ЧӨЛӨӨТ АГУУЛГА

ХОРИН ЖИЛ /өгүүллэг/


2015 оны 11 сарын 20, 10:44

img_0_1Энэ удаа Орчуулагч Д.Алтанцэцэгийн орчуулснаар Японы алдарт зохиолч, Нобелийн шагналт Кавабата Ясүнаригийн тэртээх 1925 онд буюу одоогоос 90 жилийн өмнө бичсэн ХОРИН ЖИЛ өгүүллэгийг толилуулж байна.
-----------------------------------------

ХОРИН ЖИЛ /өгүүллэг/

Харанхуй бүдүүлэг, задгай завхай бөглүү тосгон. Тэр тосгоны Сүүхэйшя хөдөлгөөний (1) нэг жижигхэн гацаа.
Гацааны жаахан охид тосгоны бага сургуулийн банди нарын нүдийг гялалзуулна. Охидын урган нахиалах бүсгүй хүний өнгө зүс сургуулийн жулдрай жаалуудыг цагаас эрт эр тахиа болгожээ. Тэр дотроос Сүмико гэдэг охин банди нарын хүсэл мөрөөдлийг хориотой модны дор даллан дуудна.
Сургуулиас харих замд нэг банди хэлэв.
- Бүгдээрээ ямар охинд сайнаа нэрлэцгээе. Би Сүмико.
- Би ч гэсэн.
- Мэдээжийн хэрэг Сүмико.
- Би хөлгийн ахмад болно. Ийм тосгоноос хөлгийн ахмад төрж байгаа ч үгүй, тэгээд хуурай газар дээр амьдрахгүй юм чинь сүүхэйшягийн хүүхэн авсан ч хэн ч хэл ам гаргахгүй.
Энэ хүртэл сонсож явсан тэр уурлан зандрав.
- Хэн хэлсэн, саяын үгийг?
Бүгд чимээгүй болов.
- Чи юу?
Тэр гэнэт хүүгийн малгайг булаан авч тариан талбай руу шидэв.
- Яаж байна аа.
Хүү хараал тавин малгайгаа авах гээд бөхийтөл тэр араас нь хүчтэй тийрэв. Хүү өвсөн дээр годройтон унаж, тэр ч хар хурдаараа зугтан одов.
Үдийн амралтын цагаар дээд ангийн нэг сурагч хуй салхи мэт гүйж ирээд Сүмиког пидхийн мөргөв. Газар унан уйлан хэвтэх охин хичнээн удсан ч ер босож ирсэнгүй. Багш тэврэн босгов. Тэнгэр доргитол чарлан уйллаа. Багш гараа тавибал буцаад газар тэрийн унав. Тойрон зогссон хөвгүүдийн дунд охин улам бүр бүсгүй хүний аалиар мөр, хацраа чичигнүүлэн уйлна. Охины тэр дүр төрх түүний биеийг хүчтэй цочроожээ. Маргааш нь тэр дээд ангийн сурагч руу сэм гэтэн очоод,
- Май чи гэж хашгирангаа үсэртэл нь цохив. Тэрээр хүүд хөөгдөн харвасан сум лугаа адил Сүмикогийн тоглож байгаа газар гүйн хүрч ирээд эрчээрээ охиныг түлхэн унагав.
Сүмико түүнээс нэг жил хоцроод бага сургуулиа төгсөв. Дунд ангийн сурагч болсон тэр, Сүмикогийн бага сургуулийн төгсөлтийн зургийг зурагчны газраас зориуд угаалган худалдан авчээ.
Тосгоны дунд сургуулийн сурагчид дугуйлан байгуулж ням гараг бүр бага сургууль дээр цугларна. Багш нар тэднийг загнах эрх бүр ч үгүй, ихэнх нь тосгоны нөлөө бүхий хүмүүсийн хүүхдүүд байлаа. Тэд жижигхэн биеийн тамирын талбайд бэйсбол тоглож дээврийн вааран хавтан, цонх хагалж, органы товчлуур дээр цагаан бэхээр 1,2,3-ын код бичин чарлуулж, багш нарын өрөөний шүүгээг тойрон гүйлдэж, гэр ахуйн ангид жүдо барилдаж, сургуулийн жижүүрээр чихэр, боов авахуулж идэв. Ангиас анги дамжин хөөцөлдөн гүйж, самбар дүүрэн эрээчив.
Дээд ангийн өрөө рүү ортол дөрөв, таван сурагч нэг ширээн дээр овоороод түүнийг нүдээрээ дуудав. Сүмикогийн ширээ. Охины орхиод явсан хайчийг гаргаж ирээд зурсан зураг, бийрийн бичлэг, шалгалтын хуудаснаас нь хайчлан өвөр өвөртөө чихэцгээж байв.
- Алив, түр холд гэж тэрээр голын хүүд хэлэв. Хүүг босохын зуургүй тэр Сүмикогийн сандал дор ивсэн ноосон гоёмсог олбогийг хуу татан авав.
- Хөөе.
- Олбогийг нь орхи оо.
- Арай дэндэнэ ээ.
Тэр, хөвгүүдийн хорсолт нүдтэй тулгарав.
- Атаархаж байгаа бол маргааш манайд иртүгэй. Суулгаж өгөмз.
Сүмикотой нэг тосгоны Үмэмүра хүү тэрэнтэй хамт дунд ангид орсон байлаа. Тэр, Үмэмүрад хайр хүрнэ. Аялалд явахдаа түүнтэй тэврэлдээд унтана. Үмэмүра хүйтэнд гар хөл нь дороо хөлдөж хагарчмаар цагаан арьстай хүү байлаа. Тийм биенээс нь тэр эсрэг хүйстний үнэрийг мэдрэх аж.
Хичээл тараад харих замд Үмэмүра хэлэв.
- Чи Сүмикод хайртай биз дээ?
- ......
- Сүмиког чамд өгье. Ганцхан чи л Сүмиког аз жаргалтай болгож чадна. Чи Токио явна биз дээ. Сүмиког хаа нэг тийшээ холын хол газар аваад явбал би их баярлана шүү.
- Том хүн шиг юм битгий яриад байл даа.
- Өнөөдөр гоё газар дагуулж очъё.
Тэгээд Үмэмүрагийн гацааны тахилгат ой руу явтал бага сургуулийн дээд ангийн дөрвөн охин чулуун барсын хүзүүнд цүнхээ өлгөчихөөд дээс тоглож байв. Үмэмүра цовоо гэгч нь шүгэлдэнгээ охид руу очив.
- Сүмико оо, дагуулаад ирсэн шүү.
Сүмико галтай, цогтой дээгүүр харцаар түүнийг хараад царай нь улайв. Тэгээд тэд ой руу нуугдан орцгоолоо.
Өвлийн бүтэн сайн өдөр болоход тэрээр өглөө эрт болжморын сараалжин тор, шувууны цавуу аваад эцэг, эхийнхээ нүдийг хариулан уул руу явлаа. Сүмико нар мөрнөөсөө өвдөг хүртэл хэрийн том хулсан сэвэг үүрээд хатсан нарсны мөчир түүхээр ирэв.
Үмэмүра гүвээн дээрээс,
- Болсон уу? Өнхрүүллээ шүү гэж орилоход тэр доороос,
- За, бэлээн гэв.
Сүмико хулсан сэвгэнд шурган ороод чанга зуурав.
- Нэг, хоёр, гурав.
Хулсан сэвэг гүвээн дээрээс өнхрөн унана. Сэвгэн доторх охины хормой цэцгийн дэлбээ адил дэрвэн хийснэ. Гараа том алдлаад хүлээх тэр сэвэгнээс зууран авч гурав, дөрвөн метр холоо чирэгдэнэ. Сэвэг дотроос аахилж хөөрсөн Сүмико орооцолдсон кимонодоо тээглэн найган гарч ирнэ. Түүнд тэврүүлэн босонгоо гэзгээ хойш нь янзлана.
- Эрх чөлөө.
- Эрх чөлөө.
Гүвээний дээр, доороос дохио өгөн хашгиралдана. Тэгээд өөр өөрсдийн эрх чөлөөтэй хатсан өвсөн дунд орон алга болно.
Энэ явдлыг түүний тосгоныхон мэдэж орхижээ. Эцэг нь тосгоны цуглааны доод талын суудалд толгой гудайлган сууна.
- Манай задарсан хүү тосгоныхоо нэр төрийг уландаа гишгэж байж боломгүй хэрэг үйлдсэнд эцэг би туйлаас харуусан гэмшиж байна. Дээр үед бол толгойг нь тас цавчих эс бол эцэг, хүүгийн холбоог үүрд таслах ялд унахаар хэрэг авч өчүүхэн би арга ядаж аль болох та бүхний нүднээс далд сургуулийн дотуур байранд оруулахаар шийдсэн тул энэ удаа хэлтрүүлэн өршөөж хайрлана уу.
Эцгийн хамт гараа газар тавин сөгдөж байхдаа дунд сургуулийн хоёрдугаар ангийн сурагч тэрээр сэтгэл дотроо ийн хашгирав.
“Хүний мөсгүй дээрэмчид. Чөтгөрүүд. Ёс заншилдаа хүлэгдсэн сүнснүүд. Харж л байгаарай, би үхсэн ч Сүмиког эхнэрээ болгож авна даа.”

Тэр цагаас хойш хорин жил өнгөрчээ. Тэр, Күришима гүнгийн цэцэрлэгт хүрээлэнгийн цайллаганд оролцов.
Энэ хооронд тэрээр дээд сургууль төгсөж, зургаа, долоон жил Ромын элчин сайдын яаманд ажиллаж байгаад өнөө Гадаад явдлын яамнаа буцан иржээ. Үмэмүра усан цэргийн академийг дүүргэж, байлдааны шинэ хөлөг онгоцонд алба хааж, одоо тэнгисийн цэргийн удирдах газарт гайгүй суудалд байгаа бололтой. Гэвч дорд гацааны цэргийн хүн хичнээн шилдэг, чадалтай байлаа ч хэзээ ч тодорхой нэг түвшинээс дээш ахихгүй гэх яриаг сонсоод тэрээр Үмэмүрагийн өмнөөс уур нь шатав. Мөн Үмэмүраг тэр тодорхой нэг түвшинд нь дэвшин очих хүртэл энэ муйхар заншил үгүй болсон байна биз гэж ч боджээ.
Тэр хоёр Күришима гүнгийн цээнэ цэцгийн хүрээлэнд арван дөрвөн жилийн дараа дахин учран золгов.
- Заа.
Чанга дуугаар мөрийг нь алгадсан мундаг усан цэргийн офицерийн сүр хүчинд дарагдаад тэр хариу мөрийг нь цохиж чадсангүй.
Хажуу дахь эзэгтэй нь галтай, цогтой дээгүүр харцаар түүнийг харав. Тэрний гайхан цочсон царайг хараад Үмэмүрэ,
- Нээрэн тийм. Чамтай уулзахаараа хэлье гэж бодож байлаа. Сүмиког жаахан охин байхад яагаав нөгөө тэгж өдсөн нь тав, зургаан бандиар зогсоогүй юм. Тэр үед манай тосгонд тийм юм дэлгэрээд хө гэв.
- ......
- Бага байхад хөгжилтэй байжээ гэж Сүмико цайлган хүүхэд шиг инээмсэглэн хэлэв.
- Өө, уучлаарай. Нисэхийн сургуулийн нэг найз маань ирсэн байна. Түр хүлээгээрэй, дараа тухтай ярилцая.
Үмэмүра гэргийтэйгээ том том алхлан ноо жүжгийн тайз руу явж одлоо.
Торойн хоцорсон түүний царай эргэн тойрны цээнэ цэцгээс ч ув улаан болжээ.

--------------------------------------

(1) Сүүхэйшя - /сүүхэй- тэгш, шулуун/. Дэлхийн хоёрдугаар дайны өмнөх Японы "дорд гарлын хүмүүс" гэгдэн ялгаварлан гадуурхагдаж байсан гацаануудын нийгэм дэхь байр суурийг дээшлүүлэх, ялгаварлан гадуурхалтаас чөлөөлөх зорилгоор 1922 онд байгуулагдсан бүлгэм.

Кавабата Ясүнари, 1925 он, Япон.

Орчуулсан Д. Алтанцэцэг

САНАЛ БОЛГОХ НИЙТЛЭЛ

  • Тэд бидний дунд байхгүй ч орлого нь нэмэгдсээр байдаг
    Зарим алдартай одуу энэ орчлонгоос явсан ч тэдний хийсэн бүтээсэн зүйл бидний дунд оршиж, түгсээр байдаг. Нас барсан одуудын орлогыг жагсааж, түрийвчийг нь өнгийдөг сонин хэвлэлүүд бас бий. Тэднийхээр бол 2014 оны хамгийн орлоготой одод нь энэ хүснэгтэн дэх хүмүүс. Мэдээж алдарт Майкл Жексон тэднийг тэргүүлсэн байна. 2009 оноос хойш түүний бүтээлүүд зарагдсаар байгаа бөгөөд нийт орлого ...
  • Анжелина Жоли болон Брэд Питт нар 7 дахь хүүхдээ өргөж авчээ
    Холливудын алдарт хосууд гэр бүлийнхээ 7 дахь  шинэ гишүүнийг хүлээн авч Сириэс 2 настай хүү өргөж авсан байна. 39 настай жүжигчин бүсгүй Жоли Питт гэр оронгүй хүмүүст туслах сайн үйлсийн аянд оролцох үеэрээ бяцхан хүүтэй анх уулзаж, өрөвдөн нулимс унагасан ба хүү хариуд нь түүнийг тэвэрсэн тэр мөч сэтгэл хөдлөм байсан  талаар НҮБ-ын ажилтан дурсчээ. Брэд Питт, Анжелина Жоли...
  • Юуг ч хэзээ ч хийхэд оройтдоггүйг баталсан хүмүүс - Үргэлжлэл №2
    Нас бол зүгээр л тоо гэж ярьдаг хүмүүс олон байдаг. Түүнчлэн юуг ч хэзээ ч хийхэд оройтдоггүй гэж ч ярьцгаадаг. Харин эдгээр ярианууд үнэхээр үнэн болохыг баталсан Жеффри Лайф болон Андрей Чирков нарыг өмнөх дугаартаа танилцуулж байсан билээ. Тэд өөрсдийн амьдралд эрс өөрчлөлт шинэчлэлтийг хийгээд зогсохгүй бусдад ч гэсэн итгэл найдвар хайрласан гайхалтай хүмүүс бөгөөд энэ удаад ч ...
  • Зохистой хооллолтын зөвлөмж
    Хүний урт наслалтад нөлөөлдөг гол хүчин зүйлүүдийн нэг нь хоолны дэглэм байдаг. Монголчуудын нас баралтын шалтгаан болсон өвчлөлийн дийлэнх нь мөн адил буруу хооллолтоос үүдэлтэй хоол боловсруулах болон зүрх судасны өвчнүүд байна. Зүй зохистой хооллох эсэх нь тухайн хүнээс өөрөөс нь хамаарах асуудал боловч мэргэжлийн байгууллагаас судалгаа шинжилгээний үндэслэл бүхий зөвлөмж гаргах нь ...
  • ЛОМБАРДАНД /богино өгүүллэг/
    Цагаахан цасны гэгээнд цайран гийх бэржгэр шилэн хаалганд үүдний нарс модны чимэглэл тодхон тусна. Шинэхэн цагаан цамцаар гоёсон жаал хүү дэлгүүрт сууж байв. Энэ хүүгийн уруулын өнгө уруулын будаг лугаа адил шунхан улаан бөгөөд мяраалаг зөөлөн хүзүү хавь нь бүсгүй хүн мэт цайвар, булбарай ажээ. Түүн дээр, шинэ оны босгон дээр шинээр сольсон бололтой лангууны цагаан модон сараалжин х...
  • Братз хүүхэлдэйн "будаггүй" төрх
    Австралийн нэгэн ээж та бидний сайн мэдэх, охидын дуртай хүүхэлдэй Братзийг дэндүү их нүүрний будагтай хээнцэр гэж үзсэн тул энгийн балчир охидод зориулан нүүрний будмал хэсгийг арилган өөрөө шинээр зурж, хувцасны загварыг өөрчлөн оёсон зургаа ийтэлжээ. Тун ангийн бас даруу сайхан харагдах аж. Байгаа гоо сайхнаа хайрлаж суръя. ...
  • Сошиал сүлжээнд юу нийтэлж болохгүй вэ?
    Зарим нэг нь эдгээр машины мөрөөдөл болж байхад зарим нэг нь хог дээр гаргаж хаях аж. Сэтгэлийн бэлтгэлтэй байгаарай, доорх мэдээллийг үзээд нулимс тань өөрийн эрхгүй гарах вий. Үнэтэй машиныг хог дээр хаядгаараа Дубай хот дээгүүр бичигдэнэ Худалдаа наймааны гэрээ хэлцэл эсвэл үл хөдлөх эд хөрөнгийн хэлцэл нь ашиг орлого өгөлгүй бүтэлгүйтэж дампуурал зарласан гадаадын хөрөнгө оруул...
  • Flash disk вирустсэн үед алга болсон файл, хавтсаа нээх
    Энэ нийтлэл нэлээн дэлгэрэнгүй, их мэт санагдаж магадгүй. Гэхдээ та ганц удаа л уншаад дагаад хийчихвэл нэлээд хэрэгтэй мэдлэгийг эндээс авах болно гэж бодож байна. Битгий залхуураарай ;) Маш олон төрлийн компьютерын вирус флэш дискээр дамжин халдварладаг. Үүнээс сэргийлэх нэгэн аргыг урьд нь та бүхэнд танилцуулж байсан бол энэ удаад вирус таны зөөврийн диск дээрх хэрэгтэй зүйлсийг н...
  • 30 жил уулзаагүй хосууд нэг нэгнээ хараад яасан бэ?
    Хайр бол хорвоогийн хамгийн ээдрээтэй тодорхойлоход бэрх зүйл юм. Ялангуяа уран бүтээлчид нэг нэгэндээ дурлахад тэдний хайрын өнгө аяс  бусдаас онцгой байдаг мэт харагддаг. Марина Абрамович хэмээх уран бүтээлч эмэгтэй 1970-ад оны үед найз залуу Улейгээс салжээ. 30 гаруй жилийн дараа Марина нэгэн үзүүлбэр үзүүлэхээр болсон нь танхимын голд сууж, танихгүй хүмүүстэй 1 минутын турш&nbs...
  • Гүн утга агуулгатай зургууд
    Англи улсын зураач Жон Холкроф график дизайнерын мэргэжил эзэмшсэнийхээ дараагаар өөрийн уран бүтээлүүдээрээ дамжуулан бидний өнөөгийн амьдарч буй нийгмийг шүүмжилсэн гүн утга агуулга бүхий зургуудаа зурах болсон байна. Тэрээр зургуудаа хошин гэмээр байдлаар зурдаг боловч түүний зургуудыг харсан хэнд ч гэсэн нэг зүйл бодогдохгүй байхын аргагүй ажээ. ...
  • Чамд намайг, надад чамайг ярьж байдаг
  • Жинхэнэ Терминатор гудамжинд...
  • Холливудын од Камерон Диаз 42 насандаа нөхөрт гарлаа
    Холливудын сайхан бүсгүйчүүдийн нэг Камерон Диаз, Good Charlotte хамтлагийн ихэр ах дүүсийн нэг, гитарчин Бэнжи Меддэнтэй хуримлажээ. Хосууд хуримаа нам гүм тэмдэглэхээр шийдэж, Диазын Беверли Хиллс дахь гэрт ёслолыг үйлдсэн ба ойр дотнын цөөн хэдэн хүмүүсийг урьсан байна. Хуриманд Риз Уизерспүүн, Дрю Бэрримор, Гвинет Пэлтроу, Тони Коиллет, сүйт залуугийн ихэр ах Жоэл эхнэр Николь Ричи...
  • ДОЛООН БУРХАНД ХҮСЛЭЭ БУРУУ ИЛЭРХИЙЛЖ БОЛДОГГҮЙ АЖЭЭ
    Эртнээс нааш хүмүүс шөнийн тэнгэр дэх мянга мянган оддыг харагдах байдлаар нь ангилж өөр өөрсдийн нэршлийг өгсөн байдаг. Монголчууд бид Хүн 5 одны орд, Маралын одны орд, Үхрийн одны орд, Долоон бурхан одыг харагдах хэлбэрээр нь “Шанага 7 од” гэх мэтээр өөрсдөө зохиож нэрлэсэн. Долоон бурхан одны домог: Эрт цагт цорын ганц хүүтэй нэгэн эмгэн байжээ. Хүү нь хугацаагүй ...
  • КАНАР БЯЛЗУУХАЙ /бяцхан өгүүллэг/
    Эзэгтэй, би танд амласнаа зөрчиж дахин нэг захидал илгээхээс аргагүй боллоо. Ноднин таны бэлэглэсэн канар бялзуухайг би тэжээж чадахгүйд хүрээд байна. Тэр бялзуухайг эхнэр минь тэжээж байсан юм. Би зөвхөн харах л үүрэгтэй байлаа. Хараад таныг дурсан санах л... Та хэлж байсан даа. “Та эхнэртэй хүн, би нөхөртэй хүн, одоо салъя даа. Ядаж танд эхнэр байхгүй байсансан бол. -...
  • Үлгэр эхлэв
    Ёстой ойлгохгүй юм аа, яаж ч гашлаад ойлгохгүй юм байнаа байн. Бурхан минь, хүний хос байна гэдэг дэлхий дээр хамгийн хэцүү ажил байдаг бололтой. Эсвэл би хэтэрхий их юм хүсээд байна уу? Надад бол уг нь асар чухал хэр нь нөгөө хүнд бол шалихгүй ээ, өчүүхэээн юм хүсээд байхад л биелж өгөхгүй юм. Саяханы нэгэн нартай бүгчим өдөр хархүү маань чуганц намайгаа дагуулаад хөл бөмбөг үзнэ гэвэ...
  • Алгын чинээ өгүүллэг
    /алгын чинээ өгүүллэг/ Яавал түүнд таалагдах вэ! Яаж ч байсан хамаагүй түүнд таалагдахыг хүсэн мөрөөдөж үсээ тайрч, нүүрний будгаа өөрчлөв. Хувцсаа ч, яриагаа ч, найз нөхдөө ч, иддэг хоолоо ч сольж, сонирхолоо ч хаяж эцэст нь ашгүй нэг тэр намайг үерхэе гэлээ. Мөн мөн, жинхэнэ би биш л бол сайн болно гэсэн үг байх нь. Маргааш нь би түүнийг хаяв. -------------------------- Орчуулг...
  • ПАРТИЗАНУУД: Тэд сумод Монголчуудыг манлайлсан
    Энэ хүмүүс Монголчуудаа манлайлж СУМО-д жим гаргаж, жим нь зам болж, зам нь дардан болж, өнөөдөр Монголчууд Японы Мэргэжлийн Сумог эзэгнэх эхлэлийг тавьсан. Тэд булган сүүлтэй манлайлагч залуус.
  • “Furious 7" амжилтыг эвдлээ
    Бидний нэрлэж заншсанаар "Галзуу Хурд" буюу Fast & Furious киноны 7 дахь цуврал нээлтээ хийсэн цагаас ашиг орлогоороо бокс оффист тэргүүлж байна. Нийт орлого нь 1 тербум ам.долларт хүрсэн тул 2015 оны хамгийн ашиг орлоготой киногоор нэрлэгдээд байгаа ба эдийн засгийн хурдацтай өсөлтөөс улбаалан кино бүтээгчид Хятадын зах зээл рүү анхаарал хандуулах болсон. Энэ удаад ч мөн ...
  • Үндэсний хобби: Германчуудын бараг 90 шахам хувь нь барбекю хийдэг
    Герман Улсын 10 хүн тутмаас 9 хүн грилл дээр дуртай мах, эсвэл ногоо шардаг бол ердөө үлдсэн хэсэг нь огт барбекю хийдэггүй байна. Германчуудын бараг шахам 90 хувь нь барбекю шардаг болохыг ням гарагт буюу 05 сарын 02 өдрийн Dpa агентлагаас явуулсан санал, асуулгын үр дүнгээс харж болно. Тус агентлагийн захиалгаар олон нийтийн санал, асуулгын YouGoy хүрээлэнгээс явуулсан судалгааны да...
Та соёлтой, боловсон, хуулийн хүрээнд сэтгэгдлээ үлдээгээрэй. Баярлалаа.
  • 500 тэмдэгт
  • болих
  • оруулах

Холбоо тогтоох

Та Like дарж манай мэдээллийг авч байгаарай.