ЧӨЛӨӨТ АГУУЛГА

АЛТАН ЗУРАГЛАЛ /өгүүллэг/


2015 оны 12 сарын 01, 19:55

img_0_2
Этгээд нэгэн далайн эрэгт
Эрсхэн ногоон царс ургажээ
Энхжин царсны мөчир дамжуулж
Эрдэнийн алтан гинж хэлхжээ
/А.С.Пушкин/ (орчуулагчийн нэрийг олсонгүй.)

Би багадаа тийм ч сайхан ааштай хүүхэд байгаагүй билээ. Зарц нараа их шоглоно. Би удаан хойрго юманд тун дургүй тул наазгай зарцыг илүүтэй шоглоно. Окэй их удаан хөдөлгөөнтэй зарц байлаа. Алимны хальс арилгасан ч юу боддог юм бүү мэд хоёр, гурван ч удаа гараа амраана, тэр болгонд нь би хөөе гэж ширүүхэн дуугарахгүй л бол нэг гартаа алим, нөгөө гартаа хутга барьсан чигтээ алмайрчихна. Толгойдоо жаахан юмтай гэж бодно. Галын өрөөнд юу ч хийхгүй гөлийгөөд зогсчихдогийг нь олонтоо харсан болохоор хүүхэд надад ч гэсэн жаахан дур гутам, нэг л сонин уур хүрмээр санагдаж, “Хөөе Окэй, өдөр богинохон шүү" гэх мэт том хүн шиг, одоо бодохоор нуруу хүйт оргим харгис үг чулуудаж, тэгээд ч сэтгэл ханахгүй нэг удаа Окэйг дуудаад миний зурагтай номын цэргийн ёслолын жагсаалын хэдэн зуун цэрэг, бүр морьтон, туг далбаа барьсан, буу үүрсэн цэргийг нэг нэгээр нь хайчлуулж, хөөрхий эв дүйгүй Окэй өглөөнөөс үдэш хүртэл юу ч идэлгүй арайчүү гучхан цэрэг, тэр нь тэгээд баатар жанжны сахлыг тайрчихсан, буутай цэргийн гарыг баавгайн савар мэт аймар бүдүүн хайчилсан байх тул би тэр бүрд нь боож үхэхээ шахан, халуун зун ч байж Окэйгийн хөлсөө цувуулан хайчилсан нөгөө цэргүүд хөлстэй гарт нь шалчийн нороод би бүр тэсэлгүй уурандаа Кэйг өшиглөөд авав. Уг нь мөрийг нь өшиглөсөн байтал Окэй баруун хацраа даран доош бөхийгөөд уйлж гарлаа.
“Эжийдээ ч ингэж нүүр амгүй цохиулж үзээгүй. Чамайг үхэн үхтлээ мартахгүй дээ“ гэж гиншин уйлахад нь эрхгүй сэтгэл сэртхийж билээ. Тэгээд ч зогсохгүй би чухам л тэнгэрийн зарлиг мэт Кэйг дэглэдэг байжээ. Өнөө ч гэсэн бага зэрэг нэг тийм мэдлэггүй, мулгуу хүнийг харахаараа тэвчиж үл чадна.
Уржнан би гэрээсээ хөөгдөн нэг шөнийн дотор гуйлгачин болж, гудамж хэрэн тэнүүчилж, газар газар очин уйлан бөмбөрч, тэр өдөр өдрийг арайчүү даван туулсаар бага зэрэг үзэг барихын хүчинд амь зуулгаан овоо нэг аваад явахчаан болтол өвчинд нэрвэгдэв. Сайн хүмүүсийн ачаар нэг зун Чиба аймгийн Фүнабаши хотын Дорогийн далайн ойролцоо жижигхээн байр хөлслөн сууж, хоол унд хийж идэхтэйгээ болсон авч шөнө бүр унтлагын хувцсаа мушгиж хаяхаар хөлстэйгээ тэмцсэн өдрүүд үргэлжилж, тэгсэн ч ажил хийхгүй бол болохгүй тул өглөө бүр ганц аяга хүйтэн сүү зөвхөн түүнд л амьд явахын баяслыг мэдрэх шиг, хашааны буланд цэцэглэсэн улаан цэгцүүхэйн гоёмсог цэцэг хүртэл улалзан асах галын дөл мэт харагдахаас өөр юуг ч мэдрэхгүй болтлоо миний тархи толгой эцэж туйлдаад байлаа.
Тэр үеэр нэгэн өдөр, хүн амын тооллогын туранхай, дөч эргэм насны намхавтар эргүүлийн цагдаа хаалга тогшиж, миний иргэний үнэмлэхийн нэр, сахал үсэндээ баригдсан царай хоёрыг бүлтийтэл ширтэж байснаа,
- Хүүе чи нөгөө ......эрхмийн хүү юү дээ? гэж асуухад нь түүний хэлсэн үг нь учиргүй манай нутгийн аялгатай байсан тул би
-Тийм гэж тайвширсан өндөр дуугаар хариулаад,
-Та өөрөө? гэж асуув.
Эргүүлийн цагдаа цонхигор нүүрээ үрчийтэл инээгээд,
- Үгүй тэр, яг мөн байна шүү. Та мартаа байлгүй дээ, хорин жил өнгөрчээ. Би К-д морин тэрэгчин байсан юм.
К гэдэг нь миний төрсөн тосгоны нэр. Би:
- Та яг таалаа гэж нүүрэндээ өчүүхэн ч инээмсэглэл үгүй хариулаад
– Би одоо шалдаа буусан гэхэд,
- Юу гэж дээ гэж цагдаа улам хөгжилтэй инээнгээ,
– Зохиолч болно гэдэг бүр ч гараад өгсөн байна шүү дээ гэв.
Би муухан мушилзав.
- Нээрэн тийм гээд цагдаа арай сулхан дуугаар,
- Окэй таныг дандаа дурсан ярьдаг юм гэв.
- Окэй? Би тэр дороо санасангүй.
- Окэй шүү дээ. Мартсан байх даа. Яагаав танай зарц байсан.
Саналаа. “Аа” гэж би өөрийн эрхгүй дуу алдаад босгон дээрээ лагхийн суусан чигтээ толгой гудайлган тэртээ хорин жилийн өмнө удаан алгуур нэгэн зарц эмэгтэйг шоглож байсан элдэв хорт үйлдлээ нэг нэгээр санаж бараг тогтож сууж чадахыг болив.
- Жаргалтай байгаа биз дээ? гэж гэнэт толгойгоо өндийлгөн гайхан алмайран асуусан миний царайд яг л нүгэлтэн, гэмт хэрэгтэн, өөдгүй муу инээд хүртэл хөвж байснаа сайн санах авай.
- Өө, ингэж тэгээд болж л байна гэж эргүүлийн цагдаа туйлын амар амгалангуй бөгөөд цайлган цовоо дуугаар хариулаад алчуур гарган духны хөлсөө арчин,
- Дараа түүнийг дагуулаад тухтай ирж таны амар мэндийг эрье, болох уу? гэв.
Би үсрэн босохоо алдтал давхийн цочив.
- Өө, үгүй зүгээр, зүгээр юу гэж тэгж... гээд эрс татгалзаж үгээр хэлэмгүй ичгүүр хийгээд дорд байдалдаа бие минь чичигнэж байлаа.
Гэвч цагдаа малийтал инээсэн хэвээр.
- Манай хүү энэ өртөөнд ажиллаж байгаа, тэр маань ууган хүү. Удаах нь хүү, дараагийнх нь охин, охин, хамгийн отгон нь энэ жил бага сургуулийн сурагч болсон. Одоо овоо нэг амьсгаа авахтайгаа болоод байна. Окэй ч хөөрхий шургаж унатлаа л зүтгэх юм. Юу ч гэмээр юм бэ дээ, танайх шиг том баян айлд юм сурсан хүн аргагүй өөр юм гэж бага зэрэг царай нь улсхийснээ инээж,
- Окэй чамайг үргэлж ярьдаг юм. Дараагийн амралтаар заавал дагуулж ирж баяр талархлаа илэрхийлэх болно гэснээ гэнэт царайгаа төв болгон,
- За түр баяртай, биеэ бодоорой гэж хэлээд явж одов.
Түүнээс гурав хоногийн дараа, би ажил гэхээс илүү мөнгөнд баахан шаналж гэртээ байж сууж чадахаа больж хулсан туяг бариад далай тийш явах санаатай хаалгаа сэвхийн онгойлготол гадаа гурван хүн, кимоно өмссөн аав, ээж, улаан хувцастай охин гурав яг л уран зураг лугаа адил зэрэгцэн зогсож байлаа.
Окэйгийн гэр бүл ажээ.
Би өөрөө ч гайхахаар огцом чанга дуугаар хэлэв.
- Өө, хүрээд ирсэн үү. Өнөөдөр би даанч ажилтай, явахгүй бол горьгүй нь. Уучлаарай, дараа дахин ирээрэй.
Окэй намбатай, сайхан эмэгтэй болжээ. Найман настай балчир охин нь эхийнхээ зарц байсан үеийнх шиг үл ялиг удаавтар, бүүдгэр нүдээр намайг дүнсийн ширтэнэ. Би ер бусын уй гунигт автан Окэйг ганц ч үг хэлж амжаагүй байхад нь зугтах мэт далайн эрэг рүү зүглэн алхав. Хулсан таягаараа эргийн зэрлэг өвсийг хайш яаш яран нэг ч эргэж харалгүй ухаан жолоогүй далайн эргийн хотын зүг тэр чигээрээ алхав. Би хот руу юу хийхээр явсан билээ? Ямар ч утгагүй киноны самбар ширтэн, кимоногийн дэлгүүрийн гоё чамин цонхыг гөлрөн, час час тагнайгаа ташин, сэтгэлийн мухарт ялагдсан, ялагдсан гэх шивнээ дуулдах шиг, тэр нь миний хамаг биеийг салгануулж цааш ахин гучаад минут сажилсан болов уу. Тэгээд гэрийн зүг буцан гэлдэрлээ.
Далайн эрэг дээр ирээд би зогтусав. Харагтун, урд минь энх амгалангийн дүр зураг. Окэйгийн гэрийнхэн амар тайван чулуу шидэн инээн хөгжилдөнө. Дуу нь энэ хүртэл цуурайтана.
- Тун айхтар... гэж эргүүлийн цагдаа байдаг чадлаараа чулуу шидэнгээ,
- Тэр толгой сайтай хүн. Удахгүй мундаг хүн болно шүү.
- Тэгэлгүй яахав, тэгэлгүй яахав гэж Окэй их л бардам дуугаар,
- Багийн их өвөрмөц хүүхэд байсан юм. Сул дорой хүмүүст их энэрэнгүй, сайн хүү байсан юм гэх нь дуулдана.
Би зогссон чигтээ уйлсаар. Дэлбэрэх шахам оргилон буцлах сэтгэлийн хөдлөл минь нулимс даган сэтгэл сэргэтэл гадагш хайлан урсана.
Ялагджээ. Энэ бол сайн хэрэг. Тийм ч байх учиртай. Тэдний ялалт бас миний маргаашийн урагшлах замыг ч гэрэлтүүлж өгнө.

-----------------------------------------------
Зураг:  20-р зууны Японы зохиолч Дазай Осамү (1909-1948). Тэрээр энэхүү өгүүллэгийг  тэртээх 1939 онд бичжээ.

 maxresdefault_9

Орчуулсан Д. Алтанцэцэг 2015. 11. 28


САНАЛ БОЛГОХ НИЙТЛЭЛ

  • Viber тоглоомын аппликэйшнтэй болжээ
    Viber аппликэйшн аль хэдийн дэлхийн хамгийн алдартай мессэж бичиж, дүрстэй болон энгийн дуудлага хийдэг аппликэйшний нэг болсон. Харин тус аппликэйшн тоглоомын үйлчилгээтэй болсон бөгөөд эхний ээлжинд Viber Candy Mania, Viber Pop болон Wild Luck Casino гэх 3 тоглоомыг гаргасан байна. Энэхүү үйлчилгээ нь үндсэн Viber аппликэйшнээсээ тусдаа тоглоомын аппликэйшн болж гарсан хэдий ч хэрэглэ...
  • Амелиа ба амьтад
    Мэргэжлийн зурагчин болох Робин Шварц охиныхоо амьтадтай байгаа зургийг 3 настайгаас нь эхлэн хальсанд буулган хадгалжээ. Охин үнэхээр амьтдад хайртай юм.
  • Гудамжны хамгийн гайхалтай 3D зургууд
  • Хятадын 40,000 мөргөлчид хэрхэн аж төрдөг вэ?
    Хотхоны шөнө харагдах байдал 4000 метрийн өндрөөс бууж хичээлдээ явж буй ламхай нар Энд зурагт үзэх хориотой Энд мөн Төвд хүмүүс бий Улаан өнгөт байшингуудын далай гэлтэй Хийдийн доторх хэсэг
  • 3-р ангийн хүүхдүүд багшийнхаа асуултанд хэрхэн хариулав?
    Колорадо мужид байх бага сургуулийн  Кайл Шварц гэх 3-р ангийн багш ангийнхаа хүүхдүүдийг илүү сайн ойлгодог болохын тулд Багш чинь та нарын тухай юу мэдээсэй гэж хүсэж байна? гэсэн асуулт асуужээ. Зарим хүүхдүүдийн хариулт үнэхээр анхаарал татсан байна. "Би багшийгаа надтай тоглох найз байхгүй гэдгийг мэдээсэй гэж хүсэж байна" "Заримдаа миний уншлагын бүртгэл ...
  • Брэд Питтийн нүдээр Анжелина Жоли...
    Анжелина Жоли бол маргаангүй дэлхийн хамгийн үзэсгэлэнтэй бүсгүйчүүдийн нэг төдийгүй хамгийн загварлаг оддын нэг гэдийг хэн бүхэн мэдэх хэдий ч тэрээр ойр тойрныхон,  гэр бүлийнхнийхээ хувьд олон хүүхэдтэй эгэл жирийн нэгэн ээж хүн. Тиймээс ч түүний хувьд гэр бүл нь энэ амьдралынх нь хамгийн үнэт зүйл гэдгийг тэрээр цаг үргэлж илэрхийлдэг бөгөөд түүний гэр бүлийнхэн, ялангуяа түүни...
  • 10 жил болсон гэхэд хуучраагүй “гоё” дуунууд
    Oдоогоос 10-аад жилийн тэртээ буюу 2002 / 2003 онд та бидний хүртээл болсон ч хит хэвээрээ хуучраагүй “гайхалтай - 12” дууг зориулж байна. 50 Cent - “In Da Club” Энэ бол Америкийн реппэр 50 Сентийн анхны бие даасан “Get Rich or Die Trying” (2003) цомогт орсон “хит” синглүүдийн нэг юм. Продюсераар Dr. Dre а...
  • Өнгөрсөн ба одоо үеийн ялгаа
  • Мууранд хайртай өхөөрдөм үрс
  • Язралтыг гэрийн аргаар 6 долоо хоногт арилгах боломжтой
    Эмэгтэйчүүдийн сэтгэлийг зовоодог зүйл бол яах аргагүй таргалалт, төрөлтөөс үүссэн язралтын сорви юм. Янз бүрийн үнэтэй тос хэрэглэж гоо сайхныг зорилгүйгээр гэртээ арилгах боломж байдаг гэнэ. Эдгээрийн туршаад үзэж яагаад болохгүй гэж? 1.Сахар Сахарыг байгалийн гуужуулагч болгон ашиглаж болохоос гадна гэрийн аргаар язралтыг арилгахад нөлөө үзүүлдэг. Цайны халбага сахарыг хэдэн дусал ...
  • БАЯРЛАЛАА
    Энэ жил илжгэн чих арвин элбэг ургаад уулын намар үзэсгэлэнтэй сайхан. Арлын хамгийн өмнө зүгийн нэгэн жижигхэн далайн боомт. Чихэр боов өрсөн боомтын хоёр давхрын хүлээх өрөөнөөс ягаан захтай шар цамцтай жолооч буун ирэв. Үүдэнд том улаан автобус ягаан дарцаг намируулан зогсоно. Эх чихэр, боовхон хийсэн цаасан уутны амыг хамхин босон ирэнгээ гутлынхаа үдээсийг цэмцийтэл үдэж буй жолоочи...
  • БИД ХОЁРЫН ОРОЙ /алгын чинээ өгүүллэг/
    “Аа, бас л гар явчихлаа...” Тэр агшинд ийн харамсан бодсон боловч хүүгийн минь царай аргагүй атиралдан ирээд уйлж гарав. Жаахан ч болохгүй юм хийгээгүй байхад нь. Эвий дээ. Өвдсөн байх даа? Өвдөлгүй яахав дээ. Хацар нь улайсан хүүгээ тэврэн авч “Ээжийгээ уучил, уучил” гэж дахин давтан хэлэв. Газар сөхрөн нулимс дуслуулан суух эхийгээ, хүү минь нэг мэдсэн...
  • Уитни Хьюстоны охиныг эмч нар удаан амьдарна гэжээ
    Хэдхэн хоногийн өмнө олон улсын шар мэдээний сайтуудаар Уитни Хьюстоны охин сэргэлээ гэсэн мэдээлэл цацагдсан. Арга ч үгүй юм, түүний эцэг Бобби Браун тоглолтынхоо үеэр сэтгэл хөдлөлдөө автан "тэр сэргэсэн" гэж зарласнаас үүдэн түүнийг сэргэж эдгэсэн мэтээр бичиж байсан. Үнэн хэрэгтээ Кристина Браун нүдээ нээж хэсэг хугацаанд харсан байна. Түүний эмээ одоо хүртэл сэтгэл нь зов...
  • Супер баатруудын Энэтхэг хувилбар
    1. Thor 2. Black Widow   3. Poisen Ivy 4. Joker   5. Wonder Woman   6. Hulk 7. Spiderman 8. Batman
  • Сексийн тухай 5 худал зүйл
    1. Секс байнга хийснээр их хэмжээний калори шатаана Үнэн хэрэгтээ: Мэргэжилтнүүдийн хийсэн судалгаагаар 30 минутын секс 85-150 калори шатаадаг. Онолын хувьд та биеийн жингээ хасах гэж байгаа бол дунджаар 3500 калори шатаах ёстой гэнэ. Тэгэхээр хэрэв хүн секс хийх бүрдээ 100 калори шатаадаг бол та 35 удаа хийж байж ойролцоогоор 500 гр хасах нь. Асуудлын гол нь хүн бүр 30 минутын турш сек...
  • Өвөө болох гэж буй эрийн анхны сэтгэгдэл
  • ХАЙР
    Тэр хүнийг дахин харах хүртэл сэтгэл зүрх минь яасан их шанална вэ, ерөөсөө л уулзахаа больё, ор тас мартъя. Чингэж бодохуйяа сэтгэл минь ашгүй хөнгөрөөд юу ч болоогүй мэт ердийн бор хоногууд буцан ирэх шиг, өдөр бүрийн арван таван цагийн цайны цагаа ч гэсэн урьдынх шигээ хүлээн сууя даа. Хүний амьдралын жам болох нөхөрт гарах, хүүхэд төрүүлэх, өсгөх хийгээд өтлөн хөгшрөх хүртэлхэ...
  • Энэ амьтад эм уухгүй бололтой
    Хятадын амьтны хүрээлэнгийн панданууд эмээ уухгүй дүрсгүйтэж байна
  • СОНОМ ӨВГӨНИЙ ХҮҮХДҮҮД
    Намрын өглөө... Машины дугуйн хий багасчихаж. Хүүхдээ албанд нь хүргэж өгчихөөд, ойр хавьд дугуй засвар байхгүй тул дугуйгаа нөхүүлэхээр явлаа. “Дугуй засвар” гэсэн бичигтэй хашааны гадна очиход хижээл насны ах гарч ирээд учир байдлыг сонсоод ажлаа эхлэв. Гудамжинд явж байсан нэгэн залуу, засварчин ахыг таньдаг бололтой мэнд мэдэн, хоорондоо үг солилцлоо.-Хорооны то...
  • Байнгын аялагчдын амжилтад хүрдэг 15 шалтгаан - Цуврал 2
    Амжилт нь тухайн хувь хүнээс шалтгаалан олон янзаар тодорхойлогддог бөгөөд зарим хүмүүс амжилтаа ахиулж амжилтад хүрдэг байхад нөгөө хэсэг нь амжилтад чаддаггүй. Амжилтад хүрсэн хүмүүс амжилтад хүрэхийн тулд бусдаас илүү юуг хийж эсвэл өөр юуг хайж олсон байдаг юм бол? Амжилттай ажиллаж амьдрахад туслах дадал зуршлууд болон арга ухааны талаар олон зөвлөгөөнүүд байдаг бөгөөд бидний...
Та соёлтой, боловсон, хуулийн хүрээнд сэтгэгдлээ үлдээгээрэй. Баярлалаа.
  • 500 тэмдэгт
  • болих
  • оруулах

Холбоо тогтоох

Та Like дарж манай мэдээллийг авч байгаарай.