ЧӨЛӨӨТ АГУУЛГА

ААЛЗНЫ ШҮЛС /сонгомол өгүүллэг/


2015 оны 07 сарын 31, 11:39

 111745353_875587169157293_5459492322399909312_n
Нэгэн өдөр Бурхан багш энхжингийн орныхоо бадамлянхуан цөөрмийн хөвөөгөөр ганцаар амар тайван морилж явлаа. Цөөрмийн уснаа дун цагаан үзэсгэлэнт лянхуа цэцэгс цоморлигоо дэлгэн дэлбээлж, алтан шар дохиуроос нь үгээр хэлшгүй анхилам сайхан үнэр орчлонд түгнэ. Диваажингийн оронд өглөө болжээ.

Удсангүй бурхан багш цөөрмийн эрэгт өвдөглөн суугаад усны мандлыг нэлд нь бүрхсэн лянхуан том далбагар навчсын завсраар санаандгүй цөөрмийн ёроолыг харав. Диваажингийн энэ цөөрмийн доор эрлэг тамын орон байх бөгөөд болор мэт цэвэр тунгалаг усны ёроолд улаан эргүүлэгт аймшигт гол, өргөст хадан цохионууд яг л шидэт толиор харж буй мэт нүдэнд илхэн харагдах авай.
Тэгтэл тэр тамын ёроолд Кандата гэдэг залуу бусад нүгэлт хүмүүсийн хамт тарчлан зовж байхыг олж харав. Кандата болбоос хүний амь бүрэлгэж, байшин сав шатаах зэргээр их нүгэл үйлдэж явсан том гарын хулгайч хүн боловч нэг удаа буян хийсэн юмсанж. Тэр нь юу вэ хэмээвээс, Кандата нэгэн өдөр ойд явж байгаад нэг аалз замын хажуугаар арвагнан явж байхыг хараад шуудхан хөлөө өргөөд бяцлах гэснээ “Үгүй, үгүй өчүүхэн энэ ч бас амьтай, голтой амьтан биз. Амьд биеийг ингэж дэмий хороож яаж болох вэ” хэмээн гэнэт өрөвдөн бодоод гишгэлгүй амьд үлдээсэн юмсанжээ.
Бурхан багш тамын ёроолыг ажиглаж суунгаа Кандатагийн энэ аалзны амийг өршөөсөн явдлыг санав. Тэгээд тийм буян үйлдсэн Кандатаг болдог бол тамаас гаргаж тус болохсон хэмээн боджээ. Аз болж хажууд нь маргад эрдэнэ мэт гэрэлт ногоон навчин дээр диваажингийн нэг аалз номин цэнхэр тороо нэхэн сууж байв. Бурхан багш тэр аалзны торын үзүүрээс зөөлхөн чимхэн аваад мөсөн бөмбөлөг мэт бадамлянхуан завсраар шургуулан тэртээ гүнд орших тамын ёроол руу чанх доош нь унжууллаа.

2

Тамын ёроолын улаан цусан цөөрмөнд Кандата бусад нүгэлт хүмүүсийн хамт нэг ил гарч, нэг живэн байна. Хаашаа ч харсан тас харанхуй, хааяа нэг тэр гүн харанхуйн дунд нэг юм сүүмэлзэн үзэгдэв үү дээ хэмээн бодохуйяа тэр нь сарайсан өргөст хадан уулын үзүүр гялтасхийн гэрэлтэж буй тул зүрх рүү нь хатгаад авах шиг аюумшигтайг хэлэх юун. Үүн дээр эргэн тойронд далан давхрын оршуулгын газар мэт анир чимээгүйн орчлон нүүрлээд хааяахан нэг нүгэлт хүний гингэнэн улих тасалданги дуу цээж зүснэ. Тамд унасан эдгээр хүмүүс эрлэг тамын орны элдэв янзын гэсгээл, цээрлэлд тарчлагдан зовсоор эдүгээ уйлан чарлах хүч тэнхээ нэгэнт үгүй болжээ. Тийм болохоор хэдий их гарын хулгайч асан Кандата ч гэсэн цуст нуурын цусан дунд хахан цацан яг л үхлээ хүлээх үлбэгэр мэлхийн адил амь тэмцэн тийчигнэн байна.
Тэгтэл нэгэн өдөр. Кандата санаандгүй цусан цөөрмийн тэнгэр өөд ширтэж байтал чив чимээгүй харанхуйн дунд тэртээ дээр тэнгэрээс мөнгөн өнгөтэй аалзны нэг шүлсэн хялгас хэн нэгэнд харагдчих вий дээ гэсэн шиг нарийхан нимгэн зураас мэт гялтаг гялтагхийн яг өөрийнх нь дээрээс гулсан унах мэт буун ирж байв гэнэ. Кандата түүнийг хараад өөрийн эрхгүй алга ташин баярлав. “Энэ утаснаас зуураад дээш авираад байвал лав тамын орноос гарч чадах байх шүү. Үгүй бүр диваажингийн оронд ч хүрэхийг хэн байг гэх вэ. Тийн ахул өргөст уул руу хөөгдөж, цуст нууранд хахаж цацаж зовохгүй.”
Ингэж бодсныхоо дараа тэрбээр даруйхан хоёр гараараа шүлснээс зууран авч хамаг хүчээрээ дээшээ, улам дээшээ авирч эхэллээ. Угаас алдар цуутай хулгайч хүн тул иймэрхүү юманд хэдийнээ дасаж орхисон юмсанжээ.
Гэвч тамын орноос диваажинд хүртэл хэдэн зуун, мянган бээр газар тул хичнээн яарч тэвдсэн ч тийм амархан авиран гарч яахин чадах билээ. Хэсэг авирч байгаад Кандата өөрийн эрхгүй эцэж туйлдаад хумсын чинээ ч ахиж чадахаа болив. Тэгээд арга буюу юу ч байсан амрахаар шийдэн шүлсэнд дүүжлэгдэнгээ доошоо тонгойн харлаа.
Тэгтэл байдаг чадлаараа хичээснийг ч хэлэх үү, бүүр түүрхэн дотор нь байсан цусан нуур одоо тээр дор харанхуй ангалын ёроолд мэт харагдав. Басхүү өнөөх бүүдийн гялтганах аймшигт шовх уул нь ч хөлийн дор үлджээ. “Энэ маягаар яваад байвал тамын орноос санасныг бодоход даруй мултарч чадах нь.” Кандата хоёр гараараа аалзны шүлснээс зууран тамд унаад хэдэн жил ч юм бэ хашгирч үзээгүйгээрээ “Аа ха ха ха” гэж чангаар инээв. Тэгтэл нэг харсан аалзны шүлсний доод хэсэгт тоолж баршгүй гэмтэнгүүд өөрийнх нь араас яг л шоргоолжны цуваа мэт дээшээ сурамгай гэгч нь авиран айсуй гэнэ. Кандата түүнийг хараад гайхах балмагдах хоёр зэрэгцэж хэсэг зуур мангуу хүн мэт амаа ангайсан чигтээ нүдээ баахан цавчин байв. “Ганцхан хүн ч гэсэн тасарчихаар энэ нарийхан шүлс яахлаараа ийм олон хүнийг даадаг байна вэ? Гай болж тасарч орхивол энэ хүртэл үйлээ үзэн зүтгэсэн би өөрөө ч нөгөө там руугаа унах болно. Тэгвэл ч баларлаа шүү”. Гэвч ийн бодох мөчид ч нүгэлт хүмүүс хэдэн зуун, мянгаараа түнэр харанхуй цусан нуурын ёроолоос зурайн гэрэлтэх аалзны шүлсэнд зүүгдэн улам улам дээшлэн цувсаар. Үтэр түргэн нэг арга бодохгүй бол удахгүй голоороо гарцаагүй тасарна гэж санаа зовсон
Кандата:
- Хөөе, өөдгүй муусайн нүгэлтнүүд! Наадах чинь миний юм. Хэн та нарыг авир гэсэн юм? Буу, буу гэж муухай хашгирав.
Яг тэгтэл. Өнөө хүртэл зүв зүгээр байсан аалзны шүлс гэнэт Кандатагийн зүүгдэж байсан газраар тасхийн тасран унажээ. Тийм болохоор Кандата ч хөөрхий зайлуул, агшин зуур салхи татуулан дамар мэт эргэлдэн харанхуй хар ангал руу ойчоод өглөө.
Одоо зөвхөн өнөөх тасарч үлдсэн диваажингийн аалзны шүлс сар ч үгүй, од ч үгүй хар тэнгэрт гялтас гялтасхийн унжиж баймой.

3

Бурхан багш бадамлянхуйн цөөрмийнхөө эрэгт зогсоод энэ хэргийн нэг хэсгийг эхнээс нь дуустал ажиглан зогсож байсан авч төдөлгүй цусан нуур руугаа чулуу мэт живэн орсон Кандатаг хараад гунигтай царайлан намс намс алхан цааш явлаа. Ганцхан өөрөө л тамаас гарах гэсэн Кандатагийн амиа хичээсэн өөдгүй муу сэтгэл ийнхүү түүндээ тохирсон шийтгэл хүртэн буцаад там руугаа ойчих болсныг Бурхан багш үзээд ихэд гутарсан буй за.
Тийм авч энхжингийн бадамлянхуан цөөрмийн лянхуа цэцэгс эл хэргийг огт тоосон шинжгүй. Цасан цагаан гоёмсог лянхуа цэцэгс Бурхан багшийн өлмийн эргэн тойронд намис намис найган ганхаж, голын шар алтан дохиуроос нь үгээр илэрхийлэмгүй үлэмж сайхан үнэр зогсолтгүй анхилна. Диваажинд одоо их үдийн нар ойртож буй бололтой.

                                                                                                                                                                               Орчуулсан: Д.Алтанцэцэг


САНАЛ БОЛГОХ НИЙТЛЭЛ

  • Шилдэг гэрлэх саналууд
  • Хүн бүхэнд боломж бий!
          Сергей Кутов дөнгөж 17 настайдаа ослын улмаас нэг хөлөө алджээ. Эмнэлэгт байх хугацаандаа тэр 110кг болтлоо жин нэмсэн хэдий ч бууж өгөхийг хүссэнгүй.  Спортоор хичээллэж 2 жилийн дотор өөрийгөө эрс өөрчилж чадсан байна. "Би урьд нь  бүх л юмыг иддэг байсан, өөрийгөө ямар ч хүчгүй, зүгээр л нэг хэсэг  өөх" гэж боддог байсан гэ...
  • Монголын цаатнуудын амьдралыг харуулсан зураг
    Монголын цаатангууд буюу Тува угсааны хүмүүсийн өдөр тутмын амьдралыг харуулсан зургийг  Хамид Сардар Афгами гэх эрдэмтэн цахим ертөнцөд нийтэлсэн нь хүмүүсийн анхаарлыг ихэд татаж буй бололтой.
  • Хөөрхнөөс хөөрхөн гөлөгнүүд
  • Өдөрт суух биш зогсож ажиллах нь эрүүл мэндэд тустай
    Амьдралын хэв маяг үл ялиг өөрчлөгдөхөд хүний эрүүл мэндэд ноцтой нөлөөлдөг. Харин эрүүл байхын тулд бага сууж, аль болох олон цагаар хөл дээрээ зогсохыг эмч нар зөвлөж байна. Ялангуяа ажил дээрээ. Сайн дурын 800 хүнд туршилт явуулсан бөгөөд ажил дээрээ байнга зогссоноор цусан дахь чихэр, өөх, тосны хэмжээ буурсан үзүүлэлт гарчээ. Хэрэв хүн өдөрт нэмэлт хоёр цагийг зогсож өнгөрүүлэх...
  • Дэлхийн хамгийн үнэтэй салалтууд
    Салалт амаргүй гэдгийг дурлаж үзсэн хэн бүхэн мэднэ. Салалтын цаана хамтрагчийн сэтгэл дундуур байдал эсвэл мөнгөний сонирхол нуугдах нь олонтаа. Та бүхэндээ дэлхийн хамгийн үнэтэй салалтыг танилцуулъя. Тербумтан Димитрий болон Елена Рыболовлева- 4,5 тербум ам.доллар 2014 онд Женевийн шүүхээс тербумтан Димитрий Рыболовлевыг хуучин эхнэр Еленад тэтгэмж  болгон 4,5 тербум ам,доллар ...
  • Мөрөөдлөө биелүүлэхэд нас хамаагүй
    81 настай Хятад эмэгтэй Австрали руу хүүтэйгээ уулзахаар явахдаа анх удаа онгоцонд сууж үзжээ. Австралид очоод ирсэн жуулчдад шүхрээр хэрхэн буух хичээл санал болгодгийг дуулаад, хүүдээ шүхрээр үсрэх хүсэлтэй байгаагаа хэлж, эрүүл мэндийн шалгалт өгсний дараа хүслээ биелүүлсэн эмээ " Нас намайг мөрөөдлөөс минь холдуулж чадахгүй, шүхрээр үсрэх үнэхээр зүйрлэхийн аргагүй сайхан байлаа...
  • Жинхэнэ хайр байдаг гэдгийг батлан харуулж байгаа алдартнууд
    Орчин үед аз жаргалаар дүүрэн, бат бөх харилцаа холбоотой гэр бүл тун ховорхон болсон. Ялангуяа нэр алдарт гарсан хүмүүсийн хувьд нэг хүнтэйгээ урт удаан хугацаанд тогтвортой амьдарна гэдэг бараг л гайхамшиг болж хувирсан цаг. Гэсэн хэдий ч хэчнээн цаг хугацаа улиран одсон ч бие биенээ гэх итгэл сэтгэлээ алдалгүй хайр сэтгэлээ хэвээр нь авч үлдэж хамтдаа он удаан жил аз жаргалаар дүүрэн...
  • Хөсөгтөн хамтлаг финалд шалгарч чадлаа
    Хөсөгтөн хамтлагийн залуус маань "Авьяаслаг Азиуд" шоуны шилдэг 9-ийн нэгээр шалгарч Монголчууддаа дахин нэг баяртай мэдээг дуулгаж байна. Үзүүлбэр бүртээ шүүгчдээс өндөр үнэлгээ авсаар ирсэн тэдний хувьд улс орныхоо нэрийг өндөрт өргөж, Азийн 900 гаруй үзүүлбэрээс шилдэг 9-ийн нэгээр шалгарч чадсан нь аргагүй бахархмаар. Амжилт хүсье, Монголын Хөсөгтөн!
  • Цахим ертөнцөд хамгийн үзэсгэлэнтэй гэгдэж буй охин
    Оросын хөлбөмбөгчин  "Локомотив", "Динамо" багуудын тоглогч асан Руслан Пименовын охин Кристина Пименов сүүлийн үед цахим ертөнцөд гоо үзэсгэлэнгээрээ гайхагдах болжээ. Хүмүүс түүнийг том болоод шуугиан тарих загвар өмсөгч болж магадгүй гэсэн таамаг дэвшүүлсээр байна. Кристина 3 жил загвар өмсөгчийн сургуульд явсан ба тун удалгүй дэлхийн алдартай брэндүүдийн зура...
  • Дотоод сүлжээнд хэвлэгч хуваалцаж дундаа хэрэглэх
    Нэг хэвлэгчийг сүлжээнд байгаа олон компьютер зэрэг хэрэглэж хэвлэх хэд хэдэн боломжууд байдаг. Сүлжээний залгууртай принтерУтасгүй холболттой (Wifi)Принтер серверХэвлэгчийг нэг компьютер дээр таниулан тэр компьютераар дамжуулан бусад компьютераас хэвлэх боломжҮүний түгээмэл ашиглагддаг хэлбэр нь Printer Sharing буюу нэг компьютераар дамжуулан ашиглах арга юм. Зөвхөн USB, эсвэл LPT1 ор...
  • Бид эх дэлхийгээ ямар болгож байна вэ?
    Индонези АНУ, Орегон Монгол улс, Шарын гол АНУ, Калифорниа Мексик Бангладеш Бразил Дэлхийн хамгийн том экскаватор Гана Испани Канад Оросын Мир уурхай. Дэлхийн хамгийн том алмазны ордод тооцогддог. Хайлж буй мөсөн уул
  • ИЛБЭНХ
    Нохдын овогт багтдаг илбэнх дунджаар 65 см орчим урттай, сүүл нь 20-25 см, 4-10 кг жинтэй,3-4 жил насалдаг холимог идэштэй, хөхтөн амьтан. Илбэнхийн сарвуу богинохон ч хуруунууд нь урт, салсан байдаг учраас мөр нь хүний алгатай төстэй харагддаг. Сүүлэн дээрээ 5-10 цагариган судалтай. Модонд авирахдаа яг л сармагчин шиг шаламгай, чадварлаг. Үүнд урт хумс нь нөлөөлдөг. Энэ амьтан тэн...
  • Анжелина Жоли: Би бол шивээс, цус, сорвиос бүтсэн
    Анжелина Жолийн амьдралын зарчмыг 1990 оны зурагтай нь хамт хүргэж байна. Тэр орлогынхоо гуравны нэгийг буяны үйлст зориулдаг аж. ....Эрх чөлөөтэй байна гэдэг зөн совиндоо захирагдан хэнд ч хор хөнөөл учруулахгүйгээр амьдарч, хүмүүсийг алдаа хийснийх нь төлөө шүүхгүй байхыг хэлнэ... Хэл сурах гэж байгаа бол хараалаас эхэл. Сайн хараал танд ярианы ямар ч толь бичгээс илүү тус болно. Би ...
  • Ямар багш нар оюутнуудад таалагдав?
    1. Өглөөний 7 цагт унтлагынхаа хувцастай ирсэн багш 2. Сонирхолтой гэрийн даалгавар өгдөг багш Доорх зүйлсийг гэрийн даалгаварт хийж ирнэ үү. 1. Мастер Кунг-Фу 2. Шүтлэгээ нэг өдөр сольж үзэх 3. 24 цаг хиймэл сахал зүүх 4. Дэлхийн өлсгөлөнг зогсоох 5. Өөртөө өстэй хүний итгэлийг олж, дараа нь итгэлийг нь алд 6. Шүршүүрт орохдоо эхлээд ангижруулагчаар, дараа нь шампуниар угаагаад яа...
  • Улаан дарсны ашиг тус
    1. Хавдраас урьдчилан сэргийлдэг Улаан дарс нь хүний биеийг гэмтээгч чөлөөт радикалуудаас сэргийлдэг антиоксидантаар баялаг төдийгүй ресвератрол гэгч хавдрын өсөлтийг хаагч бодисыг ихээр агуулдаг байна. Эрдэмтэд ресвератрол хөхний болон түрүү булчирхайн хавдарт өртөх эрсдлийг бууруулж байсныг судалгаагаар баталжээ. 2. Зүрхний эмгэг Флаванойдоос өөр зүрхний эмгэгээс сэргийлэх бодис ба...
  • Гэрэл зургийн урлагийн гайхамшиг
    Гэрэл зураг гээч зүйл зөвхөн түүх өгүүлэхээс гадна хүний сэтгэлд янз бүрийн мэдрэмж төрүүлж, сонин содон сэтгэгдэл үлдээж чаддаг гайхалтай зүйл. Түүнчлэн гэрэл зураг бидэнд өөрсдийн биеэр хэзээ ч үзэж харж чадахгүй зүйлсээ харж, мэдрэх боломжийг олгож байдаг. Тийм ч учраас олон олон хүн энэ гайхалтай урлагт татагдаж хэний ч үзэж хараагүй зүйлсийг гэрэл зургийн хальснаа буулгах гэж хичээ...
  • Зөв цагт, зөв газраас авсан гэрэл зургууд
    Балба улс, шинэ оны анхны нар Гэрэл зурагчид зөв цагт зөв газраа байж, яг тэрхүү торгон агшныг гэрэл зургийн хальснаа буулгаж чадсанаар хамгийн хосгүй төдийгүй энэ хорвоо дээрх хамгийн шилдэг гэрэл зургийг авч үлддэг тохиолдол байдаг. Цаг цагаараа байдаггүйн нэгэн адил гэрэл зураг бүр өөрийн гэсэн хаана ч байхгүй, хэзээ ч давтагдашгүй гайхалтай түүхийг өөртөө агуулж байдаг ба зөв цаг...
  • Эрчүүд эмэгтэйчүүдээс богино насалдаг 15 шалтгаан
    Дэлхий дээр өндөр насалж буй хүмүүсийн дийлэнх хувь нь эмэгтэйчүүд байдаг гэсэн аман яриа байдаг харин үүнийг хэр бодит болохыг шалгахаар эрдэмтэд судалгаа явуулжээ. Судалгаанд 49 хүнийг хамруулахад зөвхөн 2 нь л эрэгтэй байв. Ийнхүү энэ яриа үнэн болох нь батлагдав. Эрчүүд эмэгтэйчүүдээс богино насалдаг шалтгаан эдгээр ч байж болох юм.
  • Жеки Чаны хүү ял сонслоо.
    Тулаант киноны од Жеки Чаны хүү 32 настай Жейси Чан хар тамхины хэрэгт холбогдож, 6 сарын хорих ял сонсоод байна. Өнөөдөр Жейси шүүхийн өмнө "бусдад  хар тамхи дамжуулсан" буруугаа хүлээсэн бөгөөд давхар 2000 юоань (320$ орчим)-ийн торгууль ногдуулжээ. Цагдаа нар түүний гэрийг нэгжиж, 100 граммаас илүү марихуан илрүүлсэн байна.
Та соёлтой, боловсон, хуулийн хүрээнд сэтгэгдлээ үлдээгээрэй. Баярлалаа.
  • 500 тэмдэгт
  • болих
  • оруулах

Холбоо тогтоох

Та Like дарж манай мэдээллийг авч байгаарай.