МЭДЭЭ

Жони Симпсон: Монгол эмэгтэйчүүд өндөр боловсрол эзэмшсэн ч ажлын байранд хувиргаж чадахгүй байна


2015 оны 09 сарын 24, 17:10

index_33

НҮБ-ын Олон улсын Хөдөлмөрийн байгууллагын Жендэрийн ахлах мэргэжилтэн Жони Симпсоныг УИХ-ын гишүүн Ц.Оюунгэрэл хүлээн авч уулзан,  тэтгэврийн насны зөрүү, хотын ажиллах хүчний жендерийн асуудал, өндөр албан тушаал дахь эмэгтэйчүүдийн хүйсийн тэнцвэрт харьцаа, Хүүхэд харах үйлчилгээний тухай хууль, намуудын эмэгтэй гишүүдийн талаар болон Монголоос НҮБ-ын Олон улсын Хөдөлмөрийн байгууллагын зохион байгуулж буй аливаа арга хэмжээнд оролцох оролцоог дэмжих чиглэлээр санал солилцсон юм. Энэ үеэр хатагтай Жони Симпсонтой уулзаж, цөөн асуултад хариулт авснаа хүргэе.

-Таныг монголд анх удаа ирж байгаа гэж сонссон. Ирсэн зорилгыг тань сонирхвол?
-Тийм ээ, би Монгол оронд анх удаа ирж байна. Олон улсын хөдөлмөрийн байгууллагад бүсийн жендер эрхэлсэн ажилтнаар томилогдоод удаагүй тул хариуцсан бүс нутгийнхаа орнуудын нөхцөл байдал, тулгамдаж буй асуудлуудыг судлахаар ирсэн юм.

-Монгол Улс жендерийн асуудлаар бүс нутгийн бусад орнуудтай харьцуулахад ямар түвшинд байна вэ?

-Зүүн хойд азийн бүс нутгийн улс орнуудыг ажиглахад, бүгд өөр өөрийн онцлогтой байдаг. Монгол Улс тийм ч доогуур ороогүй. Эмэгтэйчүүд нь өндөр боловсрол эзэмшсэн байна. Гэхдээ үүнийгээ ажлын байранд хувиргах тал дээр хангалтгүй санагдлаа. Тухайлбал, эзэмшсэн боловсролдоо дүйцэх өндөр цалинтай эсвэл илүү шийвэр гаргах түвшний ажил эрхэлж байна уу гэвэл үгүй байна.

Түүнчлэн эрүүл мэнд, боловсрол гэх мэт эмэгтэйчүүд голдуу ажилладаг салбарт ажиллагсдын цалин эрэгтэйчүүд олноор ажилладаг салбарынхантай харьцуулахад бага байгаа нь анзаарагдлаа. Бүсгүйчүүд олноороо ажилладаг салбарт эрчүүдийг оруулснаар цалин нэмэгддэг. Аль ч хүйсийн хүмүүст илүү боломж гардаг. Тиймээс энэ туршлагыг монголд нэвтрүүлэх хэрэгтэй. Ер нь эрэгтэй, эмэгтэй хүний ажил гэсэн ялгааг арилгах нь зүйтэй. Ижил үнэлгээтэй ажлаас эрэгтэй, эмэгтэй хүмүүс ижилхэн цалин авдаг байх ёстой.

Албан тушаалын тухайд, зөвхөн Монгол гэлтгүй, бусад орнуудад ч мөн ялгаагүй, шийдвэр гаргах өндөр түвшинд эмэгтэйүүдийн оролцоо тун бага байгаа. Дунд дүвшинд ч хангалтгүй. Эмэгтэйчүүд төрийн өндөр алба хашсанаар эрэгтэйчүүдийн олж хараагүй асуудлыг гаргаж ирэх нь илүү байдаг. Иймд эмэгтэйчүүдийг аль болох олноор нь шийдвэр гаргах өндөр түвшинд оруулж ирэх нь чухал.

Бас нэг асуудал бол ажлын байрны бэлгийн дарамт. Би Монголд ирээд удаагүй. Энэ хугацаанд хүмүүстэй ярилцаж байхдаа дээрх асуудал нэлээд гардаг болохыг мэдлээ. Бэлгийн дарамт үзүүлж байгаа хүн нь дарамталж байна гэдгээ мэддэггүй, нөгөө талаас хохирогч нь дарамтлуулж байгаагаа ухаардаггүй. Тэгэхээр энэ талын ойлголтыг нэмэгдүүлэх ажлыг зохион байгуулах нь чухал.

-Манай парламентын 76 гишүүнээс 11 нь эмэгтэй. Өөрөөр хэлбэл, энэ удаагийн парламентад эмэгтэйчүүд 15 хувийг эзэлж байгаа. Бусад орнуудад энэ үзүүлэлт хэр өндөр байдаг вэ?

-Эмэгтэйчүүдийн парламентад эзлэх хувь хэмжээ улс орон бүрт харилцан адилгүй байдаг. Жишээлбэл, Скандиновын орнуудад энэ үзүүлэлт нэлээд өндөр. Монголын парламентад эмэгтэйчүүд 15 хувийг эзэлж байна гэдэг тодорхой хэмжээгээр өссөн үзүүлэлт байна. Ер нь бол парламентын гишүүдийн гуч орчим хувь нь эмэгтэйчүүд байх юм бол аливаа хэлэлцэж буй асуудалд үзэл бодлоо илэрхийлэхэд хүчтэй байж чаддаг, мөн шийдвэрт нөлөөлөх боломжтой болдог. Иймд олон улсын жишгээр 30 хувь гэсэн шугам татдаг. Мэдээж, сонгуулиас, сонгуулийн хооронд эмэгтэйчүүдийн эзлэх жин хэлбэлздэг. Би өөрөө Канад улсын иргэн. Манай улсад парламентын 30 орчим хувь нь эмэгтэйчүүд байдаг. Гэхдээ энэ үзүүлэлтийг хангалтгүй гэж үзээд, цаашид нэмэгдүүлэхийг зорьж багаа. Эмэгтэйчүүд олноороо шийдвэр гаргах түвшинд очихын тулд эхлээд төрийн байгуулагад ажиллаж, туршлага хуримтлуулах хэрэгтэй. Ингэснээр улс төрд орох сууриа сайн бэлдэж чадна. Эмэгтэйчүүд улс төрд орсноор засаглалын асуудлыг, ялангуяа мөнгө санхүүгийн асуудлыг шийдвэрлэхэд эрэгтэйчүүдээс илүү үүрэг гүйцэтгэдэг.

-Манайд эмэгтэйчүүд сонгуульд өрсөлдөхдөө гэр бүл, хүүхэд, эрүүл мэнд, боловсролын асуудлыг түлхүү хөнддөг. Сонгогдсоныхоо дараа ч дээр эдгээр салбар, сэдвүүдэд илүү анхаарал хандуулан ажилладаг. Тэдний зарим нь эдийн засаг, уул уурхай, татварын чиглэлийн хуулийн төслүүд дээр Ажлын хэсэг ахалж, идэвхтэй ажилладаг. Ийм тохиолдолд олон нийт ч тэр, хэвлэл мэдээллийнхэн ч тэр энэ юу мэддэгтээ энэ төсөл дээр ажиллаад байгаа юм бэ гэж үл ойшоосон янзтай хандах байдал ажиглагддаг л даа. Ер нь ингэж эмэгтэйчүүдийн ярих, барьж авах сэдвийг зааглах шаардлага байна уу, туршлагаасаа хуваалцаач...
-Ер нь бол амьдралд эрэгтэй, эмэгтэй хүмүүс аль аль нь зэрэгцэж оролцдог учраас заавал эмэгтэйчүүдийн асуудал, эсвэл эрэгтэйчүүдийн асуудал гэж ялгах хэрэггүй. Иймд гэр бүл, эмэгтэйчүүд, хүүхдийн асуудалд эрчүүдийг бас түлхүү оролцуулж өгөх нь зүйтэй. Амьдрал дээр эхнэр нь илүү ачаалалтай ажилладаг учраас нөхөр нь арай богиносгосон цагаар ажилладаг, хүүхдүүдийнхээ гэрийн даалгаврыг хийлгэдэг жишээ цөөнгүй байдаг шүү дээ.

-Ээжүүд, ялангуяа залуу эхчүүд, төрснийхөө дараа гэр бүлийн орлого, амьжиргаагаа бодоод ажилдаа яаран ордог. Уг нь хүүхдээ эрүүл, аюулгүй өсгөе гэвэл аль болох удаан хугацаагаар хамт байж, хөхөөр нь хооллох хэрэгтэй шүү дээ. Тэгэхээр жирэмсний болон амаржсаны тэтгэмжийг аль болох удаан хугацаагаар, ахиухан хэмжээгээр олгож байвал энэ асуудлыг шийдэж болохоор. Энэ талаар ОУХБ-аас ямар бодлого барьж байгаа вэ?
-Олон улсын хөдөлмөрийн байгууллагаас Эхчүүдийн эрхийг хамгаалах конвенцийг баталсан. Судалгаанаас хараха, ээжүүд хүүхдээ хараад ажлаасаа хэт удаан хугацаагаар хөндийрвөл буцаад ажилдаа ороход мэдлэг, мэдээлэл, ур чадварын хувьд хоцрогддог. Ингэснээрээ зөвхөн  мөнгөн хэлбэрийн бус их хохирол амсдаг. Тиймээс ээжүүдийг ажлаас нь удаан хугацаанд чөлөөлөх нь буруу юм байна гэсэн дүгнэлтэд хүрсэн.

Монголын парламент саяхан Хүүхэд харах үйлчилгээний тухай хууль баталсан байна. Энэ хуулиар ээжүүд хүүхдээ хүнд харуулаад ажилдаа богино хугацаанд эргэн орох боломжоор хангагдаж байгаа гэж ойлгож байна. Эмэгтэйчүүд эрэгтэйчүүдээс хоёр дахин их ажил хийдэг гэсэн судалгаа байгаа. Энэ нь эмэгтэйчүүд албан ажлын хажуугаар гэрийн ажлаа амжуулж, үр хүүхдэдээ анхаарал хандуулж чаддагтай холбоотой. Тиймээс зөвхөн ээжүүд хүүхдээ хараад гэртээ суух биш аавууд ажлаа амжуулаад хүүхдээ харах боломжийг хангах нь бас чухал юм.

Монгол Улсын парламент удахгүй Хөдөлмөрийн тухай хуулийг хэлэлцэх байх гэж найдаж байна.  Уг хуульд эдгээр асуудлыг хэрхэн зохицуулахыг тусгаж өгсөн гэдгийг УИХ-ын гишүүн, хатагтай Ц.Оюунгэрэл уулзалтын үеэр хэлсэн. Олон улсын хөдөлмөрийн байгууллагын зүгээс мөн мэдээллээр хангаж, зөвлөн, нэлээд идэвх зүтгэл гарган  ажилласан. 







Эх сурвалж: http://mnb.mn/

САНАЛ БОЛГОХ НИЙТЛЭЛ

  • Үс /бяцхан өгүүллэг/
    Нэг охин үсээ янзлуулахаар явлаа. Уулын мухрын жижигхэн тосгон. Тэр охин үсчингийн газар очоод мэл гайхав. Тосгоны охид бүгд цугларсан ажээ. Унжийж, хэлбэрээ алдсан гүйлсэн цэцгэн үсний засалтаа толийсон, шинэхэн амьд цэцэг мэт дэлбээлүүлсэн тэр орой нэгэн цэргийн хороо тосгонд ирэв. Тосгоны захиргаанаас айл бүрт хуваагдан унтахаар болж, юутай ч нэг ч айл үлдэлгүй зочинтой болсон юмсанж....
  • Iphone 11 утасны 11 азтантай урьдчилсан захиалга эхэллээ
    Apple брэндийн албан ёсны борлуулагч Sain Electronics-с iPhone 11 утас захиалж худалдан авсан хэрэглэгчдээс 11 азтанг тодруулна. Супер азтан iPhone 11 утас хожино. Та дараах холбоосоор орж утасны дугаараа бүртгүүлээд урьдчилсан захиалгаа өгөөрэй. Урьдчилсан захиалга өгөх бол ЭНД дарна уу. iPhone утаснуудыг албан ёсны борлуула...
  • “Зорилго нь аргаа зөвтгөнө”, Х.Цагаанбаатар
    Олимпийн хүрэл медальт, дэлхийн аварга, Монгол Улсын хөдөлмөрийн баатар Х.Цагаанбаатар өчигдөр орой “Боловсрол суваг” телевизийн “Гурван сая инээд” шоу нэвтрүүлэгт оролцлоо. “Эхлээд шагналаа авчихаад дараа нь зорилгоо хэлнэ ээ” хэмээн даруухан эхэлсэн тамирчин маань 500 мянган төгрөгийн шагналтай III үеийн тоглолт дээр минут нь дуусах гээд сандарч, “Батаа, онигоог чинь ярина шүү...
  • Сингапур ундны усны хэрэглээгээ технологи ашиглан хэрхэн шийдэж байна вэ?
    Сингапур улс өдөрт л 430 сая галлон буюу 1.6 сая тонн ус ашигладаг бөгөөд ирэх 40 жилд хоёр дахин нэмэгдэх хандлагатай байна. Энэхүү хэрэглээ нь тус улсыг дэлхийн усны хомсдлын асуудалд анхаарахаас аргагүй байдалд хүргэжээ. Тиймээс цэвэр ус хомс болох тэр цаг үед бэлэн байх үүднээс шинэ технологи бүтээж байна. “Сингапур үнэх...
  • 3х3 сагсан бөмбөгөөр Монголчуудын амжилтыг олон улсад шагшиж байна
    Өнгөрөгч 10-р сарын 5, 6нд Өмнөд Солонгосын Чежү хотод болсон 3Х3 сагсан бөмбөгийн Дэлхийн Гранпри тэмцээнд Монголын УЛААНБААТАР ММС ЭНЕРЖИ баг түрүүлсэн нь Ази тивийн анхны аварга баг болж түүхийн шинэ хуудсыг нээсэн. Энэ талаар Олон улсын сагсан бөмбөгийн дээд байгууллага FIBA-гаас өөрийн вэб хуудсандаа онцлон бичсэн байна. 3х...
  • Боливийн диваажин
    Боливийн байгалийн сүр жавхланг харуулсан  зургууд танд гайхалтай сэтгэгдэл төрүүлэх болно. Эдгээр зургийг авахын тулд зурагчин Боливоор 3 сарын турш аялсан ба нэг зургийг дарахын тулд заримдаа 3-4 хоног зарцуулж байжээ.
  • Робби Виллиамс Азиар аялан тоглолт хийнэ
    Британийн алдарт дуучин, Take That хамтлагийн гишүүн Робби Виллиамс Ази болон Шинэ Зеланд, Австралиар аялан тоглолт хийх болсноо зарлаад байна. Түүний хамгийн эхний тоглолтын тов 9-р сарын 23-нд Хонг Конгд болохоор зарлагдаад байгаа ба бусад хуваарийг удахгүй зарлах аж. Эх сурвалж: www.robbiewilliams.com
  • Шийдвэр бол таных, тэгэхээр түүндээ үнэнч бай
    Ямар нэг зүйл хийхэд ихэнх тохиолдолд “Бусдын санал” болон “Бусдын өнцөг” гэдэг зүйл дагалдаж байдаг. Хүн бүр аливаа зүйлд өөрийнхөөрөө ханддаг. 100 хүн байхад тэд зуун өөр янзаар хүлээн авч, зуун өөр өнцгөөс тунгааж боддог. Зарим нь эсэргүүцнэ. Нөгөө зарим нь "аанхаа" гэж хүлээн зөвшөөрнө. Бүр өөр санал гаргаж, маргаан мэтгэлцээн болно.  Тэгэхээр...
  • Нийслэлийн удирдлагууд азай буурлууддаа хүндэтгэл үзүүллээ
    НҮБ-ын Ерөнхий ассамблей жил бүрийн аравдугаар сарын 1-ний өдрийг Олон Улсын Ахмадын баяр болгон тэмдэглэхийг дэлхий даяар албан ёсоор тунхагласан байдаг. Монгол Улс 1992 оноос хойш өдгөө Ахмадын баярын өдрийг 27 дахь жилдээ тэмдэглэж байна. Нийслэлийн Ахмадын хорооноос есөн дүүргийн ахмад настнуудаа хүлээн авч хүндэтгэл үзүүлэх ёслолын арга х...
  • Женнифер Энистон 46 насандаа жирэмсэн болжээ
    Насандаа баймгүй төгс бие галбиртай гэгддэг Женнифер Энистон 2011 оноос хойш хамтдаа байгаа найз залуу Жастин Теругаас жирэмсэн болсноо албан ёсоор зарлажээ. Тэрээр 3 сартай ба анх жирэмсэн гэдгээ мэдээд өөртөө итгэж ядан тун их гайхсан гэнэ. Учир нь Энистон олон жилийн туршид жирэмслэхээр оролдсон ч бүтэлгүйтэж, тээгч эх хайх зэрэг арга хэрэглээд байсан юм. Ямартаа ч Энистон удалгүй Хо...
  • ТББХ: Ерөнхийлөгчийн хоригийг хүлээн авлаа
    Улсын Их Хурлын Төрийн байгуулалтын байнгын хорооны өнөөдрийн (2019.10.03) хуралдаанаар "Ард нийтийн санал асуулга явуулах, Монгол Улсын Үндсэн хуулийн нэмэлт, өөрчлөлтийн эхийг батлах тухай" Улсын Их Хурлын 2019 оны 73 дугаар тогтоолд бүхэлд нь тавьсан Ерөнхийлөгчийн хоригийг хэлэлцэв. Монгол Улсын Ерөнхийлөгчийн хори...
  • Баянзүрхийн шинэ гүүрний ажлын гүйцэтгэл 90 гаруй хувьтай байна
    Гачууртын уулзвараас Налайх, Чойрын уулзвар хүртэлх 20.9 км авто замыг өргөтгөн шинэчлэх ажлын хүрээнд Туул гол дээрх Баянзүрхийн гүүрийг дөрвөн эгнээ болгон өргөтгөх төслийн ажлыг эхлүүлсэн. Шинээр баригдаж буй гүүр нь Гачууртын уулзвараас Баянзүрхийн товчоо хүртэлх 3.4 км авто замд Туул гол дээгүүр байрлах бөгөөд дугуйн болон явган хүний замтай...
  • Кенийн тамирчин марафон гүйлтийн төрөлд шинэ дээд амжилт тогтоожээ
    Бямба гарагийн өглөө Кенийн тамирчин Элиуд Кипчоге марафон гүйлтийн төрөлд түүхэн дээд амжилт тогтоожээ. Тэрээр Австрийн Вена хотод болсон уралдаанд нэг цаг, 59 минут, 40 секундын хугацаанд замаа дуусгаж, 42.2 км зайг хоёр цаг хүрэхгүй хугацаанд туулсан анхны хүн болсон юм. Эрдэмтэд олон арван жилийн турш марафон гүйлтийн зай...
  • Зурахуйн гайхамшиг
  • Токио хотыг сүүлийн 60 жилийн хамгийн хүчтэй хар салхи дайрах гэж байна
    Далайн хүчтэй хар салхи Японы арлуудыг чиглэн ирж байгаагаас нийслэл Токио хот сүүлийн 60 жил үзээгүй байгалийн гамшигтай тулгараад байна. Үүний улмаас нийслэл хотын дэлгүүр, худалдааны байгууллагууд хаагдаж, метро, төмөр замын чиглэлүүд, агаарын нислэгүүд зогсож, Рэгбийн дэлхийн аварга шалгаруулах тэмцээн, Формула Нэг авто урал...
  • Туркийн Анталия хот руу шууд нислэгтэй боллоо...
    Дэлхийн аялал жуулчлалын хамгийн эрэлттэй чиглэлүүдийн нэг болох Туркийн Анталия хот руу энэ сарын 28-ны өдрөөс эхлэн Улаанбаатараас шууд нислэг эхэлнэ. Турк руу визгүй зорчдог Монголчуудын хувьд энэ нь улам таатай мэдээ болж байна. Анталия нь Туркийн аялал жуулчлалын нийслэл бөгөөд сүүлийн жилүүдэд энд ирэх аялагчдын тоо улам ө...
  • СУМО БӨХИЙН ӨСВӨР ҮЕИЙН АВАРГА ШАЛГАРУУЛАХ "ВАНПАКҮ СУМО 2015" ТЭМЦЭЭН
    ХЭЗЭЭ: 2015.05.02/БЯМБА гараг/, 09:00 цагаас ХААНА: МОНГОЛ БӨХИЙН ӨРГӨӨ ЗОХИОН БАЙГУУЛАГЧ: JCI Монгол ТББ, JCI Токио ТББ, Монголын Сумо Бөхийн Холбоо, Зориг сан ДЭМЖИГЧ: Япон Улсын Элчин Сайдын Яам #ЗОХИОН БАЙГУУЛАГЧИЙН ТУХАЙ JCI Монгол байгууллага нь 100 жилийн түүхтэй JCI Байгууллагын гишүүн болсоор даруй 23 жилийн түүхэн замналыг бий болгоод байна. Ардчилал, шин...
  • Бэлгийн цөөнхийн бахархлын өдрийг тэмдэглэнэ
    Бэлгийн цөөнхийг хамгаалдаг “ЛГТБТөв” ТББ-аас “Тэгш эрх, бахархлын өдрүүд-2015” арга хэмжээ өнөөдрөөс эхлэн зохион байгуулагдах бөгөөд гурав дахь жилдээ зохион байгуулж буй уг арга хэмжээ Лесбиян, Гей, Бисексуал, Трансжендер хүмүүсийн талаар нийгэмд зөв, бодит мэдээлэл өгөх зорилготой гэдгийг тодотгосон.   Ирэх сарын 9-нийг хүртэл үргэлжлэх эл арга хэмжэ...
  • Чингэлтэй дүүргийн 33 дугаар цэцэрлэгийн байр шинэчлэгдлээ
    Чингэлтэй дүүргийн 1 дүгээр хороонд байрлах 33 дугаар цэцэрлэгийн хуучин барилгыг буулгаж, 240 хүүхдийн хүчин чадалтай 272 хүүхэдтэй шинэ цэцэрлэгийн барилга ашиглалтад орлоо. 280 хүүхдийн хүчин чадалтай, 8 бүлгийн 34 багш, ажилтантай уг цэцэрлэгийн барилгыг Улсын төсвийн хөрөнгө оруулалтаар 2018-2019 онд он дамжин Барилгын хөгж...
  • ҮХЦ: Үндсэн хууль зөрчсөн гэж үзэж хүчингүй болгох шийдвэр гаргалаа
    Монгол Улсын Үндсэн хуулийн цэц Сонгуулийн тухай хуулийн 12 дугаар зүйлийн 12.1, 12.3 дахь хэсэг, Улсын Их Хурлын сонгуулийн 42 дугаар тойрогт нөхөн сонгууль товлон зарлах, санал авах өдрийг тогтоосон, мөн зардлын хэмжээг баталсан Улсын Их Хурлын 2019 оны 22, 23 дугаар тогтоолын зарим заалт  Үндсэн хуулийн холбогдох заалтыг зөрчсөн байна гэсэн дүгнэлтийг өмнө нь гаргасан билээ. У...
Та соёлтой, боловсон, хуулийн хүрээнд сэтгэгдлээ үлдээгээрэй. Баярлалаа.
  • 500 тэмдэгт
  • болих
  • оруулах

Холбоо тогтоох

Та Like дарж манай мэдээллийг авч байгаарай.