ЧӨЛӨӨТ АГУУЛГА

JCI ASPAC-ЯМАГАТА 2014


2014 оны 06 сарын 05, 18:24
lag.mn Yamagata Aspac
2011 оны 3 сарын 11-ний хар дарсан зүүд мэт өдөр Япончуудын хувьд тэр дундаа Японы Зүүн хойт бүсийн Фүкүшима төвтэй Миаги, Ямагата  зэрэг аймгуудын хувьд хэзээ ч мартагдашгүй хар толбо үлдээсэн, хэзээ ч мартагдашгүй гуниг зовлон авчирсан, хэзээ ч мартагдашгүй сүйрэл авчирсан, хэзээ ч мартагдашгүй хагацал учирсан өдөр байсан.

Жирийн нэгэн Япон хүүхэд сургуульдаа явж, жирийн нэгэн ээж, эмээ хүүхдээ үдэж, хүргэж өгч,  жирийн нэгэн багш хичээлээ зааж, жирийн нэгэн залуу ажлаа хийж, жирийн нэгэн өвөө тариан талбайдаа тонголзож, жирийн нэгэн бүсгүй хүүхдээ салхилуулж, жирийн нэгэн жолооч таксигаа барьж явахад тэрхүү гамшигт газар хөдлөлт, цунами болсон.

Тэр цагаас хойш 3 жил 3 сар  орчим өнгөрсөн энэ мөчид Ямагата мужид JCI буюу Junior Chamber International хэмээх дэлхий нийтийг хамарсан эерэг өөрчлөлтийг бүтээгч залуусын байгууллага тэрхүү гамшиг болсон бүс нутагт Ази-Номхон Далайн Бүсийн Чуулган/ASPAC- Asia Pacific Conference/-аа хийж, Япон, Монгол, Солонгос, Тайвань, Сингапур, Энэтхэг, Малайз, Непал, Вьетнам, Камбожи, Филиппин, Индонези, Нью Зеланд, Бангладеш гээд Ази, Номхон Далайн олон орны нийт 8000 гаруй залуус хуран цуглалаа.
JCI Монгол байгууллагаас ЯМАГАТА ASPAC-д олон гишүүд оролцлоо
lag_mn Mongolchuud ASPAC-d1

Хамтдаа суралцаж, хамтдаа хөгжиж, хамтдаа хөгжилдөх, харилцан туршлага, мэдлэгээ солилцож, нийгэмд эерэг өөрчлөлтийг бүтээгч залуусын чуулганд нутгийн иргэд, орон нутгийн удирдах байгууллагууд,  Японы  тэр дундаа ЯМАГАТА JCI-чүүд маш өндөр ач холбогдол өгч бэлдсэн байна.
Ямагата аймаг нь Токио, Осака зэрэг хотуудтай харьцуулбал жижиг газар тул энэ олон хүнийг нэгэн зэрэг хүлээн авч, чуулганыг өндөр түвшинд зохион байгуулахад тулгарсан асуудлуудаа эерэгээр шийдэж, эерэг хамтын ажиллагааг үүсгэсэн байсан нь хэн бүхний анхаарлыг татаж байлаа.
Тэд зохион байгуулалтын хүрээнд дараах шийдлүүдийг хэрэгжүүлсэн байлаа. Үүнд:

1. Хотын хэмжээнд 8000 гаруй хүмүүсийг хүлээн авах зочид буудлын хүрэлцээ муу тул тэд
* Гадны зочдыг хотын төвийн зочид буудалд буулгах
* Япон оролцогчидоо хотын захаар эсвэл зэргэлдээх хот, аймгийн зочид буудалд буулгах .
2. Такси хүрэлцэхгүй гэж тооцоолж зэргэлдээх аймгийн такси баазуудтай хамтран ажилласан. Мэдээж зэргэлдээх аймгийн таксинууд нь зам товчлох гэх мэт нутгийн такси жолооч шиг давхиж чадахгүй болохоор төлбөрийн хувьд арай жаахан илүү төлөлттэй гарч байлаа. Гэлээ ч энэхүү асуудлыг шийдэж гадны зочдыг таксигаар хангаж үйлчилсэн тэдэнд Ази Номхон далайн JCI-чүүд гүнээ талархаж байлаа.

3. Нэгэн зэрэг олон хүн хүрэлцэн ирнэ гэдэг өдрийн хоол идэх газрын хувьд ч асуудал үүснэ.
Харин Япончууд мөн л гадаад зочдоо нэн тэргүүнд сааталгүй тавтай хооллох нөхцлийг бүрдүүлсэн байлаа. Зохион байгуулагчдын зүгээс оролцогчидод күпон олгож, тэрийг нь хамтран ажиллаж буй хоолны газруудад өгснөөр оролцогчид өдрийн хоолонд хамрагдана.
Япон JCI-ийн оролцогчид мөн л хотын захын хоолны газруудаар хооллож байгаа нь Япончуудын өндөр зохион байгуулалт, сахилга бат, нэгдэл, хамтын ажиллагаа, зочноо дээдлэх ёсон зэргийг бидэнд харуулж байлаа.
Бид харин ийм нөхцөлд Ямагатачууд шиг, Япончууд шиг өөрсдөө хотын захаараа хооллоод, гадны зочдоо хотын төвөөр хооллох боломжийг бүрдүүлж чадах  болов уу. Уг нь Монголчууд бид ч ЗОЧИН-оо угтах ёс, дайлах ёс өндөр хөгжсөн ард түмэн шүү дээ. Нэгийг бодууштай.

4. Гала диннер-ийг дурдахгүй өнгөрч боломгүй. 6-р сарын 7-ны орой болох уг арга хэмжээнд
8000 хүнийг нэг доор хүлээн авч оройн зоог хийх боломжгүй байсан бололтой. Мэдээж хэцүү л дээ. Манайд бол 300 хүнтэй хүлээн авалт, хурим хийх гэхээр л олигтойхон талбай олдохгүй зовдог талтай.
Харин энэ асуудлыг Япончууд шийдэхдээ ГАЛА ДИННЕР оройн зоогт зөвхөн гадаад оролцогчид, дэлхийн JCI зочдыг оруулахаар төлөвлөж, Япон талаас салбар байгууллагын удирдлагууд л оролцож болохоор зохион байгуулалт хийсэн гэсэн. Энэ бас л тэдний зохион байгуулалт, сахилга батыг харуулах бололтой. Энэ тухай мэдээллийг дараа жич хүргэнээ.

ЯМАГАТА ASPAC-ын нээлтийн үйл ажиллагаа
Аливаа арга хэмжээ, наадмын нээлт хэр зохион байгуулалт, сүр дуулиантай байна төдий чинээ дурсагддаг, хүмүүний ой ухаанд үлддэг. Олимпын нээлт өмнөх олимпоосоо хэрхэн ялгарах, хэр илүү байх зэргээр нь тухайн олимпыг дүгнэх нь ч бий.
ASPAC-ын хувьд залуусын чуулган хэдий ч энэ байдал ажиглагдана. Нэгэнт л орон оронд ээлжлэн зохион байгуулагддаг болохоор хүлээн авч буй улс нь өөрийн улсын давуу тал, өөрсдийн зохион байгуулалтын онцлог, өмнөх ASPAC-аас ялгарах, давах тийм л нээлтийг хийхийг хүсдэг.
Харин Япончууд энэ жил тэгсэнгүй. Тэдэнд тийм боломж ч байгаагүй байх. Гуравхан жилийн өмнө тийм гашуун зовлон амсчихаад, тэр үед гэргүй болсон 1082 иргэн гамшгийн голомтоос Ямагатад ирж түр суурьшаад гэртээ буцаж харьж чадаагүй байхад, тэр үед гэр оронгүй болсон олон мянган хүн одоо ч орох орон оочих аягагүй суухад, тэр үед үхэж үрэгдсэн 10 гаруй мянган хүний сүнс нь тэнгэрээс харж байхад, тэр үед сураггүй болсон 20 орчим мянган хүн одоо ч олдоогүй байхад тэд яаж сүр дуулиантай, баяр наадмын байдалтай, хөөрүү догдлуу байдлаар ASPAC-ийн нээлтийг хийх вэ дээ. JCI-чүүд нийгэмд эерэг өөрчлөлтийг бүтээгч залуус. Тэд үеийн залуустаа үлгэрлэж, нийгмийг манлайлж, үргэлж түүчээ нь байх лидер залуус байдаг. Тиймдээ ч Япон JCI-ийн нөхөд маань Ази-Номхон Далайн Бүсийн Чуулганаа баяр хөөр бялхсан, найр наадмын байдалтай хийхийг хүсээгүй байх. Тийм совест ч тэдэнд байхгүй.
Гэхдээ л чуулганы нээлт гүн сэтгэгдэл төрүүлэхээр байсан. 2014 оны 6-р сарын 4-нд Ямагата Спорт Төвд болсон энэхүү нээлтэнд мэндчилгээ дэвшүүлэх хүн бүрийн үгэнд 2011 оны Зүүн Хойт бүсийн Гамшигт газар хөдлөл, түүнээс хойшхи 3 жилийн хугацаанд энэ бүс нутагт хэрхэн сэргээн босголт хийгдэж байгааг дурьдаж, бүс нутагт хандив туслалтцаа үзүүлсэн азын орны төлөөлөгчидөд баярлаж талархаж байгаагаа илэрхийлж, хойшид бүс нутгаа улам сайхан болгох итгэл төгс байгааг хэлж байлаа. Мөн түүнчлэн үүнд JCI байгууллага, түүний гишүүдийн идэвх, оролцоо сайн байгааг ч дурьдаж байлаа.
Нээлтийг зохион байгуулах хорооны дарга албан ёсоор зарласнаар тус чуулганд оролцогч улсуудын үндэсний ерөнхийлөгчдийг үсгийн дарааллаар тайзан дээр зарлан урьж танилцууллаа. Үндэсний ерөнхийлөгч бүр өөрийн орны үндэсний хувцас, далбаагаар гоёж тайзан дээр бяцхан япон хүүхэдтэй хөтлөлцөн гарч ирж, хүндэтгэлийн суудалд тухалсны дараа хөтлөгчийн зүгээс ервоп болон бусад бүсээс оролцож байгаа хүндэт зочид, Дэлхийн JCI Ерөнхийлөгч, дэд ерөнхийлөгч, өмнөх онуудын ерөнхийлөгч, JCI байгууллагын хөгжилд гүн хувь нэмэр оруулсан бусад зочдыг тайзнаа урин залж танилцуулсны дараа, зочид төлөөлөгчид, зохион байгуулагчид мэндчилгээ дэвшүүлсний дотор Японы эрхэмсэг гүнж   Акишино Кико болон түүний охин гүнц Акишино Мако нар хүрэлцэн ирсэн нь JCI-чүүдэд хэрхэн хүндлэл үзүүлж байгаагийн илэрхийлэл. Түүнчлэл мэндчилгээ дэвшүүлэх үедээ эрхэмсэг гүнж Акишино Кико Зүүн Хойт бүсэд гамшиг тохиолдох үед тусалж, дэмжсэнд JCI-чүүдэд тусгайлан талархаж байгаагаа илэрхийлсэн. JCI-ийн залуус өөр өөрийн улсдаа тэрхүү талархлын сэтгэлийг нь тээж харих байх гэж найднам.
Нээлтийн ажиллагааны төгсгөлд  Зүүн хойт бүсийн сэргээн босголтонд сайн дураар гар бие оролцон ажилладаг Японы алдартай дуучин Күраки Май, өөрийн уянгалаг дуунуудаараа ASPAC-д оролцогчдын зүрх сэтгэлийн гүн дэх хөвчийг хөндөж байлаа.
Ингээд нээлтийн ёслолын зургаас толилуулья

1. Ямагата ASPAC-2014 Зохион байгуулах хорооны дарга Сайто Хидэказү
Лаг Ямагата Аспак

2. JCI Бангладеш байгууллагын 2014 оны Үндэсний ерөнхийлөгч гэр бүлийн хамт
lag.mn Бангладеш undesnii eronhiilogch

3.JCI Монгол байгууллагын 2014 оны Үндэсний Ерөнхийлөгч С.Сайнбат гэр бүлийн хамт
Sanjaa Sainbat

4. JCI Малайз байгууллагын 2014 оны Үндэсний ерөнхийлөгч гэр бүлийн хамт
lag.mn Malaisia undesnii eornhiilogch

5. JCI Япон  байгууллагын 2014 оны Ерөнхийлөгч Сүзүки Казүяа гэр бүлийн хамт
 lag.mn Suzuki Japan national President

6. JCI Монгол байгууллагын 2012 оны Үндэсний ерөнхийлөгч,
Дэлхийн JCI байгууллагын 2014 оны дэд ерөнхийлөгч Ш.Алтанбагана гэр бүлийн хамт
Алтанбагана lag.mn

7. JCI Япон  байгууллагын 2014 оны Ерөнхийлөгч Сүзүки Казүяагийн нээлтийн мэндчилгээ
2 Лаг Ямагата Аспак

8. Японы Эрхэмсэг гүнж Акишино Кико
31Lag.mn Aspac

9. Япон улсын эрхэмсэг гүнж Акишино Кико, түүний охин гүнж Акишино Мако
lag.mn Princess of JapanAkishino Kiko and Akishino Mako

10. Ямагата аймгийн дарга Ёшимүра Миэко нээлтийн үеэр мэндчилгээ дэвшүүллээ
3Лаг Ямагата Аспак

11. Ямагата хотын дарга Ичикава Акио нээлтийн үеэр мэндчилгээ дэвшүүлэв
4Лаг Ямагата Аспак

12. Дэлхийн JCI байгууллагын 2014 оны Ерөнхийлөгч Шайн Баскаран мэндчилгээ дэвшүүлэв 5Лаг Аспак

13. Дэлхийн JCI-ийн Ази-Номхон далай бүсийг хариуцсан дэд ерөнхийлөгч Кэн Вонг
7Лаг.мн Аспак lag.mn

14. Дуучин Күраки Май
kuraki mai lag.mn (1)

15. Күраки Май, Дэлхийн JCI-ийн 2014 оны Ерөнхийлөгч Шайн Баскаран, хүүхдүүд
Күраки-Шайн Лаг.мн

16. Нээлтийн ёслолд оролцсон Монголчууд
Лаг.мн нээлтээр Монголчууд1

Нээлтийн ёслолын дараа  орон орноороо хамтдаа зураг авахуулах, цаашилбал орой нь биднийг Wecome night хүлээж байлаа.
Задгай талбайд зассан олон асар, төв дунд нь зассан тайз Япон маягийн фестиваль хүлээн авалт/мацүри/ болж байлаа. Японы JCI байгууллагууд салбар тус бүрээрээ асар гаргаж, өөрийн байгууллагаа сурталчилангаа янз бүрийн амттан, Япон хоол тэр дундаа рамен, үдон, дон бүри хоолуудаар зочдоо дайлж будааны боов Мочи болон Япон пиво, сакэ, будааны архи сөгнөж Ямагата болон баруун хойт бүс нутгийнхан алимны ундаа тэргүүтэй өөрсдийн орон нутгийн онцлох бүтээгдэхүүнээр биднийгээ дайлж, баярлуулав. Манайхнаар бол Булган, Архангай, Дундговийнхон айргаа барьж, Баянхонгорынхон Ингэний хоормогоор дайлж, Сүхбаатарынхан нэрмэл архиа сөгнөж, Сэлэнгийнхэн утсан загас, сэлэнгэ талх, зөгийн балаа барьж, Хэнтий Дорнодын буриадууд буриад талх, бас загас, мэхээртэй тосоороо дайлах гэх мэтээр бусад аймгуудын онцлогийг ч харуулах бүтээгдэхүүн, хоол, цагаан идээгээрээ дайлах байсан биз.
Welcome night, Ямагата ASPAC-2014
welcome lag_mn 1

welcome lag_mn2

IMG_5941

welcome lag_mn

JCI Date
Үлгэр ингэж л эхэлсэн юм гэдэг шиг 2014 оны ЯМАГАТА ASPAC ийнхүү  нээлтээ хийж, Ази-Номхон Далайн бүсийн JCI-чүүдийн чуулган эхэллээ.

 
ШИГТГЭЭ:
Ямагата нь дээр дурьдсан 3 жилийн өмнө газар хөдөлж, цунами болсон бүс нутагт байдаг бөгөөд атомын цахилгаан станц дэлбэрсэн Фүкүшима аймагтай хил залгаа оршдог. Тиймээс тус аймгийн хэмжээнд агаар, ус, хөрсний бохирдлыг тогтмол хэмжихээс гадна хүнсний бүтээгдэхүүн, хөдөө аж ахуйн гаралтай бүтээгдэхүүн зэрэгт цацраг идэвхийн хэмжээг үргэлж хэмжиж байдаг. Дээр нь аялал жуулчлалын гол гол бүс нутагынхаа агаар дахь цацраг идэвхит бодисыг хэмждэг ба ингэснээр жуулчдад сэтгэл амар, хүссэн газарлуугаа явах боломжийг олгохыг зорьж ажилдаг юм байна.


  • 山寺
  • 五重塔
  • さくらんぼ
  • べにばな
Ямагата гэдэг нэр нь Уулын хэлбэр гэсэн утгатай бөгөөд Ямагата аймгийн газар нь нутгийн ихэнх нь шовх үзэсгэлэнт уулс, ой модоор хүрээлэгдсэн газар байдгаараа онцлогтой.
  • さくらんぼの花
  • 山伏の踊り
  • 海辺
  • みどりの木々
Үргэлжлэл бий:

JCI Улаанбаатар Централ
Гишүүн Гангасүрэгтэн овогтой Бяхарсүрэнгийн Мөнхтуг

Япон улс Ямагата аймаг

САНАЛ БОЛГОХ НИЙТЛЭЛ

  • 15 уран бүтээлч хамтран Лондонгийн хүүхдийн эмнэлгийг "гоёжээ"
    Хүүхэд бүү хэл том хүмүүст эмнэлэг бол "аймар" газар гэсэн ойлголт байдаг.  Британийн урлагийн холбооны сайн дурын 15 уран бүтээлч хамтран  эмнэлгийн дотоод заслыг хүүхдэд илүү тухтай, харагдах байдал нь нүдэнд дулаан байхаар бодож засжээ. 1. Дотрын эмгэг судалгааны тасаг. Зураач: Мораг Майерскоф "Би их олон жил энэ хээний талаар сэтгэлдээ ургуулан бодож ирсэн ...
  • Юуг ч хэзээ ч хийхэд оройтдоггүйг баталсан хүмүүс
    Нас бол зүгээр л тоо гэж ярьдаг хүмүүс олон байдаг. Түүнчлэн юуг ч хэзээ ч хийхэд оройтдоггүй гэж ч ярьцгаадаг. Харин эдгээр ярианууд үнэхээр үнэн болохыг баталсан дараах хүмүүсийг танилцуулж байна. Тэд өөрсдийн амьдралд эрс өөрчлөлт шинэчлэлтийг хийгээд зогсохгүй бусдад ч гэсэн итгэл найдвар хайрласан гайхалтай хүмүүс юм. 1. Жеффри Лайф /Jeffrey Life/ Бодибилдингийн тамирчин, нас-76...
  • Гвинет Пелтроу ядуу өрхийн хүнсээр хооллож үзэв
    SNAP  бол Америк болон Англид бага орлоготой ядуу өрхүүдэд хямд үнэтэй хүнс худалдан авах талон олгодог тусламжийн хөтөлбөр хэрэгжүүлдэг байгууллага юм. Жүжигчин Гвинет эрүүл амьдралын хэв мачгийн тухай GOOP хөтөлбөрт оролцсон ба энэ талаараа блог бичжээ. 4 хоногийн дараа тэрээр тэсвэр алдсан ба 29ам. доллараас илүү үнэтэй шинэхэн жимс ногоо тэсгэлгүй идсэн аж. Тэрээр энэ програмд ...
  • Нохдыг цагаар хооллож сургахад 9 сар зарцуулжээ
  • Идэхээс ч хайран бялуунууд-2
  • Илжигний төмсөг
    Илжигний төмсгийг өргөөд хэрхэн цагийг яг таг мэдэх аргын талаар маш хөгжилтэй бичлэг. Үзээд жинхэнэ савж уналаа. Сандлаасаа инээж унахааргүй бэлэн байдалд үзээрэй хахаха
  • Амжилтанд хүрсэн хүмүүс яагаад аялах дуртай байдаг вэ?
    Хүн бүрийн хувьд амжилт гэдэг нь өөр зүйлээр хэмжигддэг. Амжилтанд хүрэх нь тийм ч чухал биш нэгэн байхад хүрэхийн төлөөх бүхнийг хийхэд бэлэн хүн байна. Харин амжилтанд хүрэх нууц юу болох талаар олон  зөвлөгөө байдаг ч энд та бүхэндээ амжилтанд хүрсэн хумүүсийн ихэнх хувь нь яагаад аялагчид байдаг талаар мэдээлэл хүргэе. 1. Тэд ая тухтай байдал хэрхэн бүрдүүлэхээ мэддэг Олон ая...
  • Унтаж буй зургаа блогтоо оруулсан эмчийг хүмүүс буруутгажээ
    Хүний  амь насны төлөө зүтгэх  эмчийн ажил амаргүй. Мексикийн нэгэн эмнэлэгийн дадлагажигч эмч ширээнийхээ ард унтаж буй зургаа блогтоо оруулснаас болж дэлхий даяар түүнийг ажлаа хийсэнгүй хэмээн дайрч буруутгасан гэнэ. Түүнийг өмгөөлөх гэсэн эмч нар дэлхийн өнцөг булан бүрээс өөрсдийн их ажлын дараа унтаж амарч буй зургийг явуулан түүнийг дэмжсэн нь цахим сүлжээгээр ихэд тарха...
  • Гадаад төрхөөрөө төгс биш ч нэрд гарсан эрэгтэй жүжигчид
          Эдгээр жүжигчид олон нийтийн хүлээн зөвшөөрдөг гоо сайхны стандартаас хол зөрүүтэй ч бурхнаас заяагдсан авьяас чадлаараа олонд хүндлэгдсэн билээ.  Дэнни Трехо  Энгийн нэг мексик залуу боловч,   шивээс бас мотоцикл, сэлэмтэйгээ байхад түүн шиг баатар үгүй. Бенедикт Камбербетч Түүний буржгар шар үс, том нүд, урт толгой, ихэмсэг инээмсэглэл нь я...
  • Сүйт бүсгүйгээ хараад сэтгэлээ барьж дийлэхгүй байгаа эрчүүд
  • Нууц үгээ хэрхэн хамгаалах вэ?
    Нууц үгээ алдахгүйн тулд та хэрхэн хакерууд, эсвэл хэн нэгэнд нууц үг, хувийн нууцыг тань хулгайлдаг талаар зарим мэдээлэлтэй байж сэргийлэх боломжтой. Хамгийн анхны дүрэм бол олон сайтад ижил нууц үг хийхгүй байх. Ялангуяа баталгаагүй сайтуудад. Баталгаатай сайтууд ч бас халдлагад өртөн таны мэдээллийг алдах боломжтой. Тиймээс сайтуудад адил нууц үг хийж болохгүй. Хэрхэн нэг нууд ...
  • Залуугаараа хорвоог орхисон алдартнууд
    1. Жеймс ДинАмерикийн кино нийгэмлэгээс тодруулсан сүүлийн 100 жилд хамгийн мартагдашгүй бөгөөд нөлөө бүхий байсан одуудыг нэрлэхэд Жеймс Дин 18-р байрыг эзэлжээ. 3-хан кинонд тоглосон ч өдийг хүртэл алдар нь хэвээр дурсагдах жүжигчин цэл залуугаараа хорвоог орхисон нь түүний шүтэн бишрэгчдийг ихэд гашуудуулж байв. Залуу од машины ослоор амиа алдахдаа дөнгөж 24 настай байжээ. 2. Брюс ЛиТ...
  • Том киноны бяцхан алдаанууд, та анзаараагүй л байх
     Кино бүтээгчид ямар нэг алдаа гаргахгүйн тулд дахин дахин нягталж шалгадаг хэдий ч үл анзаарагдам алдаанууд кадрт үлдсээр байдаг. "Хоббит" ба "Бөгжний эзэн" "Хоббит" дээр Леголас цэнхэр нүдтэй байдаг бол, "Бөгжний эзэн" дээр сайхан залуу маань хар нүдтэй байжээ. Аль нь ч байсан зохиж л байна. "Харри Поттер", 2001-2011 он Эдгэ...
  • 31 насны зөрүү ямар байх бол?
    Би 23 настай гэнэн итгэмтгий байх тэр үед  нөхөр минь 54 настай, Европ зүстэй гайхалтай нэгэн байв. Тэр намайг хамтдаа гадуур гарахыг уйгагүй ятгаж байсан ч надад зөвшөөрөхгүй байх хэдэн шалтгаан байсан юм. Нэг удаа тэр "Чи үнэхээр  нөхөртөө хайртай бол би ахиж чамд саад болохгүй" гэж шийдэмгий хэлсэнд нөхрөөсөө салсан байсан тул би түүнтэй уулзахаар шийдэж билээ. Би...
  • Аз сорьсон амралтын зурагнууд
    Эх сурвалж: www.wizzed.com
  • 20 настнуудын ойлгоогүй байдаг хорин зүйл
       1. Цаг хугацаа эргэж ирдэггүй гэдгийг.2. Авъяасаас гадна хичээл зүтгэлгүй бол амжилтанд хүрдэггүй гэдгийг. 3. Өглөө эрт босвол ихийг амжуулж чадна гэдгийг 4. Сошиал медиад алдартай байх нь бодит амжилт биш гэдгийг 5. Утсаар ярих чадвар ажлаа амжуулах гол арга гэдгийг 6. Ажилдаа эрт ирж, оройтож явах нь чиний үнэлгээг нэмэгдүүлнэ гэдгийг 7. Хүмүүсийн юу хийхийг хүлээхгүй ...
  • Өндөр өсгийттэй эрчүүд бүжиглэхийг үзүүлж байна аа
  • Гэрэл зургийн урлагийн гайхамшиг
    Гэрэл зураг гээч зүйл зөвхөн түүх өгүүлэхээс гадна хүний сэтгэлд янз бүрийн мэдрэмж төрүүлж, сонин содон сэтгэгдэл үлдээж чаддаг гайхалтай зүйл. Түүнчлэн гэрэл зураг бидэнд өөрсдийн биеэр хэзээ ч үзэж харж чадахгүй зүйлсээ харж, мэдрэх боломжийг олгож байдаг. Тийм ч учраас олон олон хүн энэ гайхалтай урлагт татагдаж хэний ч үзэж хараагүй зүйлсийг гэрэл зургийн хальснаа буулгах гэж хичээ...
  • Шакира болон Пике нарт төрсөн өдрийн мэнд хүргэе!
    Дуучин Шакира болон түүний нөхөр Пике нар хамгийн шилдэг төрсөн өдрийн бэлэг авлаа. 2-р сарын 2-нд буюу нэг өдөр төрсөн хос маань төрсөн өдрөөсөө 4 хоногийн өмнө 2 дахь хүүгээ өлгийдөн авч, Саша "хүн төрөлхтний хамгаалагч, дайчин" гэсэн утгатай нэр хайрлаад байна. Мөн Шакира дахин 8,9 хүүхэдтэй болж өөрийн хөл бөмбөгийн баг бүрдүүлэхийг хүсдэгээ нуулгүй ярьжээ. Эх су...
  • Солонгос кино үзээд байсан чинь...
Та соёлтой, боловсон, хуулийн хүрээнд сэтгэгдлээ үлдээгээрэй. Баярлалаа.
  • 500 тэмдэгт
  • болих
  • оруулах

Холбоо тогтоох

Та Like дарж манай мэдээллийг авч байгаарай.