Форбес сэтгүүлээс гаргасан судалгаагаар 2016 онд АНУ-д хамгийн өндөр орлоготой байсан мэргэжил, ажлын байруудыг дараах байдлаар жагсаажээ.
Тэднийг нэг жилийн хугацаанд олсон жилийн цалингаар нь жагсаасан байна. Дашрамд дурьдахад АНУ, Япон зэрэг оронд орлогоо жилийн цалингаар ярих, компанид ажилд орохдоо, нэн ялангуяа өндөр албан тушаалын ажилд орж байгаа хүмүүс цалин, хангамжаа жилээр нь тохирдог.

АНУ-ын "Хамгийн өндөр цалинтай ажлууд" 2016 оны 10 топ (Жилийн цалин)
1. Мэс засалч $ 357,192
2. Психоаналист $ 207,153
3. АНУ-ын армийн генерал $ 205,114
4. Олон нийттэй харилцах захирал $ 201,250
5. Ерөнхий эмч $ 199,155
6. Бизнесийн удирдлагууд $ 173,256
7. Шүдний эмч $ 155,267
8. Шүд эрүү заслын эмч $ 131,214
9. Газрын тосны инженерүүд $ 129,990
10. Өгөгдлийн шинжээч $ 128,240

Яг өнөөдрийн байдлаар эдгээр мэргэжлийг эзэмшсэн тохиолдолд та АНУ-д алзахгүй нь. Харин Монголд ямар мэргэжил, ажлын байранд хамгийн өндөр цалин олгож байгаа бол?
Мэдээж Гүйцэтгэх захирлууд өндөр цалин авч байгаа байх. Мэс засалч хүн тийм ч өндөр биш байх. Психоаналист чиглэлээр ажлын байр маш цөөхөн байж магадгүй. Монголын Армийн генералууд Төрийн албаны хуулиараа бол тийм ч өндөр авахгүй байх. Гэхдээ цолны нэмэгдэл, томилолт зэрэг нь нэмэгдэхээр бас нэлээд өндөр болох байх.
Шүүгчид 2500,000-4500,000₮ цалин авдаг нь бас боломжийн. Уул уурхайн салбарын удирдлагууд болоод инженерүүд өндөр цалин авах боломжтой.