ЧӨЛӨӨТ АГУУЛГА

ХАЙР


2015 оны 09 сарын 14, 20:09

4_6Тэр хүнийг дахин харах хүртэл сэтгэл зүрх минь яасан их шанална вэ, ерөөсөө л уулзахаа больё, ор тас мартъя. Чингэж бодохуйяа сэтгэл минь ашгүй хөнгөрөөд юу ч болоогүй мэт ердийн бор хоногууд буцан ирэх шиг, өдөр бүрийн арван таван цагийн цайны цагаа ч гэсэн урьдынх шигээ хүлээн сууя даа.
Хүний амьдралын жам болох нөхөрт гарах, хүүхэд төрүүлэх, өсгөх хийгээд өтлөн хөгшрөх хүртэлхээ эргэцүүлэн бодож өдрийг өнгөрүүлэх нь хөгшин бодолтой хүний зан хэмээн үл санана. Зүүний нарийхан сүвэнд утас шулуухан орно, хулсан нэхмэл шал нүцгэн хөлийн улыг минь сэтгэлд нэг л таатай сэрүү татуулан ирвэгнүүлээд шар удвал цэцэгс зэргийг худалдан авч өрөөгөө чимэн баясан сууна.
Тэр хүнтэй дахин уулзах үед яагаад ч юм бэ, зөн совин гэдэг юм байдаг юм шиг, ганцхан үүний төлөө л өдөр хоног, ганцхан үүний төлөө л би байгаа юм шиг сэтгэл минь хачин жигтэй гэгэлзэн хөөрч, чингэвч бодон үзвээс тэрхүү сэтгэлийн хөдлөл маань дэндүү тэнэг ч юм шиг санагдан харилцан зүрхэн доторх бодлоо няцаан үгүйсгэх нь яг л шөнийн харанхуй тэнгэрт галт цэцгүүд ээлжлэн асан унтрах мэт. Нэг харвал “бөөн улаан гэрлийн цацрагууд” гарч ирэн, дахиад нэг харвал “цагаан мөнгөн бөмбөлгүүд” гарч ирэн гялс гялсхийнэ. Тийн байтал тэр хүнтэй уулзах цаг минь лавтайяа ойртон ирэх авай.
Гараад явахад нь бас л нөгөө зовлон шаналал зүрх рүү минь шигдэн орж өвтгөх нь юутай бэрх вэ. Уулзаад харваас тэр хүн юу ч болоогүй юм шиг өнгөгүй царай гарган мишээнэ. Тийм авч цаанаа л нэг нимгэн цэнхэр ягаан туяа татуулан лийрийн модны цэцгийн дэлбээ адил өнгөөр харагдах нь надад нэг л хүнд ачаа болмой.
Тэр хүн хүдэр сайхан биеэ цэхлэн сандал дээр суун баруун хөлөө хажуулан нугалж юу гэдэг хөгжим юм бол, дагнан нэг хөгжим өвдөг дээрээ тавиад уянгуулан дарна. Ая дуу нь нэг л сайн сонсогдохгүй. Би ээжийн өгөөрэй гэсэн юмыг өргөн барихад тэр хүн мэхийн ёслоод хүлээн авч дахин ёслоод ширээн дээр тавина. Тэгээд над руу хуруугаараа дохин өөдөөсөө харсан сандалд суулгаад дахин хөгжмөө эгшиглүүлнэ. Тэр хүн юу ч үл ярина. Онийлгон харах нүдний завсараарх зөөлөн дулаан харцаа чимээгүйхэн миний чээж рүү чулуудан хөгжмөө даран сууна. Миний ер бусын зовлон эндээс л эхлэнэ.

Тэр хүний дотор лав би ч гэсэн хамт хайлан нийлэн урсах учиртай гол урсан буй. Би түүн рүү аажим аажмаар дөхөн улам гүнзгий мэдрэн догдлоно. Гэвч түүний бие чийдсэн гялтгар хиймэл арьс мэт, няслан үзвээс янхийсэн сэтгэл сэрдхийлгэм дуу гарч, гэнэт биеийг нь төмөр хуягаар бүрсэн аятай санагдана. Миний сүнс хаа нэгтээ орох хаалга хайн тэр хүний биеийг тойрон эргэлдэх авай. Гуниг төрүүлэм зарсхийсэн цахилгаан хамаг биеэр минь зурсхийн гүйж энд тэнд арьсыг минь хүчтэй цочроон иржгэнэн биржгэнүүлнэ. Эрэн бэдрэх миний сүнс хааяа нэг тэр хүний уруул, дух магнайг чиглэн зоригтой давшилна. Чингэвч гудамжны чийдэнгийн гэрэл ойн тусах гялгар хүрэн далавчит цох хорхойн адил миний сүнс түүний арьсыг мөргөн халтиран унаж ёолон мэгших чимээ дуулдана.
Би шаналал зовлонгоо тэвчин байж алгаа хавсран учир нь үл ойлгогдох өршөөл эрэн шивэгнэн гуйна. Гэвч тэр хүн огт ажиггүй чээжээ эгцлэн онийсон зовхины завсараарх зөөлөн дулаан харцаа миний чээж рүү чулуудан чимээгүйхэн хөгжмийн чавхдасаа татан сууна. Тэсэхгүйн эрхэнд миний сүнс тэр хүний энгэр рүү хурц соёогоо ёрдойлгон дайран орж чээж юугы нь хүү татан урж хаяна.
Гуниг төрүүлэм жирсхийсэн цахилгаан бүх биеэр минь тархаж, энд тэнд арьс минь иржгэнэн биржгэнэж байсан би нэг мэдэхнээ түүний бие рүү сурмаг гэгч нь шурган орж гол болон хамтдаа уусан урсах авай. Гэвч гол үл үзэгдэнэ. Миний бие махбод гол болон урсаад тэр үү? Яагаад ч юм бэ, надад ер бусын хүч чадал бий болж атар хээр талаар хаашаа ч хамаагүй дур зоргоороо наадан урсана. Цог жавхлант, хүчирхэг тансаг үнэр ханхалсан хээр тал. Миний оюун ухаанд бэрийн зовлон, хөгшрөл, гуниг юу ч үл бодогдоно.
Яг одоо хэн нэгэн эр хүн миний биед хүрэх аваас юу юугүй шатан үнс болон үйрэн унах биз ээ. Би үүнийгээ хэн ч бай хамаагүй хэн нэгэн эр хүнд тунхаглан зарламаар. Тийм авч тэр хүн урьдын адил чимээгүйхэн хөгжмөө даран суусаар. Гагцхүү би одоо аварга том бурхны баримал дотор орсон сонирхогч мэт тэр хүний дотроос түүнийг ширтэн байна. Хөгжмийн эгшиглэнт аялгуу анх удаа тодхон сонсогдлоо. Мяралзан урсах усны намуухан, хөгжилтэй ая байлаа. Би тэндээс гарч буцаад өөрийн бие рүүгээ орох гэж бас дахин нэг зовлон туулна. Дүнсгэр мөрөн далай, уй гунигын уул нуруудыг даван туулах хэрэгтэй болно.
Хэдий тийм боловч миний хайрын тэнгэр болсон тэр хүн маань бодит амьдрал дээр ээжийн оёсон хямдхан хувцасны захиалагч нэгэн чихэр боовны үйлдвэрийн жирийн нэг доод ажилчин, өдөр бүр жигнэмэг боов айлуудад хүргэн гүйж явдаг сарын 00 төгрөгний цалинтай хүн бодохлоор л итгэж үл чадна.

----------------------------------

Окамото Каноко (1889-1939) ,
Өгүүллэг, Япон, 1919(?) он.

/Япон хэлнээс орчуулсан Д.Алтанцэцэг/

САНАЛ БОЛГОХ НИЙТЛЭЛ

  • ГҮЙ, МЕЛОС! /өгүүллэг/
    Мелос багтартлаа уурлав. Хорон муу санаат, харгис хэрцгий хааныг үгүй хийхээс өөр аргагүй. Мелос төрийн хэргийг үл мэднэ. Бишгүүр үлээж, хонь хургатай хөөцөлдөж өссөн жирийн нэгэн хоньчин хүү билээ. Гэвч муу муухайг хэнээс ч илүү жигшин зэвүүцэж сэтгэл зовнино. Өнөөдөр үүрийн гэгээтэй уралдан босч уул тал, гол горхийг даван туулсаар арван ри (1) алслагдсан Сиракүза (2) хотод хүрч ирлээ. ...
  • ХАЙР МИНЬ, ХАЙР МИНЬ /богино өгүүллэг/
    Энэ хүнийг бодохуйяа өөрийн эрхгүй хүч чадал орно. Энэ хүний амьдралд чухаг элдвийн ажлаар дүүрсэн өдөр хоног, дэмий баахан нөхөрлөл холбоог нь ч төвөгшөөж нэгээхэн ч саналгүй амжуулъя хэмээн бодно. Энэ хүний төлөө яльгүй жаахан ичгүүрийг ч нулимсаан нууж тэвчихийг хүснэ. Өглөө орой харж дассан энэ хүн, өглөө оройд ямар нэгэн шинийг мэдрүүлэх энэ хүн. Зон олон энэ хүнийг томоос том эр ...
  • КАНАР БЯЛЗУУХАЙ /бяцхан өгүүллэг/
    Эзэгтэй, би танд амласнаа зөрчиж дахин нэг захидал илгээхээс аргагүй боллоо. Ноднин таны бэлэглэсэн канар бялзуухайг би тэжээж чадахгүйд хүрээд байна. Тэр бялзуухайг эхнэр минь тэжээж байсан юм. Би зөвхөн харах л үүрэгтэй байлаа. Хараад таныг дурсан санах л... Та хэлж байсан даа. “Та эхнэртэй хүн, би нөхөртэй хүн, одоо салъя даа. Ядаж танд эхнэр байхгүй байсансан бол. -...
  • Тууштайгаар амьтан тэжээгч эрхэм
    Токиод сонин хачин зүйлс элбэг тохиолддогоороо алдартай. Мөн энд байдаг хүмүүсийг амьтан тэжээхдээ тун тууштэй ханддаг гэдэг байна. Нэгэн настай эрхэм өөрийн тэжээвэр яст мэлхийг дагуулан хотын гудамжаар алхдаг аж. Тэд харваас хамтдаа урт удаан хугацааг туулжээ.
  • Бийрний оронд хутга
    Уран бүтээлч бүхэнд уран бүтээлээ туурвидаг өөрийн гэсэн онцлог, арга барил байдаг. Харин та бүхэнд танилцуулж буй энэхүү зураачийг Леонид Афремов гэдэг бөгөөд тэрээр өөрийн уран зургуудаа бийрээр бус хутга буюу хусуур гэж нэрлэдэг хэрэгслээр зурдаг байна. Тэрээр Беларусь улсад төрсөн бөгөөд Израиль болон АНУ-д амьдарч байсан ба одоо Мексик улсад амьдарч, уран бүтээлээ туурвидаг аж. ...
  • ПАРТИЗАНУУД: Тэд сумод Монголчуудыг манлайлсан
    Энэ хүмүүс Монголчуудаа манлайлж СУМО-д жим гаргаж, жим нь зам болж, зам нь дардан болж, өнөөдөр Монголчууд Японы Мэргэжлийн Сумог эзэгнэх эхлэлийг тавьсан. Тэд булган сүүлтэй манлайлагч залуус.
  • Супербаатрууд бодит амьдрал дээр юу хийж явна вэ?
  • Хүүхдийн өрөөнд хэрэгтэй дизайн
    Та хүүхдийнхээ өрөөний дизайнд шинэчлэл хийх гэж байна уу? Тэгвэл түр наашаа анхаарлаа хандуулаарай. Таны хүүхдийн сэтгэлд бүрэн нийцээд зогсохгүй хөгжилтэй байх шийдлийг багтаасан санааг бид хүргэе. Эдгээр санаанууд хэдий гайхалтай ч хүүхдийнхээ аюулгүй байдлыг заавал анхаарах хэрэгтэй шүү 1. Савлуур 2. Дүүжин ор 3. Дүүжин сандал 4. Хонгилтой шүүгээ 5. Салхин тээрэм ...
  • Вьетнамын "нуугдсан инээмсэглэл"
    Францын нэгэн зурагчин хэдэн жилийн өмнө Вьетнамд очиж хүмүүсийн зургийг даржээ. Харин тэд яагаад ч юм нэг л ичимхий, инээмсэглэх бүрдээ гараараа нүүрээ халхлах гэж оролдох тул тэдгээр зургийг "нуугдсан инээмсэглэл" гэж нэрлэсэн байна. Энэхүү зургууд юуг өгүүлнэ вэ?
  • Үлгэр эхлэв
    Ёстой ойлгохгүй юм аа, яаж ч гашлаад ойлгохгүй юм байнаа байн. Бурхан минь, хүний хос байна гэдэг дэлхий дээр хамгийн хэцүү ажил байдаг бололтой. Эсвэл би хэтэрхий их юм хүсээд байна уу? Надад бол уг нь асар чухал хэр нь нөгөө хүнд бол шалихгүй ээ, өчүүхэээн юм хүсээд байхад л биелж өгөхгүй юм. Саяханы нэгэн нартай бүгчим өдөр хархүү маань чуганц намайгаа дагуулаад хөл бөмбөг үзнэ гэвэ...
  • Хошин Караокэ - Бүгдээрээ дагаад дуулаарай :D
    Khebi хэмээх нэрээр интернэтэд сонирхолтой, хөгжилтэй, хошин видеонууд бэлдэн оруулдаг нэгэн Монгол залуугийн Юүтүб сувгийг олсон оо та бүхэнтэйгээ хуваалцахаар шийдлээ. Үнэхээр хөгжилтэй байлаа. За тэгээд үзээд савж унавал цааш нь бас инээд түгээгээрэй. Хамгийн эхний дуу нь Монголын бүх оддын дуулсан хошин караокэ: Бооёо, Аглуу бэрээсээ нуув: За энэ бүүр татаадаг дуу Tarkan: ...
  • Румыны бохир усны хоолойд амьдрагсад
    Румыны нийслэл Бухарест хот бол баялаг түүхтэй, архитектурын өвөрмөц шийдэлтэй гэгддэг газар юм. Гэхдээ бусад хотуудын ижил энд бас  коммунист нийгмээс үлдсэн амьдрал, мартагдсан хүмүүс бий. Тэд муу усны хоолойд амьдрах ба өөрийгөө Брюс Ли хэмээн нэрийдсэн нэгэн залуу захирах аж. Газар доорх ертөнцийн хаан болон өргөмжлөгдсөн энэ залуу үнэн хэрэгтээ хар тамхины наймаачин ба  ме...
  • Унтлагын өрөөний нүд алдам загварууд
    Ихэнх унтлагын өрөөний загвар нэгэн хэвийн, ногоон өнгө голлосон байдаг бол энэ удаа илүү сонирхол татахуйц, илүү тааз хананы засал чимэглэлд анхаарсан загварыг танилцуулъя. Эх сурвалж: www.architecturendesign.net
  • 20 настнуудын ойлгоогүй байдаг хорин зүйл
       1. Цаг хугацаа эргэж ирдэггүй гэдгийг.2. Авъяасаас гадна хичээл зүтгэлгүй бол амжилтанд хүрдэггүй гэдгийг. 3. Өглөө эрт босвол ихийг амжуулж чадна гэдгийг 4. Сошиал медиад алдартай байх нь бодит амжилт биш гэдгийг 5. Утсаар ярих чадвар ажлаа амжуулах гол арга гэдгийг 6. Ажилдаа эрт ирж, оройтож явах нь чиний үнэлгээг нэмэгдүүлнэ гэдгийг 7. Хүмүүсийн юу хийхийг хүлээхгүй ...
  • Хэрэв та захирал бол: ТАНЫ БИЗНЕСТ ТУЛГАРЧ БУЙ АСУУДЛУУД
    Бидний цувралаар хүргэж буй "Энэ бол захирлын ажил" номны дараагийн хэсэг ---------------------------------------------------------------------------------------------- Энэ номыг бичигч би вээр лекц, удирдлагын түвшний сургалтан дээр “Танай компаний асуудал нь юунд байна вэ? Захирлыгаа муулсан ч болно, юу ч хамаагүй бичээрэй” гэж цаас тарааж, бичүүлж авдаг. Тэгээ...
  • Хэзээ ч жаргадаггүй Мөнхөд манддаг алтан нар бол Ижий минь Та!
    Хайрт ах Д.Түвшинжаргалынхаа гэгээн дурсгалд зориулав. “Амьдралд тохиолдож болох хамгийн том харамсал бол өвчин юм байна. Нүдний минь өмнө бүхнээс илүүгээр шаналж суугаа ижийгээ би эрүүл саруул байхдаа ганцхан удаа ч болов баярлуулчихгүй яавдаа” Сайн байна уу? Ээжээ? Хүүгийнх нь чин сэтгэлийн үгс өртөөлөн хүрч байгаа энэхүү гайхалтай өдрийн мэндийг хүргэж байна. Хайртай хүү...
  • Миний амьдарлын хуудсууд: Амьдрал бол кино
    0-1 нас: Ээж намайг гэдсэндээ олчихоод устгах гэж нэгсэг оролдсон гэсэн. тухайн үед одоогийнх шиг захын байшинд соруул барьсан бэлэн алуурчид байгаагүйн ачаар би гараад ирсэн гэсэн. Нэгэнт гарцан юмыг яасан байхнуу? Өргүүлцэн байх нь байшд. Би чинь бас од оо, намайг өргөж авах гэж хэд хэдэн хүн ирсэн гэсэн. Нэг баян наймаачин хүүхэн авах гэсэн чинь 2 хүү нь"ээж энэ нэг жоохон юм чи...
  • БУДАА АГШААГЧ МИНЬ АМЬД
    Цагаан сараар ч бил үү? Шинэ жилээр ч бил үү? Ямар ч байсан өвөл байсан. Нэг баяр болоод .. Ээж маань нохойнд хоол гаргаад өг гээд будаа агшаагчны савтай юм өгөөд гаргасан юм.Тэгээд манай орцонд амьдардаг нохойндоо орцныхоо гадаа хоолыг нь тавьж өгчихөөд, орцондоо дулаахан зогсож байгаад гараад ирсэн чинь өөр нохой хоолыг нь булаагаад идэж байнаа. Ядаж байхад учиргүй том нохой. За я...
  • Номон баримлууд
    Баримлыг шавар, гипс болон төрөл бүрийн материалаар хийж болдог. Харин номон баримлууд гэхээр та гайхаж байж магадгүй ч, танд хүргэж буй дараах баримлуудыг үнэхээр жинхэнэ номоор бүтээсэн бөгөөд эдгээр гайхалтай бүтээлүүдийн эзэд өөрсдийн уран бүтээлээ шавар, гипс аль эсвэл металлын алинаар нь ч биш гагцхүү хуучин номнуудаар урладаг байна. ...
  • 2015 он өмнөх жилүүдээс "1 секундээр илүү" байх нь.
    Франц дахь"Олон улсын Дэлхийн Тойрог Замын Хөдөлгөөний Газар"-н эрдэмтдийн мэдээлж байгаагаар 2015 он өмнөх жилүүдээс 1 секундээр илүү байх бөгөөд ирэх 6-р сарын 30-наас зөрүүг гаргаж, "засварын секунд" буюу нарны цагийг дэлхийн цагтай тохируулах юм байна. Үүнээс үүдэн интернет орчинд элдэв эвдрэл үүсч болзошгүй гэнэ. Дашрамд дурьдахад дэлхий тэнхлэгээ урьдынхаас...
Та соёлтой, боловсон, хуулийн хүрээнд сэтгэгдлээ үлдээгээрэй. Баярлалаа.
  • 500 тэмдэгт
  • болих
  • оруулах

Холбоо тогтоох

Та Like дарж манай мэдээллийг авч байгаарай.