоногийн дараа биеийн тамирын хичээл орж байтал шугам зургийн багш дуудлаа. Тэгсэн хөдөө сумдаас оролцсон хүүхдүүдийн бүтээл ирчихсэн дүн гаргаж байнаа. Би нэг зураас алдсанаас болоод 2-т орох болсоныг багш засаад нэгт орчих гэж авч байна шүү. Тэгэхээр нь нэгт орох хүүхэд нь хэн бэ гээд асуусан чинь Сэврэйд хамт дугуйланд явдаг манай найз Д-ийн нэрийг хэлж байдаг юм байна. Би ч за уучлаарай багшаа наад хүүхдийг чинь би танина. Нэгд орох ёстой болоод л орж байгаа юм. Би засахгүй хоёрт орно гэдэг надад хаваасаг багшаа гээд хоёрт орж байж билээ. Тэгээд бодогдлоо. Аргагүй л тэр багш надад бас юм өгчдээ. Д-ийн дараа орно гэдэг миний хувьд максимум амжилт гэж бодож байж билээ. Гэхдээ тэр олимпиад хүртэл тэр багшийн дэргэд байсан бол би Д-ийн өмнө орох байсан ч байж мэднэ.

Уран зургийн дугуйлангийн хувьд би тийм гойд зурж чаддагүй байсан л дөө. Багш заахдаа эхлээд төрөл бүрийн мал амьтан зуруулж эхэлж байсан. Дандаа харандаагаар хар зураг зуруулна. Гэрэл сүүдэр гаргах үед бараан хар газрыг гялайтал харлуулж болохгүй гээд цаасыг хажуугаас нь харна. Их нарийн шалгана даа. Дараа нь арай дөртэй болсны дараа усан будгаар зуруулдаг болсон. Тухайн үедээ Сэврэй сумаас аймгийн төвд гаргасан урлаг спортын арга хэмжээний зургийн үзэсгэлэнгийн хамгийн толгойд тавигдах зургийг харин надаар зуруулж билээ. 10 дахиж зурж байж нэг юм багш болно гэж би нэг ёхолж билээ.

Бас модон дээр түлдэг үзгээр их зураг зуруулдаг байсан. Их сонирхолтой ажил даа. Хааяа нүд рүү утаа орж нулимс гоожно, гэхдээ л зураад байна. Нэг л буруу түлэхэд эргээд балруулдана гэж байхгүй.

Цаашлаад цаасаар элдэв дүрс хийлгэж байсан нь ч сонирхолтой. Одоо харин зав гарвал Японы оригами-г жаахан харах юмсан гэж боддог юм.

За тэгээд би багшийнхаа гар хөлийн үзүүрт зөндөө зарагдана өө. Тэр нь надад ч сайхан байдаг байсан. Сургууль дээр зарагддаг байгаад дараахан нь анх удаа урланд нь орж очоод би үнэхээр биширч билээ. Урлан нь сургуулийн хажууд байрлах сурагчдийн дотуур байрны модон байшингийн захын өрөөнд байсан юм. Анх урланд ороод очтол ханаар дүүрэн тэр хүний зурсан зураг. Үнэн гайхамшигтай. Хананд багтаагүй зургуудаа давхарлаад овоолоод хураачихсан. Зураг болгон нь зүйрлэшгүй. Нөгөө түлдэг үзгээр Түвдэнгийн Борын хөрөг, чоно гээд бас элдвийг зурсан нь түүнээс өмнө ч хойно ч модон дээр түлэх аргаар тийм гоё зурсан бүтээл хараагүй. Мэдээж Англи зэрэг улсад байхад тийм бүтээл элбэг байдаг ч манай багшийн зурсан шиг гоё зурсан байхыг нь хараагүй.

Манай багш бас тэгээд их хөгжөөнтэй хүн. Урландаа халтуур хийнгээ айлын авдар энэ тэр эрээлнээ. Би түүнд нь туслаад л хараад л бишрээд л… Бүдүүн намхан болохоороо авдар эрээлэхдээ их инээдтэй. Будгаа найруулж байхдаа нилээн амьсгаадаж байснаа амьсгаагаа сайн гэж авч түгжээд авдраа тэгнэж хэвтэж байгаад эрээлнэ. Түр үедээ амьсгал авахгүй, авбал бие хөдлөх тул болохгүй. Нэг дайралтаар нэг толгой угалз зурна. Тэрнийг нь би шоолохоор мэдээд улам марзаганаад…

Сонин сонин авьяас бас их үзүүлнээ. Самбар дээр зодолдож байгаа азрага, хүний урдаас харсан нүүр, мөргөлдөж байгаа янгир гэх мэт зүйлсийг хоёр гараараа зэрэг зурж бишрүүлнэ. Үйлчлэхийн багш нар ирж хувцасны загвар эсгүүлээд алмайрна. Хүний нэрийг араас нь урагш нь ямар ч гацаагүй хурдан бичиж үзүүлнэ. Бас хүний нэрийн толин бичлэгийг асар хурдан бичнэ. Араас нь гэрэлтүүлээд харахаар яг л зүгээр бичсэнтэй адилхан байх нь гайхалтай.

Тэгээд би тэр сумаас шилжсэн л дээ.

Хожим гашуун бөгөөд харамсаад барахгүй мэдээ сонсогдсон нь тэр багшийн маань урлан нь юу ч үлдэхгүй түймэрт шатсан байсан юм. Тэр хүний 30 жилийн хөдөлмөр, насны эцэст хотод ирж өөрийн үзэсгэлэнгээ байгуулах мөрөөдөл нь үнс болж хувирсаныг сонсоод үгээр хэлэх аргагүй харамсч билээ. Багш маань шатсан урлангийнхаа буурин дээр уйлж байсан гэдэг юм. Түүнээс хойш тэрээр дахиж уран бүтээл туурвиагүй бололтой юм билээ.

Хожим би УБИС-д ажиллаж байх үедээ санамсаргүй байдлаар юм мэдэх ахмад багш нараас Цэдэн-Иш багшийнхаа талаар асуухад шууд л дуу алдан магтаж байсныг үзэхэд үнэхээр авьяастай алтан нэгэн ажээ. Тэрээр одоо ч Сэврэй суманд амьдарч байгаа байхаа. Сүүлийн жилүүдэд би ч холбоо алдраад удаж байна даа…



Эх сурвалж: gobigobi.blogspot.com

САНАЛ БОЛГОХ НИЙТЛЭЛ

  • Шүдний эмчийн нэгэн зөвлөгөөнөөс хүргэж байна
    Таны шүдэнд нарийхан хар зураас, эсвэл цэгэн зураас харагдаж байна уу? Үүнийг анхааралтай уншаарай найзуудаа Шүдийг гадуур нь бүрхэх паалан бол хүний биеийн ясан дахь хамгийн хатуу эд бөгөөд анатомийн онцлогоосоо болоод шүд дотроосоо хөндий үүсч цоорч эхэлдэг гэж ойлгож болно. Яг л гурвалжин дүрсний орой нь танд цэгэн болон зураасан хар харагдана. Энэ паалангийн түвшинд мэдрэл с...
  • Нэг сарын турш өдөр бүр 10 кола уувал юу болох вэ?
          Сахарын хэт их хэрэглээ болон кола, пепси зэрэг  ундааны хор холбогдлын талаар эрдэмтэд хичнээн их сануулдаг билээ дээ.  Харин Америк залуу Жорж Приор өөрийн биеэр туршилт хийхээр шийджээ.  Туршилтын хувьд нэг их хугацаа шаардсангүй, нэг сарын хугацаанд өдөр бүр 10 лааз кола уужээ.  Түүний биеийн жин аажмаар нэмэгдсээр,анх 76кг ...
  • Чоно Сүлд номыг барууныхан хэрхэн хүлээж авсан талаар хэдэн үг хэлсү
    Номын клуб гэх сүржин нэр дор цуглардаг энд амьдардаг хэдэн гадаад эмэгтэйчүүд дунд Хятадын зохиолч Зян Рунгийн Чонон Сүлд номны хэлэлцүүлэг уржигдар (13.9.2013) болж, хүссэн хүсээгүй ганц монгол болохоор бибээр гол дүрд тоглов. Хөх Чино гэдэг эрийн Гоо Марал хэмээх эхнэрээс Батцагаан хүү төрсөн бөгөөд чухам энэ гэр бүл монголчуудын өвөг дээдэс хэмээх бараг домог болсон түүх байдаг. Ч...
  • Японд карриг өөр хэв маягаар хийх болжээ
    Карри хэмээх хоол Японд анх 1967 онд үзэгдсэн боловч албан ёсоор 2007 оноос хөгжиж иржээ. Харин сүүлийн үед Японы тогооч нар үйлчлүүлэгчиддээ арай өөр хэв загварын карриг санал болгох болсон байна.
  • Гоо сайхны мэс засал хийлгэсэн 22 эрэгтэй алдартан
    #22 Mickey Rourke Домогт жүжигчин, зодог тайлсан боксчин, Холливудын зартай муу хүү Мики Рурк архи дарсанд толгой мэдүүлэн хэсэн хугацаанд завсарлага аваад, эргэж ирэхдээ үс залгуулж, хамар болон хацрын ясаа засуулж, арьсаа татуулжээ.Шинэ дүр төрхтэй эргэн ирснээр карьераа дахин сэргээж,  "Wrestling" кинонд тоглосон дүрээрээ Оскарын шагналд нэр дэвшжээ.#21 Gene Simmons Жи...
  • Майкл Жордан, Коби Брайнт хоёр
    Энэ хоёр одыг сагсан бөмбөг сонирхогчид хэзээ ч мартахгүй, бас үргэлж харьцуулж байх биз. Майкл хийдгээ хийчихсэн, гавьяаны амралт, гайхалтай бизнесээ хослуулж яваа. Харин Коби, тэр саяхан энэ улирлыг дуусгаад зодог тайлахаа мэдэгдсэн. Тэд үнэхээр тод од, сагсанбөмбөгийн түүхийг эргүүлэгчид. Мянган мянган залуус тэднийг л харж суралцдаг бол тэд, ялангуяа Коби ч бас Майклаас суралцдаг бай...
  • Бид ямар харагдах болсон бэ?
    Хүмүүсийн амьд харилцаа өдрөөс өдөрт үгүй болж байна. Тэд хамаг анхаарлаа зөвхөн гар утас, таблет, компьютерт хандуулах болсноор халуун дулаан уур амьсгал амьдралд үгүйлэгдэж байгаа нь алхам тутамд мэдрэгдэх болно. Та хайртай хүмүүстээ хайр энхрийллээ өөрийн биеэр, үгээрээ илэрхийлсэн үү?
  • Аглаг бүтээлийн сүм
    Аглаг бүтээлийн сүм нь Төв аймгийн Борнуур сумын нутаг Далийн аманд байршилтай бөгөөд 2008 онд шав нь тавигдаж 2012 оноос ашиглалтанд орсон. Байгалийн гайхалтай өвөрмөц тогтоц газарт бүтээн байгуулагдсан шинэ үеийн Монгол сүмийн төлөөлөл... Эргэн тойрон дахь уул ус, мод, хадны тогтоц нь хүний сэтгэл татахуйц, өвөрмөц тогтоцтой цэвэр агаар, цэнгэг устай горхи хоржигнож хүн амьтны сэт...
  • ХӨРӨӨ БА ТӨРӨХҮЙ /өгүүллэг/
    Японы алдарт зохиолч, Нобелийн шагналт Кавабата Ясүнари (1899-1972)Ямар учиртай юм бол, юутай ч тэр газар Итали болохыг л сайн мэдэж байна. Өндөр овоон дээр босоо эрээн судалтай шүхэр мэт нэг асар майхан байх агаад оройд нь хатгасан далбаа тавдугаар сарын салхинд намиран хийснэ. Аглаг ойн хормой дор хөх далай цэлийн дуниартана. (Изү уулын халуун рашааны далайн эрэгтэй их төстэй юм.) ...
  • Оросын далайн нохдын баг Ялалтын баярт зориулж тусгай үзүүлбэр үзүүлжээ
  • Хэлний күүрс-1
    Их сургуулийн хэлний бэлтгэлд яваад нэлээн хэд хонолөө. Финлаандаас ирсэн гарыг эс тооцуул манай эрээвэр хураавар нөхөд бүгд л маний адил “хөгжиж буй” орных байхым. Тэр Финлаанд тэхдээ зүгээргүй ээ. Хамаагүй эс тооцож болкуу зус байлээ тэрчэн! Тооцы. Өвс татцан гэмээр нөхөр. Яджаахад уруул дороо пийрсинг шаацан, үс нь одоо чероокий юмуу даа. Зурвас залаа тавиад үлдсэн талбай...
  • Үндсэн хуулийн өөрчлөлтийн тухай иргэний бодол
    Үндсэн хуулийг өөрчлөн сайжруулах дээр санал нэг байна. Гэхдээ ийм улс төрийн орчин, нөхцөл, сонирхлын зөрчил, ийм алсын хараа, мэдлэгийн түвшинд, ийм давчуу хэн нэгний жижиг төлөвлөгөөний дагуу яавч биш. Үндэсний хөгжлийн алсын хараа, Монгол Улс дэлхийд хэн болох, ямар үзэгдэхийг хүсэж байгаагаа, мөн өөрсдийн нөхцөл орчноо тодорхойлж байгаад, түүндээ тохируулан нийгмийн суурь боло...
  • Odnoo's talk show - Жүжигчин Амбий агсан
    Жүжигчин Амбий агсны маань хөгжилтэй сайхан ярилцлагыг үзээрэй. Хөржилтэйн дээр бас сургамжтай, гоё ярилцлага байна. Гоё жүжигчин, сайхан хүн байсан шүү. Харахаар л бараг инээд хүрдэг сайхан хүн байсан шүү. Маш сургамжтай юм ярьж байна. Баахан инээлээ заавал дуустал нь үзээрэй.
  • Идэхэд ч хайран бялуунууд
    Хоолны урлаг сүүлийн жилүүдэд маш эрчимтэй хөгжих болсон ба энэ төрлөөр уран бүтээл туурвидаг уран бүтээлчид хүнсэнд хэрэглэгддэг бүхий л жимс, ногоо тэр ч байтугай кофены үр болон шаар зэргийг хүртэл уран бүтээлүүддээ ашигладаг бөгөөд тэд өөрсдийн уран бүтээлдээ ашиглаж болох бүхий л хүнсний бүтээгдэхүүнүүдийг ашиглан идэхэд ч хайран жинхэнэ урлагийн бүтээлүүдийг урлах болсон. Ингээд т...
  • Кофе ашиглан зурсан зураг
  • ГОВИЙН МАХИР ХУРУУТ ГЕККОН
    Нохой гүрвэл гэж ч нэрлэдэг. Алтайн өвөр говийн шар хулсны баянбүрдүүд, Ногоон цав, Ингэн хөөврийн хоолой зэрэг цөлөрхөг, хадархаг нутгаар тархсан. Мөн Зулганайн гол, Хэрмэн цав, Бүгийн цавд тохиолддог. Их биеийн урт нь 5.8 сантиметр. Толгойн дээд тал жижиг мөхлөгөн хайрсаар хучигдсан, урт хөлтэй, өмнөд хөлийн урт нь хоншоортоо хүрдэг бол хойд хөлийн урт далнаасаа давж гардаг. Ер...
  • Японд амьдарч байхад нүдийг минь нээсэн 17 чухал хичээл
    1.Талархлаа үргэлж илэрхийлэх. Японд хэн нэгний хүргэсэн ач тусыг зүгээр л хүлээн авах бус, аль болох чадлынхаа хэрээр заавал хариу барьдгийг сурах болно. Бичээгүй талархлын захидлаа санаж байна уу? Худалдаж авчихаад илгээгээгүй төрсөн өдрийн мэндчилгээ юу? Ийм зүйл Японд хэзээ ч тохиолдохгүй. Хариу талархал илэрхийлнэ гэдэг сэвгүй харилцаанд тавигдах эн тэргүүний шаардлага. Магадгүй...
  • Ээжийгээ хайрлаж яваарай
     Эхийн сэтгэлийг авсан үр нь үргэлж ээжийгээ хайрлаж, хүндэлж  завгүй байсан ч цаг гаргаж байх ёстой юм шүү.
  • Гэрэл зургийн гайхамшиг
    Өнгөрсөн бүхэн дурсамж, дурдатгал болон үлддэг ч гэрэл зураг хэзээ ч хуучирдаггүй гэдэг үгийг хүн бүр мэддэг. Өөрөөр хэлбэл гэрэл зураг өөрөө өөртөө түүхийг агуулж биднийг он цагийн хэлхээгээр аялуулж, сайн сайхан дурсамжуудаа эргэн санах боломжийг олгодог. Түүнчлэн яг цагийг нь олж дарсан гэрэл зураг гайхамшиг болон үлдэж чаддаг байна. Харин та бүхэнд хүргэж байгаа гэрэл зургууд бол яг...
  • Таны үзэл бодолд хэзээ өөрчлөлт гарах вэ
    Манай дэлхий энэ цаг үед тун чиг сүрхий үймээн самуунтай болж ирлээ. Зуугаад жилийн өмнө байдал нэг иймэрхүү байсан гэдгийг түүх өгүүлдэг. Дэлхийн дайнууд Монголыг тойрч байсангүй. Монгол бол үндсэндээ дэлхийн 2-р дайнд буу шийдэм барьж оролцсон улсын нэг. Өнөөгийн дэлхийн хямралт байдал ч биднийг тойроод өнгөрнө гэх баталгаа алга. Дэлхийн улсууд хоорондын зөрчилт байдал хурцдаж буй...
Та соёлтой, боловсон, хуулийн хүрээнд сэтгэгдлээ үлдээгээрэй. Баярлалаа.
  • 500 тэмдэгт
  • болих
  • оруулах

Холбоо тогтоох

Та Like дарж манай мэдээллийг авч байгаарай.