ЧӨЛӨӨТ АГУУЛГА

Таны өдөр тутмын зөв хэмнэл


2016 оны 01 сарын 20, 14:28

kaboompics_com_Detail-of-open-magazineХүний амьдралд зөв хэмнэл гэдэг маш чухал. Зөв хэмнэл гэдэг нь үндсэндээ ажил амралтын зохицуулалт юм. Хэмнэл гэдэг нь хэвшмэл гэдэгтэй өөр ойлголт. Нэгэн хэвийн, залхмаар хэвшсэн, түүнээс ямарч бүтээмж гардаггүй, аз жаргалын индекс багатай амьдралыг хэвшмэл гэж ойлговол энэ бидний зорьж байгаа, миний бичиж байгаа зүйлээс өөр юм.

Харин бид ЗӨВ ХЭМНЭЛийг хэрхэн бий болгох вэ?

Ажил дээр, гэртээ хэрхэн цагийг зөв өнгөрүүлэх, хэрхэн бүтээмжтэй ажиллах, хэрхэн үр дүн гаргах, хэрхэн амрах гэдгээс таны хэрхэн амжилтанд хүрэх гэдэг гаргалгаа бий болно. 

  • Өдөр бүр өөрийгөө хөгжүүлэх
  • Ухаан саруул байлгах, сэтгэж бодох
  • Биеэ эрүүл, сэтгэлээ өөдрөг байлгах
    Өндөр амжилт гаргасан, нээлт хийсэн, хүн төрөлхтөний төлөө ихзүйл хийсэн хүмүүсийн ихэнх нь өөрийн өдрийг “БҮТЭЭМЖЭЭР ДҮҮРЭН ӨДӨР” байлгаж, түүнийгээ ягштал мөрдөж, хэвшил болгосон байдаг.

Тэд бидэн шиг гэнэт ухаан орохоороо юмыг өдөр шөнөгүй нухдах, морь мал шиг зүтгэдэг, амжихгүй бол гурилддаг хүмүүс биш байж.
Төлөвлөж, өдөр бүр түүний төлөө ажиллаж, зүтгэж, хугацаагнь ажил амралттайгаа нягт уялдуулах зэргээр ажлын үр дүнг бий болгодог.
Машинтай зүйрлэвэл: Түгжрэлтэй замд машинаа ухаан жолоогүй зүтгүүлж хүчтэй, огцом хурдалж, араа шүдий нь зөрүүлж, тормозлож, өөд уруугүй мушгин, донсолгоонд сэгсчүүлж, тос маслогүй хяхруулж, түлш, бензингүй сажлуулж, сар өдрөөр зэврээдэг машин хэдий замыг туулах нь ойлгомжтой.

Харин хашир жолоочийн зөөлөн гараар эдэлж хэрэглэсэн машин их замыг ажралгүй туулсан байдаг. Социализмын үед жолооч нарт “Саятан жолооч” гэж өргөмжлөл олгодог байсан. Тэр нь нэг машинаараа нэг сая км туулж чадсан жолоочийг хэлж байгаа юм.
Хэрэв хүмүүс бид 90 наслана гэж үзвэл 32850 өдөр л амьдарч байгаа юм. Хэрэв таны халаасанд 32850 төгрөг байвал үрэхэд хичнээн амархан дуусдаг билээ.  2-3 өдрийн хоол, 20 л бензин, 4-5 аяга кофе. Хэдэн талх, ногоо. Ердөө л энэ.
Гэтэл хүний амьдралд олдох энэ өдрүүд бас их чухал. Өдөр бүр үнэтэй. Бид энэ өдрүүдийг хэрхэн өнгөрүүлдэг вэ?

Та одоо өөрийнхөө 32850 өдрөөс одоо хэдийг нь өнгөрөөчихөөд байгаа билээ?

Амьдрал эдгээр өдрүүдээс л бүрдэж байгаа болохоор нэг өдрийн зөв хэмнэлийг бий болгож чадвал, амьдралын маань бүх өдрүүд бүтээмжтэй, сайн сайхан өнгөрнө гэсэн үг. Тиймээс нэг өдрийн бүтээмжтэй, аз жаргалтай, өөрийгөө хөгжүүлсэн, ихийг амжуулсан, эрүүл мэнддээ анхаарсан, оюун сэтгэлээ хөгжүүлэхүйц зөв хэмнэлийг хэрхэн бүтээх вэ? Та яг одоо ямар хэмнэлээр амьдарч байна вэ? Өөрсдөөсөө асуугаад үз.

Харин энэ тухай асуултанд нэгэн мэргэн хүн дараах байдлаар хариулжээ.

- Хүмүүс бид яаж амьдарвал дээр вэ?
- Яах юу байх вэ дээ, 24 цагтаа л багтаж амьдарвал дээр шүү дээ... (хэ хэ) хэмээжээ.

Үүн лүгээ бидэнд оногдож буй 24 цагаа оновчтой хуваарилах хэрэг гарч байгаа юм.

24 цагаасаа,

7 -8 цаг  Унтах
2 цаг Хооллох, ундлах
8 цаг  Ажил, сургууль буюу үндсэн үүрэг
2 цаг  Өөрийгөө хөгжүүлэх буюу ном унших, сонгодог хөгжим, яруу найраг сонсох г.м
1-2 цаг  Зөвхөн эрүүл мэнд, гоо сайхан ба биеийн хөгжилдөө зарцуулах. Өдөр тутмын дасгал хөдөлгөөн, алхах,

гүйх, иог, бясалгал, гоо сайхандаа анхаарах, эрүүл мэндтэй хамааралтай зүйл унших г.м (Суугаа ажил хийдэг хүмүүс

30 60 минут тутамд биеийн чилээг гаргаж суниагаад байвал маш сайн)
1цаг  Зөвхөн амрахад зориулах. Ямар ч ажил бодохгүйгээр өөр зүйлүүдэд цаг гаргах. Найзуудтайгаа уулзах, ажлынхантайгаа буу халах, гэр бүлийнхэндээ зав гаргаж ярилцах, хүүхдүүдтэйгээ тоглох.

Мөн 7 хоногтоо 1 удаа урлагийн тоглолт, уран зургийн үзэсгэлэн үзэх, салхинд гарах, голын эргээр алхах, уулруу алхах г.м.

1цаг Чөлөөт цаг Зөвхөн өөрийнхөө хобби сонирхолд зориулах, спорт, цуглуулга, интернэтээр аялах,  сонин сэтгүүл унших, өөртөө хэрэгтэй сонгосон нэвтрүүлэг, мэдээгээ үзэх. Бизнетворкоороо зочилох г.м.

За тэгээд ямар ч зорилгогүй суваг солиод суугаад байж болохгүй. Нэгэн судалгаагаар зурагт бол Номер 1 цагийн алуурчнаар тодорсон. Өөр бас нэг судалгаагаар, амжилтанд хүрсэн хүмүүс, бизнесмэнүүд зурагтыг маш бага үздэг байна. Өдөрт нэг цагаас бага хугацааг зурагт үзэхэд зориулдаг.

1цаг- Өөрийгөө сонсох. Зөвхөн өөртөө зориулах цаг. Өөртэйгээ ярилцах, өөртөө асуулт тавих, өөрийнхөө алдаа оноог дүгнэх. Зорилго, хүсэл мөрөөдлөө эргэж нэг харах. Шаардлагатай бол өөрчлөх. Орой бүр тухайн өдрийнхөө алдаа оноог дүгнээд байвал, та бие хүнийхээ хувьд өөрийгөө хөгжүүлэх нэг арга болох юм. Энэ өдөр би юу хийж бүтээв? Юун дээр алдав? Яагаад бүтээмжгүй байна? Хэнийг гомдоов? Хэнийг баярлуулав? Яагаад гомдоов? Зорилгынхоо төлөө нэг ч гэсэн зүйл хийсэн бил үү? Хийж байгаа зүйл минь миний хийх зүйл мөн үү?

Юуны тулд энэ бүхнийг хийж байгаа билээ? Би өөрийгөө хуураагүй биз дээ? г.м. Ихэнхдээ бид өөртөө дүгнэлт хийх нь бага бөгөөд нэг л мэдэхэд бүх зүйл өнгөрч урсан одсон байдаг, хожимдсон байдаг.

1-2 цаг Тээвэрлэгдэх, зөөвөрлөгдөх, түгжлэх, хүлээх цаг. Гэхдээ энэ цагийг ч бас үр бүтээлтэй өнгөрөөх арга замууд байдаг. Та өөрөө бодоод олчихно байх.

 Жишээ нь: Зам түгжирсэн бол, сонсдог ном зохиол, яруу найраг, аудио зөвлөгөө сонсох, Ирээдүйн ажлаа төлөвлөх, мөрөөдөх г.м байж болно. Бухимдлаа гээд замын бөглөрөл арилчихгүй шүү дээ.

 

Дээрх ангиллыг дотор нь заримыг нь багасгаж, нөгөө заримыг нь ихэсгэх гэх мэт хуваариллалтыг хийж болно. Энэ цаг хуваарилалт нь дундажлаж тооцсон болно.

Мэдээж хүн бүрийн цаг төлөвлөлт өөр байдаг шүү дээ. Тиймээс та үүнээс санаа авч өөрийнхөө БҮТЭЭМЖ ӨДӨР судалгааг хийж, төлөвлөгөө гаргаж, түүнийхээ дагуу ажиллаж, амьдарч, хэвшээрэй. Танд бүхэл бүтэн 24 цаг байгаа. Нөгөө талаар танд ердөө л 24 цаг байдаг. Амжилт бол энэ бүхний эхлэл.

Мэдээж та үүний дагуу явахгүй байж болно. Ингэж хуваарилах шаардлагагүй ч байж болно. Эсвэл аль хэдийн та өөрийн гэсэн хуваарилалтыг бий болгож түүнийхээ дагуу ажиллаж, амьдарч, амжилтанд хүрч яваа, хүрсэн байж болно.

Харин тийм бол бусаддаа жаахан ч гэсэн дэм болоорой.
Аливаа зүйлс нарийн зүй тогтнол, хэмнэлтэй байдаг.
Япон, Герман хүмүүс аливаа зүйлийг төлөвлөж, яг түүнийхээ дагуу амьдардаг. Тэд маш ачаалалтай ажилладагч түүнийгээ зохицуулж сурсан байдаг тул бас өндөр насалдаг.
Монголчууд ч бас маш өндөр бүтээмжтэй ажилладаг хүмүүс цөөнгүй байгаа.
Өвөг дээдэс маань ч шаргуу ажиллаж, хөдөлмөрлөж байсан болохоор их зүйлийг бидэнд үлдээсэн байх.
Үүний жишээ:
Эзэн Чингис хаан. 65 наслахдаа дэлхийн талыг эзэлж, энх тайван, хууль дүрмийг сахидаг улс болгон хөгжүүлнэ гэдэг бол түүнээс асах их цаг хугацаа, хөдөлмөр бүтээлийг шаардсан байж таарна.
 Равжаа хутагт тогтмол нэг цагт босож, уул хад болон номын өргөөндөө ирж бүтээлээ туурвидаг байсан.
Өндөр гэгээн Занабазар. Нэгэн хүнд багтамгүй их бүтээл туурвиж, бурхан шүтээн бий болгосон түүний амьдрал ороо бусгаа байсан ч бидэнд их зүйлийг өвлүүлэн үлдээсэн.
Бямбын Ренчин гуай олон хэл сурч, ном зохиол уншиж. Маш олон ном бичиж, эрдмийн бүтээл туурвисан.

Зохиолч Урианхай гуай тогтмол 11 цагт унтаж 5 цагт босдог. Босоод бясалгал, залбиралаа үйлдээд, өдөр бүр 12 цаг бодож тунгаах, бичих туурвихдаа зарцуулдаг.
Хятад хэлний багш, орчуулагч Л.Болдбаатар гуай 2 жилийн хугацаанд 4 томоохон сурах бичиг, толь гаргасаныгаа аажуу, жигд хэрнээ тасралтгүй нэгэн хэмнэлээр ажилласаны үр дүн хэмээсэн байдаг.

Эдгээр хүмүүс зөв хэмнэлгүй, тааралдсанаа хийж, дуртай цагтаа оролддог байсан бол хэзээ ч үр дүнд хүрэхгүй байсан байх.
Тэгэхээр таны өдөр тутмын ЗӨВ ХЭМНЭЛ бол АМЖИЛТЫН ТҮЛХҮҮР. Эрүүл, саруул, жаргалтай урт удаан амьралын үндэс болно.
 

 

САНАЛ БОЛГОХ НИЙТЛЭЛ

  • Холографик дэлгэц буюу ухаалаг утасны шинэ хувьсгал
    Утаснаас тань гуалиг бүсгүй гарч ирэн нүдний тань өмнө бүжиглэж таны харц, нүд ирмэлтээр утас тань ажиллаж байвал ямар вэ? Бидний уран зөгнөлт кинон дээр үздэг байсан энэ технологи удахгүй хэрэглээнд нэвтрэх боломжтой болж байх шиг байна. Одоо байгаа ухаалаг утаснууд бүгд л адилхан хүрэхэд мэдэрдэг, бүгд л ойролцоо ажиллах зарчимтай. Хэдийн 4,5,6 гээд л дараагийн хувилбарууд гарч буй ч ү...
  • Судалгааны ажил гүйцэтгэх арга зүй
    1. МОНГОЛ УЛСЫН БОЛОВСРОЛ, СОЁЛ, ШИНЖЛЭХ УХААНЫ ЯАМ ШИНЖЛЭХ УХААН ТЕХНОЛОГИЙН ИХ СУРГУУЛЬ Ч. Авдай, Д. ЭнхтуяаСУДАЛГАА ШИНЖИЛГЭЭНИЙ АЖИЛ ГҮЙЦЭТГЭХ АРГА З Ү Й , (СТАТИСТИК БОЛОВСРУУЛАЛТ, МАТЕМАТИК ЗАГВАРЧЛАЛ, ОНОВЧЛОЛ) Нэмж засварласан хоёр дахь хэвлэл Редактор: Академич Ч. Авдай ...
  • Идэхэд ч хайран бялуунууд
    Хоолны урлаг сүүлийн жилүүдэд маш эрчимтэй хөгжих болсон ба энэ төрлөөр уран бүтээл туурвидаг уран бүтээлчид хүнсэнд хэрэглэгддэг бүхий л жимс, ногоо тэр ч байтугай кофены үр болон шаар зэргийг хүртэл уран бүтээлүүддээ ашигладаг бөгөөд тэд өөрсдийн уран бүтээлдээ ашиглаж болох бүхий л хүнсний бүтээгдэхүүнүүдийг ашиглан идэхэд ч хайран жинхэнэ урлагийн бүтээлүүдийг урлах болсон. Ингээд т...
  • ЮНЕСКО-гоос өрсөх үү?
    Хамгийн гашуун нь Гацууртын орд буюу Ноён уулын 70 тн гэгдээд байгаа алт тойрсон энэхүү үйл явдал,түүнийг хэрхэн шийдэж, хэлхэлдэн өмчилж буй арга барил нь өөрөө Монголын парламент гаднын уул уурхайн компаниудын захиалгат бэлтгэн нийлүүлэгч болсон гэдгийг гэрчилж буй юм. Хүннүгийн үеийн 800 орчим булш, эртний үнэт олдворыг хэвлийдээ тээсэн Ноён уулыг " Сентерра гоулд" к...
  • АЛТАН ХАРААЦАЙН ҮЛГЭР
    Ерэн онд хэдэн хөөрхөн алтан хараацай гарч ирснээ, “Монголчууд бид дарга нэртэй мангасуудын захиргаадалтын дор, эрх чөлөөгүй, үгээгүй хоосон амьдарч байна. Хувьсгал хийцгээе!” гэж чанга хашгирсан. Хонхны дууг орон даяар хангинуулж, мангасуудын хойдохыг уншсан. “Чухам дарга нарыг л зайлуулах аваас монголчууд бид эрх чөлөөтэй, амар амгалан, баян цатгалан, эрүүл саруул амь...
  • Хамтад нь хэрэглэхэд зохицдог хүнснүүд - Цуврал 2: Цагаан гаа болон Шарсан загас
    Шарсан загастай хамт идэхэд хамгийн тохиромжтой хүнс бол цагаан гаа юм. Учир нь цагаан гаа нь тостой загас идсэний дараагаар аманд сэнгэнэсэн мэдрэмжийг төрүүлдэг байна. Түүнчлэн шарсан загас болон цагаан гааг хамт хэрэглэвэл шим тэжээлээр баялаг төдийгүй хоолны төгс зохицол болдог байна. Загасны тос нь тархины мэдрэлийн эсийг идэвхжүүлж, хөгшрөлт болон сэтгэл мэдрэлийн өвчнөөс сэрги...
  • DREAM BIG
    Хүсэл, Мөрөөдөл, Зорилго....эдгээр үгний ялгаа юунд байдаг вэ? Ерөнхийдөө бол томоохон нэг зүйлийг зааж байгаа байх. Харин хамгийн гол ялгаа нь тухайн зүйлийг тэр хэн хир их хүсэж, хир чухалчилж байгаагаараа, нэг үгээр бол хэмжээгээрээ ялгаатай байх бол уу? Хамгийн томоосоо жагсаавал Мөрөөдөл, Хүсэл Зорилго гэсэн байдлаар хэлж болох юм. Мэдээж хүн бүр өөрөөр л ойлгодог байх л даа. Хүн ...
  • Өөр ертөнцийн гэмээр газрууд
    Неведа, АНУ Тианьзи уул, Хятад Гэрэлт цохын агуй, Шинэ Зеланд Памуккль, Турк Байгаль нуурын мөс, Орос Венесуэль Гансу, Хятад Вьетнам, Сан Дуун агуй  "Луугийн цус" мод,  Иемен Умард Ирланд Гэрэлт Эрэг, Малдив Болив Мексик Улаан эрэг, Хятад Канада АНУ Португаль ...
  • 8 настай охины үзүүлбэр шүүгчдийг хэлэх үггүй болгожээ
  • Жинхэнэ хайр байдаг гэдгийг батлан харуулж байгаа алдартнууд
    Орчин үед аз жаргалаар дүүрэн, бат бөх харилцаа холбоотой гэр бүл тун ховорхон болсон. Ялангуяа нэр алдарт гарсан хүмүүсийн хувьд нэг хүнтэйгээ урт удаан хугацаанд тогтвортой амьдарна гэдэг бараг л гайхамшиг болж хувирсан цаг. Гэсэн хэдий ч хэчнээн цаг хугацаа улиран одсон ч бие биенээ гэх итгэл сэтгэлээ алдалгүй хайр сэтгэлээ хэвээр нь авч үлдэж хамтдаа он удаан жил аз жаргалаар дүүрэн...
  • Юу ойлгож ядаад байгаам бэ, би хүнтэй суумаар байна новшоо
    Эмэгтэйчүүдээ гэж ойлгоход бас хэцүү шүү. Эрчүүд бид яахав. Нэг бүсгүй таалагдсан бол түүндээ очиж хэлээд, найрах гээд үзнэ. Харин чадахгүй бол, хаягдсан бол, тоогдоогүй бол жаахан үзнэ. Тэгээд бүр чадахгүй бол зүгээр л дараагийн хүнрүүгээ явна. Харин бүсгүйчүүд, охидууд маань дээх нь үед цэвэр ичимтгий Монгол бүсгүйн зангаараа өөрийгөө бүрэн илчилж чаддаггүй, нуугаад л , нөгөөхийгөө на...
  • Ажлын ярилцлаганд орохдоо асуух шилдэг 5 асуулт
    Ажлын ярилцлага гэдэг нь 2 талын ашиг сонирхол үйлчлэх ёстой зүйл байтал бодит байдал дээр ажил олгогчид хамаг мэдээллийг асууж , нэг ёсны “эрх мэдллийг гартаа авах” зарчмаар явагддаг. Хэрвээ таныг ярилцлагад дуудсан компани өөрийн чинь хүсэл, сонирхолд нийцэх аваас та зайлшгүй эдгээр асуултын хариуг мэдэх хэрэгтэй юм. Гэхдээ ажил олгогч танаас асуулт асууж дууссаны дараа асу...
  • 10 жил хамтдаа амьдарсны эцэст Бэн Аффлек болон Женнифер Гарнер нар саллаа
    2005 оны 6-р сарын 20-нд  хуримлаж байсан хосууд 3 хүүхдийн эцэг эх болж хамгийн бага нь одоо 3 настай. Тэднийг салах гэж байгаа талаар өмнө нь хэвлэлүүд мэдээлж байсан ч албан ёсоор салсан гэдгээ мэдэгдэж байгаагүй юм. Харин энэ сарын 1-нд албан ёсоор салж буйгаа олон нийтэд зарлажээ. Тэдний хэлснээр " Бид найзын харилцаатай байж, хүүхдүүдээ өсгөх үүрэг хариуцлагаа ухамсарла...
  • Диснэйн хорон санаатнууд бодит хүн байсан бол
    Нойрсож буй гүнжийн МалифисентДиснэйн гүнж болон ханхүү нарыг бодит хүн болгон амилуулан зурж цахим ертөнцөд алдаршаад буй Финлянд улсын уран бүтээлч Jirka Vaatainen сүнсний баяр буюу Halloween-ы баярыг угтан Диснэйн хорон санаат үлгэрийн баатруудыг ч мөн адил амилуулжээ. Түүний амилуулсан эдгээр хорон санаатнууд бодит амьдрал дээр ч гэсэн хүүхэлдэйн кинон дээр гардагтайгаа адил аймшигта...
  • Дэвид Бэкхамын амьдрал зургаар...
     Алдарт хөлбөмбөгчин, олон улсын загварын шүтээн болсон Дэвид Бэкхамын төрсөн өдөр 5-р сарын 2-ны өдөр тохиож, 40 нас хүрэв. Лондонгийн зүүн хэсэгт байх Leytenstone-с  гаралтай тэрээр багадаа Манчестерийг биширч өссөн гэдэг. Ridgeway Rovers-н баг, 1983 он 1993 онд Манчейстер Юнайтадын өсвөрийн багт байх үе Англи менежер Glenn Hoddle-н хамт  1996 ...
  • Итгэмээргүй түүхүүд №1: Авралын тэврэлт
         Энэ түүх одоогоос 21 жилийн өмнө болжээ. АНУ-ын Massachusetts мужид амьдардаг Жексоны гэр бүлийнхэн удахгүй мэндлэх ихэр хүүхдүүдээ хүлээн тун аз жаргалтай байв. Гэтэл гэнэт өвдөлт өгч эмнэлэгт хүргэгдлээ. Ихэр эгч дүүс төрөх хугацаанаас 12 долоо хоногийн өмнө мэндлэх нь тэр. Төрмөгцөө л шууд эрчимт эмчилгээний тасаг руу хүргэгдсэн ба эгч болох Кайли нь 992 ...
  • Сайхан учрал хэзээ ч тохиолдож мэднэ
    Бүтэлгүй хайрын шаналалд автаж явнаа танд зориулав 2015 он дууслаа. Өнгөрсөн жил та  “ХАЙР СЭТГЭЛ”-тэйгээ учирсан уу? Хайртай  хүнтэйгээ та учирсан бол энэ нийтлэлийн гарчгийг хараад л уншилгүй өнгөрөх байх. Харин уншиж байгаа таны хувьд хайр сэтгэл тал дээр ямар нэг хэмжээгээр санаа зовж, толгой өвтгөж байгаа зүйл байж магад. Тэгэхээр танд зориулж үү...
  • Ухаарал /өгүүллэг/
    Нэг  залуу томоохон компанийн менежерийн ажилд орохоор ярилцлаганд оржээ. Компанийн захирал залуугийн танилцуулга бичиг баримтуудыг судалж байснаа - Сурч байх явцдаа ямар нэгэн тэтгэлэгт хамрагдаж байсан уу?                   - Үгүй            ...
  • Зохистой хооллолтын зөвлөмж
    Хүний урт наслалтад нөлөөлдөг гол хүчин зүйлүүдийн нэг нь хоолны дэглэм байдаг. Монголчуудын нас баралтын шалтгаан болсон өвчлөлийн дийлэнх нь мөн адил буруу хооллолтоос үүдэлтэй хоол боловсруулах болон зүрх судасны өвчнүүд байна. Зүй зохистой хооллох эсэх нь тухайн хүнээс өөрөөс нь хамаарах асуудал боловч мэргэжлийн байгууллагаас судалгаа шинжилгээний үндэслэл бүхий зөвлөмж гаргах нь ...
  • Зөвхөн ганц хүсэл биелэх бол, юу хүсэх вэ?
         "Хэрэв зөвхөн ганц хүсэл тань биелэх бол юу хүсэх вэ?" гэсэн адилхан асуултыг ханаар тусгаарласан өрөөнд 2 хүнийг суулган асуужээ. Хэн хэн нь хананы цаана ямар хүн байгааг мэдэхгүй, гэхдээ зүүн талд сууж буй нь хорт хавдартай өвчтөн байв.  Асуулт №1 Таны ганц хүсэл биелэх бол, юу хүсэх вэ? Асуултыг эхэлж баруун гар талд сууж буй эрүүл хүм...
Та соёлтой, боловсон, хуулийн хүрээнд сэтгэгдлээ үлдээгээрэй. Баярлалаа.
  • 500 тэмдэгт
  • болих
  • оруулах

Холбоо тогтоох

Та Like дарж манай мэдээллийг авч байгаарай.