ЧӨЛӨӨТ АГУУЛГА

“21-р зууны түүх өглөө бүтээгддэг”


2014 оны 11 сарын 13, 17:21

1(9)

 

Та ажлын өдрүүдэд хэдэн цагт босдог вэ? Хотын төвөөс зайтай амьдарч, өглөө бүр ажилдаа 1 цагаас илүү хугацаа зарцуулж очдог бол 06:00 цаг орчимд босдог байх.

Ихэнх хүмүүс өглөө “За, одоо 15-хан минут” гээд хөнжилдөө шургаж байх үед, алсын алс АНУ-д өглөө эрт 05:00 цагт боссон Найкын CEO/Гүйцэтгэх захирал/ Марк Паркер аль хэдийн нэг цагийн өглөөний дасгалаа дуусгачихсан, 04:30 цагт босдог Apple-ын CEO Тим Күүк өөрийн ажилтнууддаа цахим шуудан явуулж, ажлын даалгавраа өгчихөөд, мөн адил 04:30 цагт боссон Starbucks/Старбакс/-ын CEO Ховард Шульц энэ үед аль хэдийн компани дээрээ ирээд ажлаа хийж байдаг.


2(11)

Apple-ын CEO Тим Күүк: 04:30 цагт босоод хамгийн түрүүнд
ажилчиддаа даалгавар, заавар зөвлөгөө өгсөн мэйл явуулдаг.

Дэлхийн шилдэг CEO – нүүд бараг бүгдээрээ өөр ямар нэгэн сонголтгүйгээр эрт босдог. CNBC-ийн репортер Жулия Бүүрстин гэгч жил бүр маш олон захирлуудаас ярилцлага авдаг бөгөөд тэрхүү захирлуудаас эрт босдог дадал зуршил байхгүй гэж хариулсан хүн нэг хоёроос илүүгүй байсан гэдэг.

Эрт босогчид өглөө босоод мэдээж адилхан зүйл хийгээд байдаггүй, тэд өөр өөр хүмүүс. Твиттерийн үүсгэн байгуулагч Жак Дорси, Виржин Группын ерөнхийлөгч Ричард Броусон, мөн Yahoo-ийн CEO Марисса Маяэр гээд эрт босч заншсан захирлуудын нэрийг дурьдаад байвал дуусахгүй.

3(7)

Ричард Броусон: Амьдралд гэнэтийн, гайхалтай зүйлс олон.
Би амарч байх үедээ ч өглөө 05:45 гэхэд нойр сэргэдэг.

Шөнөжингөө цэнгэж өглөө орондоо орж өдөр 12:00 цаг хүртэл унтаад үнэхээр харамсаж байсан тохиолдол хэнд ч байдаг байх. Яагаад гэвэл өдрийн хамгийн үр бүтээлтэй цаг мөчийг унтаад өнгөрүүлчихсэн гэж бодохоор хэнд ч тэгж санагдах вий. Энэ тухай  What the Most Successful People Do Before Breakfast (Амжилттай яваа хүмүүс өглөөний цай уухаасаа өмнө юу хийдэг вэ) номын зохиолч Лаура Вандеркам доорх байдлаар бичсэн байдаг.

Олон судалгаагаар өглөө эрт  хүний бодох чадвар хамгийн өндөр байдаг  гэдэг нь батлагдсан байдаг. Жингээ барихад өглөөний цайнаас илүү оройн хоол илүү саад болдог гэдгийг бид мэддэг шиг  ажлын шинэ санаа гаргах, дасгал хөдөлгөөн хийх, цаашлаад найз нөхөд, гэр бүлийн харилцааг гүнзгийрүүлэхэд ч өглөөний цагаа илүүтэй зарцуулах нь хамгийн чухал зүйлсийн нэг


4(7)

Старбаксын CEO Ховард Шульц : Өдөр бүр 04:30 цагт босч эхнэртээ кофе чанаж өгдөг.

20-р зуун бол үнэндээ хов хоосон орон зайд гоёмсог гэрлийн ламп, гэрлэн чимэглэл асааж эрчим хүчийг их хэмжээгээр хэрэглэдэг амьдралын хэв маяг тогтсон байсан. Гэвч ингэснээрээ бид дэлхийн нөөцийг ердөө хэдхэн арван жилд хэрэглэж дуусгах гэж байна.

Урьд нь хүмүүс  нар гарахтай уралдан сэрдэг амьтан байлаа. Харин шөнийн амьдрал бий болсон нь ердөө саяхны явдал. 20-р зууны түүхэнд хүн төрөлхтөн ШӨНӨ”-ийг буюу шөнийн амьдралыг бий болгосон бол одоо олон түүчээ нар аль хэдийн өөрсдийнхөө амьдралд хэвшүүлж байгаачлан 21-р зууны түүх бол “ӨГЛӨӨ”-г бүтээж байгаа явдал юм.

Хэмжээ хязгааргүй хэрэглэдэг байсан үеийг давж бид хүний өөрийнх нь үндсэн мөн чанарлуу буцаж байна гэж ойлгож болно.

Эрт босох нь эрдэнийн үнэтэй:

5(8)

Өглөөний 1 цаг бол үд дундын 2 цагийн үнэ цэнэтэй.

Япончууд шөнө болтол ажиллах нь нэг ёсондоо хүмүүсийн статус болчихсон учир  эргэн тойрныхондоо эрт босдог гэж яривал “Эрүү өвдөг нь нийлж унтаж чадахаа больсон эмгэн өвгөн шиг ” гэж хэлэгдэх ба эрт босохын давуу талыг сайн ойлгодоггүй юм. Тэдний зарим нь гэр бүл хүүхдүүдтэйгээ уулзаж чадахгүй хэдэн долоо хоног, сар болох нь бий.

Гэвч Японы жүжигчин Айкава Шёо “Эрт босох нь эрдэнийн үнэтэй ” гэж хэлсэн байдаг ба дэлхийд хамгийн амжилттай яваа захирлууд маш их ажилтай, завгүй байж ядардагч зориуд өглөө эртлэн босдог нь олон шалтгаантай юм.

6(7)

Стив Жобс:Өглөө 06:00 цагт босч хүүхдээ босох хүртэлх
тэр багахан цагийг маш үр дүнтэй өнгөрүүлдэг.

Мөн дээр дурьдсан “Амжилттай яваа хүмүүс өглөөний цай уухаасаа өмнө юу хийдэг вэ?” номын зохиолч Лаура Вандеркамын хэлснээр эрт босох дадал зуршилтай хүн өглөөний цагийг ашиглан “Шууд үр дүн нь харагдахгүй ч урт хугацаандаа үр ашгаа өгөх зүйлд хөрөнгө оруулалт хийх хандлагатай байдаг бөгөөд тэр байдлыг нь дараах гурван категорид хувааж ойлгож болно.

1.      Өөрийн карьераа төлөвлөх цаг: Ингэснээр  стратеги төлөвлөгөөгөө боловсруулж ажилдаа төвлөрч чаддаг

2.      Хүмүүстэй харилцах харилцаандаа гаргах цаг: Ингэснээр гэр бүл найз нөхөдтэйгөө хамт өнгөрүүлдэг цагийг бий болгодог

3.      Өөртөө зориулах цаг: Ингэснээр дасгал хөдөлгөөн, бясалгал хийх, шинэ санаа олоход зарцуулах цагийг бий болгодог

7(7)

Женерал Электрикийн CEO Жэйфри Иммелт: Өглөө 05:30 цагт босч
дасгал хийнгээ сонин гарчиглаж мэдээ уншдаг.

Гэр бүлтэйгээ өнгөрүүлэх цаг болоод тогтмол дасгал хөдөлгөөн хийхийн чухлыг хүн бүр мэддэг. Гэхдээ эдгээр нь гэнэтийн тулгамдсан ажил биш болохоор хурал, орой үдэш хүмүүстэй уулзах, наргих цаг гаргаж гэр бүл, эрүүл мэнддээ зориулах цагийг орхигдуулдаг.

Гэр бүл, дасгал хөдөлгөөн хийхэд зарцуулах цагийг бид дахин төлөвлөж болох хэдий ч нэг л мэдэхэд аль хэдийн оройтсон байх нь бий.

Таны хувьд чухал зүйлийг өглөө эрт амжуулснаар бусад хүмүүс болоод компаний хувьд чухалд тооцогдох зүйлд өөртөө зарцуулах цагаа алдаад байх юмгүй болно.

8(7)

Японы жүжигчин Айкава Шёо: Би өглөөний цагийг өөрийнхөө хоббид зориулдаг.
Чингэвэл ямар нэгэн урилга, заллага ирэхэд аль хэдийн
өөрийгөө бэлдэж бэлэн байлгана гэсэн үг

Өглөө эрт “Бодол санаа хамгийн их төвлөрдөг” цаг байдаг ба өдөртөө янз бүрийн хүнтэй уулзаж, олон ажлыг амжуулж, хурал, хэлэлцээр хийх зуур бодох төвлөрөх чадвар сулардаг ба тийм үедээ хамгийн чухал шийдвэрүүдээ гаргасан ч сайн үр дүнд хүрэхг магадлал бага.

Германы Хайдэлберг ИС-ийн профессор Кристоп Рандлэр:

“Эрт босдог дадалтай хүмүүс нь урт хугацаанд аливаа зүйлийг сайн бодох чадвартай байдаг. Судалгаагаар урт хугацаандаа юмыг сайн боддог хүмүүс өөрийгөө сайн удирддаг хийгээд тэр хэрээр өөртөө итгэх итгэл бий болдог”  гэж хэлсэн байдаг.


9(7)

Сагсчин Майкл Жордан ч өглөөний хүн бөгөөд өөртөө хатуу чанд шаардлага тавьдаг нэгэн

Хүмүүс англи хэл сурья, биеийн жингээ хасч туръя, гэр бүлдээ цаг гаргаж тэдэнтэйгээ ярилцаж байя гэх мэтээр өөртөө ямар ч хатуу шийдвэр гаргаж байсан ч өдөр бүрийн завгүй байдал чинь таны үнэт цагийг хумсалж орхидог тул өнөөх л бахь байдгаараа үлдсэн байдаг.

Амжилттай яваа Хүмүүс аливаа зүйлийг урт хугацаанд бодож төлөвлөж, өөрийнх нь хувьд хамгийн чухал зүйл үд дунд ямар ч ажил орсон, завгүй байсан ч зохицуулж хийж байхаар бодож өглөөний цагийг ашиглаж, хийж сурсан байдаг.

(Өглөө эрт) х(Дасгал+Төсөөлөн бодох)=21-р зууны амьдралын хэв маяг

10(6)

Твиттерийг үндэслэгч Жак Дорси: Өглөө бүр 05:30 цагт босч 6 км гүйдэг

Өглөө бүр эрт босох нь чухал боловч тухайн цагт телевиз үзэж, фэйсбүүк гэх мэт нийгмийн сошиал сүлжээгээр хэсчихдэг бол ямар ч утгагүй, үр дүнгүй хайран цаг болно.

Амжилттай яваа олон хүмүүсийн өглөөний цагаар юу хийдгийг судалж үзвэл дасгал, эсвэл шинэ санаан дээр ажиллаж, тухайн цагийг үр бүтээлтэй өнгөрүүлдэг.  Өглөөний энэ цаг нь хамгийн үр бүтээлтэй ажиллаж болох үе гэдгийг шинжлэх ухаан баталж өгч байна.


11(5)

Мишель Обама: “Хүүхдүүдээ босохоос өмнө дасгалаа хийж
дуусгасан байхыг хүсдэг.
Өглөө бүр 04:30 цагт босдог”

Өглөө эрт дасгал хийснээр эсийн бодисын солилцоо явагдаж өдрийн турш калори шатаах болможийг бүрдүүлж өгдөг. Түүнчлэн тогтмол, тасралтгүй үр дүнтэй хийж буй дасгал хөдөлгөөний 90% нь өглөөний дасгал байдаг гэсэн судалгаа бий. Ургуулан бодох чадвартай зэрэгцээд өглөө дасгал хөдөлгөөн хийх нь том давуу талыг бий болгодог. Энэ тухай Лаура Вандеркам бас дараах зүйлийг хэлсэн байдаг.

 “Том компаний захирлууд үнэхээр завгүй хүмүүс байдаг. Хэрэв тэд өөрсдөдөө дасгал хөдөлгөөн хийх цаг гаргадаг бол энэ тэдний гаргадаг хамгийн чухал шийдвэрүүдийн нэг юм”

12(2)

Барак Обама Ерөнхийлөгч: Дэлхийн хамгийн завгүй ерөнхийлөгч хэдий ч өглөө эрт босч дасгал хийдэг.

Мөн, хүн боссоны дараа тархины төсөөлөн бодох чадвар хамгийн дээд цэгтээ хүрдэг гэдэг нь шинжлэх ухааны судалгаагаар батлагдсан байдаг. Нэгэн судалгаан дээр тархины үйл ажиллагааг өглөө эрт ба орой MRI аппаратанд оруулж шинжилж үзэхэд өглөө эрт тархины төвлөрөх чадвар өндөр байсныг баталсан байдаг.

Цаашилбал Лаура Вандеркам өглөө 06:00-09:00 цагийн хооронд Твиттер таймлайныг судалж үзвэл хүмүүс энэ цагт өдрийн бусад цагаас илүүгээр  “awesome-гайхалтай”, “super”  үгнүүдийг ашигласан жиргээ олон байсан байна.

13(2)

MRI шинжилгээ: Тархины өглөө ажиллах чадвар нь илүү байна

“Өглөөний төсөөлөх чадвар” гэдэг өнцгөөс харвал Твиттерийг үндэслэгч Жак Дорсигийн бусадтай хамтран санаачилсан “The Wave Coffee Movement” кофешоп яг одоо Америкт олны анхаарлыг татаж байна.

Старбакс бол завгүй бизнесмэнүүд их ажлынхаа зав зайгаар орж хийсэн ажлаа цэгцлэнгээ кофе уудаг газар болохоос  бизнес хийх гэж, шинийг санаачлагчид  төвлөрч суугаад шинэ санаа, ажлаа бодох гэж ордог газар биш. Ийм зүйлд тохиромжтой газар биш. Үүнийг анзаарсан Дорси, шинийг санаачлагчид, завгүй бизнесмэнүүдэд зориулан хотын төвөөс зайтай газар тохилог, тав тухтай орчинд хамгийн өндөр чанартай үрийн кофе уунгаа төвлөрч суун ажлаа хийх боломжтой орчныг бий болгосон.


14(2)

Third Wave Coffee Movement: Америкт сүүлийн үед олны очих дуртай газар болоод буй кофешоп

Энэ Third Wave Coffee Movement-ын талаар талаар Японы Hyper Media Creator Такаширо Цүёши дараах зүйлийг хэлсэн байдаг:

Тэрээр  “Нар гарахтай уралдан ажлаа эртхэн гүйцэлдүүлэх нь хүмүүний байгалийн жам бөгөөд ойрын үед Америк даяар ажлынхаа өмнө өглөө кафед уулзах хандлага тогтож байна. Third Wave Coffee Movement буюу кофены гурав дахь давалгаа шиг давтагдашгүй кофе шопуудын ихэнх нь өглөө 6 цагаас орой 6 цаг хүртэл ажилладаг нь нэлээд анхаарал татдаг” гэж хэлсэн байдаг.


15(1)

Такаширо Цүёши: 21-р зууны түүх бол өглөө бүтээгддэг

20-р зуун бол эрүүл мэндээрээ хохирсон ч хамаагүй ажиллаж байвал тэр сайхан гэж хэлэгддэг байсан бол 21-р зууныг туулж өнгөрүүлэхийн тулд “Эрүүл мэндийн удирдлага” ба “Ургуулан бодох чадвар” их чухал болоод байна. Өглөө босох цагаа өөрчлөх нь 20-р зууны хэлбэрээс 21-р зууны хэв маягийн амьдралруу шилжих нэгэн төрлийн түлхүүр нь болох юм.

Дүгнэлт

16(1)

Өглөө эрт босохгүй бол болохгүй гэсэн шалтгаануудыг тоочлоо.

Японы Cyber Agent Фүжита гэгч Intelligence/Интелиженс/ ХХК-д Сургалт хийдэг байх үеийнхээ тухай “Олон ажилтнууд маань хичээж ажиллаж байгаагаа харуулах гэж шөнө болтол үлдэж ажилладаг байсан нь эгдүү хүргэдэг байлаа. Тэдний энэ хэв маягийг өөрчилж өглөө эрт босох амьдралын хэвшилд сургасан” гэж ярьсан байдаг.

Гэвч хичээгээд өглөө эрт боссон ч бас л шөнө орой болтол ажиллаад хамгийн сүүлийн автобус, галт тэргээр гэртээ харих юм бол ингэж хичээсний хэрэг гэж юу ч байхгүй. Ямар ч үр дүнгүй юм.

Жүжигчин Айкава Шёо өглөө эрт босч чаддаггүй хүмүүст дараах зөвлөгөөг өгсөн байдаг.

Тэрээр “Өглөө эрт босч чаддаггүй гэж ярьдаг хүмүүс байдаг ч хариулт нь маш энгийн. Эрт унтаж чадахгүй болохоор тэр. Тиймээс эрт унтаж чадахгүй байна гэдэг нь эрт босоогүй болохоор тэр. Гэхдээ Эрт унтаж, эрт босох гэж ойлгох нь буруу юм. Зүй нь Эрт босч, эрт унтах ёстой юм” гэж хэлсэн байдаг.


17(1)

Старкбаксын CEO Ховард Шульц: “Би 6 цагт ажил дээрээ ирж 19цагт гэртээ харьдаг”

Хамт ажилладаг хүмүүсээсээ түрүүлж гэртээ харьж 22:00- 23:00 цагт унтахад жаахан зориг хэрэгтэй болох байх. Гэхдээ тэр зэрэгт санаа зовоод байвал өөрийнхөө хувьд хамгийн чухал зүйлийг бусдын төлөө, бусдын төлөвлөгөөтэй уялдуулаад алдаж орхих юм.

Вэнчер Компаниудын ажилчид шөнө дунд болтол үлдэж ажиллах байдал харагддаг ч ихэнх нь Фэйсбүүкээр тэнэх, ухаалаг утсаар янз бүрийн тоглоом тоглох зэргээр өөрийнхөө хийх ёстой ажлаа умартаж, төвлөрөх ёстой зүйл дээрээ суулгүй цагаа үр дүнгүй өнгөрүүлдэг байдал нэлээд элбэг.

Шинэ зууны эхний 10 жилд ямар ч үед өмнөх зуунаасаа  “Шилжих 10 жил” байдаг ба УРГУУЛАН БОДОХ чадвар шаардагдаж буй 21-р зууны түүх бол ямар ч эргэлзээгүйгээр “ӨГЛӨӨ”-ний цагаар бүтээгдэж байна. Эрт босох тухайд Япончуудын дунд  “Эрт босдог хүмүүс гэр бүлдээ аз жаргал авчирдаг” гэсэн бараг зүйр үг бий болоод байна.

Ер нь бид “Эрт босвол нэгийг дуулна” гэж ярьдаг. Юутай ч та ЭРТ УНТАХ-аас эхэлж, тэрхүү циклийг цаашид “ЭРТ БОСЧ, ЭРТ УНТАХ” байдлаар үргэлжлүүлснээр таны амьдрал өөрчлөгдөх байх.

САНАЛ БОЛГОХ НИЙТЛЭЛ

  • Тууштайгаар амьтан тэжээгч эрхэм
    Токиод сонин хачин зүйлс элбэг тохиолддогоороо алдартай. Мөн энд байдаг хүмүүсийг амьтан тэжээхдээ тун тууштэй ханддаг гэдэг байна. Нэгэн настай эрхэм өөрийн тэжээвэр яст мэлхийг дагуулан хотын гудамжаар алхдаг аж. Тэд харваас хамтдаа урт удаан хугацааг туулжээ.
  • Хүүхдүүдийн анхны туршилтууд
  • УХААРАЛ: Түүнийгээ бараг жил хүлээгээд тэвэрсэн
    Нэгэн бүсгүй өөрт тохиолдсон хайрын түүх, түүнийгээ хэрхэн алдах шахсан, харин яаж эргүүлэн олж авсан тухайгаа бидэнтэй хуваалцжээ. Түүний нүүр номоос авсан түүхийг тантай хуваалцаж байна. Гэгээн сайхан бүхэн дэлгэрэх болтугай. "САЙХАН ХАЙР ГЭЖ БАЙДАГ. ОЛДВОЛ АЛДАЖ БОЛОХГҮЙ". Ч.ЛОДОЙДАМБА ------------------------------------------------ "Намайг М...
  • Та хайртай хүнээ 70 жилийн дараа ч хайрласаар байх уу?
    Удалгүй гэрлэх гэж буй хосууд мэргэжлийн нүүр хувиргагчдын тусламжтайгаар бие биенийхээ 70 жилийн дараах төрхийг харжээ. Тэд нэг нэгнээ хайрласан хэвээр байх болов уу?
  • ЭДЕНИЙ ЦЭЦЭРЛЭГ /бяцхан өгүүллэг/
    Цаг хугацаа зогсолтгүй урсан өнгөрсөөр. Цаг хугацаа нэгэн хэм, нэгэн хурдаар урагшилсаар. Гэвч хүмүүн төрөлхтөн тэр цаг мөчид ч тайван агаад юуг ч үл тоох аж. Хээр тал, гуу жалга, мөрөн далайн эрэг хаа сайгүй хүмүүс хонин сүрэг мэт налайн бэлчинэ. Хаашаа ч харсан хот суурин үгүй. Хот тосгон, гудамж талбай, байшин барилга юу ч үл үзэгдэнэ. Эрэгтэй, эмэгтэй хүмүүс бэлхүүс хавиа хөнгөн хал...
  • СЭЛФИ элэглэл
    Сошиал ертөнц бидэнд нээлттэй болсноос хойш залуус маань олон мэдээллийг нэг доороос багцлан авч чадах болсон. Нөгөө талаар мэдээлэл хэт нээлттэй болж, цензур тавих боломжгүй болсон нь олон талаар сөрөг үзэгдлийг бий болгож байна. Social Storming гэж хэлж болох энэ их мэдээллийн шуурга нас, хүйсийн ялгаагүй бүгдэд хүрч, хүүхэд залуус болох болохгүй зүйлийг харж, автаж байна. Тэд өөрсдөө...
  • Аялах уу? Цуврал-6: Энэтхэгийн хамгийн үзэсгэлэнтэй далайн эргүүд
    Энэтхэгт сэтгэл татам газрууд олон бий. Жил бүр олон тооны жуулчдыг ихээр 10 далайн эргийг танилцуулж байна. 1. Radhanagar эрэг, Havelock арал Хамгийн тайван наран шарлагын  газар гэхэд болно. 2. Agonda эрэг, Goa Цэнгэг ус, далдуу модтой энэ эрэгт та майхан түрээслэн буудаллаж, наран жаргахыг харах боломжтой. 3. Lighthouse эрэг, Kerala Энэ эрэгт жуулчдад зориулса...
  • Эцэг, эхийгээ зарна
    Энэ явдал Япон улсад болжээ. Токиогийн нэгэн сонинд гарсан зарлал маш их шуугиан дэгдээжээ. Тэрхүү зарлалд “Эцэг эхийгээ зарна. Эцэг 70 настай, эх 65 настай. Үнэ 10000000 йен, доошоо байхгүй”. Ийм зар уншсан хүмүүс янз бүрээр дургүйцлээ илэрхийлж байлаа. “Ёстой хачин цаг үе ирж дээ. Хүүхдүүд нь эцэг эхээ зарж байх ч гэж”, “Ийм юм болж байхад төр засаг ю...
  • ЯПОНЫ ГУДАМЖНЫ ХУВЦАС ЗАГВАР
    Япончуудын сэтгэлгээг зарим үед ойлгоход их хэцүү юм. Тэр нь хувцас загвар дээр ч илэрнэ. Бизнесийн хүрээнийхэн ялангуяа компаний ажилтнууд бол хар костюм хослол, цагаан цамц, зангиаг зүүх бичигдээгүй хуультай. Сүүлийн үед эрчим хүчний хэмнэлтийн горимд шилжиснээр хагас ханцуйтай цамц өмсөхийг уриалж, хэсэг бүлэг нь тийм болсон боловч олонх нь хар костюм, цагаан цамцтайгаа л явна. Гэтэл ...
  • БИД ХОЁРЫН ОРОЙ /алгын чинээ өгүүллэг/
    “Аа, бас л гар явчихлаа...” Тэр агшинд ийн харамсан бодсон боловч хүүгийн минь царай аргагүй атиралдан ирээд уйлж гарав. Жаахан ч болохгүй юм хийгээгүй байхад нь. Эвий дээ. Өвдсөн байх даа? Өвдөлгүй яахав дээ. Хацар нь улайсан хүүгээ тэврэн авч “Ээжийгээ уучил, уучил” гэж дахин давтан хэлэв. Газар сөхрөн нулимс дуслуулан суух эхийгээ, хүү минь нэг мэдсэн...
  • Өглөө яагаад лимонтой ус уух хэрэгтэй вэ?
    Өглөө босоод лимонтой бүлээн ус уух нь таны эрүүл мэнддээ оруулж буй хамгийн том хөрөнгө оруулалт хийгээд зогсохгүй Хинду шашны уламжлалт анагаах ухаанд олон жил хэрэглэсэн шалгарсан арга юм. Иймд үзүүлэх нөлөөтэй танилцана уу. 1. Хоол боловсруулах үйл ажиллагааг сайжруулна. Бүлээн ус өглөө уух нь ходоод гэдсэнд сайн бол лимонтой хольж ууснаар элэг цэвэршүүлж, хоол  боловсруулах ...
  • Шинжлэх ухааны сонирхолтой 10 туршилт
    Шинжлэх ухааны сонирхолтой 10 туршилтуудын бичлэгийг хүргэж байна. Эдгээр туршилтыг дагаж хийхдээ гал алдахаас болгоомжлоорой. Мөн бага хүүхдүүдээ өөрсдийн хараа хяналтанд байлгана уу. .
  • Тэрбумтан бүсгүй Опра Уинфри 61 насандаа бие давхар боллоо
    14 настайдаа анхны хүүхдээ алдаж байсан тэрээр хэвлийдээ хүүхэд тээж буйгаа мэдээд баярын нулимсаа барьж дийлэхгүй байна. Мөн тэрээр төрөөгүй хүүхэдэдээ аль хэдийн нэр бодож олсон ба хэрвээ охин төрвөл Harpo (Oprah өөрийнхөө нэрийг тонгоруулж), харин хүү төрвөл Gayle хэмээх нэр өгөхөөр төлөвлөжээ. Түүний хүүхэд бүх насаараа хэрэглээд ч барахгүй 3 тэрбум долларын өв залгамжлагч болох нь т...
  • Стив Жобсын амьдралыг өөрчилсөн нэг асуулт
    Компьютерийн суут Стив Жобс 1976 онд Apple компанийг үүсгэн байгуулснаас хойш бүхий л цаг заваа өөрийн ажилдаа зарцуулж ирсэн. Тэрээр компаний хурал цуглааныг алгасдаггүй хариуцлагатай нэгэн байж. Харин түүхэндээ бараг ганц л удаа хурлаа тасалж байсан юм байна. Магадгүй та бүхэн “Тийм хариуцлагатай хүн яаж хурлаа тасалж чадсан байна аа? Их л чухал шалтгаантай болоод тасалсан...
  • Бусдын дэргэд тамхи татах нь бүдүүлэг хэрэг
    Бусдын дэргэд тамхи татаж эрүүл нэгнээ хордуулдаг хүмүүст зориулж энэхүү видеог  өөр зүйрлэлээр бүтээжээ.
  • Ж.НУРЛАН Монгол Улсын Гавьяат тамирчин болжээ
    Монгол улсаас төрсөн анхны Бодибилдингийн Дэлхийн аварга Ж.Нурлан Монгол улсын Гавьяат Тамирчин цолоор шагнуулж байгаа юм байна. Тэрээр 2014 онд Энэтхэгийн Мумбай хотод зохион байгуулагдсан бодибилдингийн ДАШТ-ий 40-49 насны "Мастерын ангилал"-д алтан медаль хүртэж, энэ спортын төрөлд Монголын бодибилдингийн анхны Дэлхийн аварга цолтон болсон юм. Шинэхэн гавьяатад нийт энэ ...
  • Залуу харагдахын нууц нарийн гэдсэнд байдаг
         Өчнөөн үнэтэй гоо сайхны бүтээгдэхүүн хэрэглээд санасан үр дүн авчрахгүй байх нь бий. Ялангуяа хөгшрөлтийн эсрэг бүтээгдэхүүнүүд  анхандаа үр дүнтэй байгаа мэт боловч хэдэн сараар үргэлжлүүлэн хэрэглэсний эцэст илэрхий үр дүн үзүүлдэггүй. Үүний шалтгаан нь арьсандаа бус нарийн гэдэсний үйл ажиллагаатай холбоотой байдаг. Эм даавар нарийн гэдсэнд боловсор...
  • Эмийг орлох 5 хүнс
    Хэрэв бие тань тавгүйрхэж, нойр тань хүрэхгүй байгаа бол эм уух гэж битгий яараарай. Харин үүний оронд хөргөгчөө онгойлгоод тэнд ямар нэгэн хэрэгтэй зүйл байгаа үгүйг хараарай. Өөрөөр хэлбэл эм уухын оронд дараах хүнсний бүтээгдэхүүнүүдээр өвчин намдаагч болон нойрны эмийг орлуулах боломжтой юм. 1. Алим - Аспирин Англичууд зүгээр ч нэг "Алим байхад эмчид очих шаардлагагүй.&...
  • ОНИГОО: ХӨГЖИЛТЭЙ ОНИГОО
  • Н.Энхбаяр: Сонскуайн, сонскуайн
    Монгол төрийг нуруундаа үүрч явсан хоёр эр. За даа хутгаж ч явсан, хулгайлж ч явсан эрчүүд дээ. Харин хоёулаа шийтгэлгүй. Тэр цаг энэ байдлаараа мөдгүй ээ. Харин яаж яваад энэ хоёр ингэчээд байгаам бүү мэд. Тас согтуу л байх шиг. Бие биедээ юм хэлээд ч байх шиг. Баяр нь Энхбаяртаа нэг юм хэлсэн бололтой. Харин Намбар гуайн хүү түүнийг нь сонсоогүй, сонсохыг ч хүсээгүй юм уу. Хариулт нь...
Та соёлтой, боловсон, хуулийн хүрээнд сэтгэгдлээ үлдээгээрэй. Баярлалаа.
  • 500 тэмдэгт
  • болих
  • оруулах
    • хариулах
ert bosoh (зочин)
Өглөө 6:30-д босдог. Энд бичсэнээр бол хотын төвөөс зайдуухан гэртэй, ажилтай явахын тулд ингэж босдог гэсэнтэй нь таараад байна. Арай жаахан эрт босдог болохгүй бол болохгүй нээ
    • хариулах
(зочин)
Sanaa avahaar saihan zuil bichsend bayarlalaa

Холбоо тогтоох

Та Like дарж манай мэдээллийг авч байгаарай.